¹ Nɗǝgǝn ɓitmuop nanyi mǝn Yahaya Wukǝnpe nyi fu shakɓǝlǝp ngǝgǝr gǝyil Yahudiya yen, ² "Gu nyit wubis nsa yil-long gǝtǝtǝng wulduk. ³ Nsa a nyi shi ndung Ishaya wulaa-ɓǝlǝpnaan dok laa lǝfu a kaa muup, yen, "Ɗǝgǝl mǝgwuo wu nyi fu yongpe ngǝgǝr, 'gu chin war Miskagam, gu myap warshii gǝfe ɗeer.'" ⁴ Yahaya dok bii gǝ ɓyang a swoop kulmi a nyi a byaat afe, gǝ zau nar shi ɓwon muup. Sǝ afe dok a chigǝl gǝ muon. ⁵ Mǝn gurum Urishalima gǝ Yahudiya gǝ gan Kong Urdun dip mǝ fat mwaan dǝr muup. ⁶ Mǝn Yahaya kǝn muop nKong Urdun, muop fu seer wubyas gǝdu. ⁷ Lat mǝn naa Farisiyawa muop gǝ Sadukiyawa fu jya dǝr muop mǝn laa gǝ muop yen "Gun jep zem, a wuɗang dǝlkom gu gu suo yi fu dǝfil wu kot nwul eh? ⁸ Gu chan jepe wu gǝ nyin bat gǝgu. ⁹ Naa yong gu ɗye gu yen, 'A Ibrahim a ndaa mu.' Nsa an fu laa gəgun, Naan gə ɓoot npe bat pang muop nhǝ nwak jep Ibrahim. ¹⁰ Mə ɗen sep gwe shi bədər təng muop. Təng wu gǝ ɓee jep wuret mou ɓǝ gǝ mǝ gap ntak nwus." ¹¹ An fu kən gun shi am nung bat. wu maa an waa kwət nwul, a mak npe wut teng kogop gǝfe mou. A nyi ji gə kən gun shi Mərip Wuret gə wus. ¹² Gətet gǝfe nyi nsar muup dər fii fiin yi dəɗong, mən wagar əksǝ ɗǝk nɗəgən meh. Mǝn lat ɓə nung rip shi wus ndung gə ɗem pit mou hǝ." ¹³ Lat mǝn Yesu tong nGalileee wul nKong Urdun npe Yahaya kǝn nyi yi. ¹⁴ Mǝn Yahaya tangkop dǝn shi muup yen "Ɗong ɗyin a gǝ gǝ kǝn an ɓǝ gǝ yagal gǝ wul dǝr nǝ a?" ¹⁵ Mǝn Yesu lap yen "Gǝ chin dat kam hǝ gǝɗet nhǝ, nsa ɗong ɗyin mǝ kǝgǝtful byiwukǝr." Lat mǝn Yahaya lapɗem. ¹⁶ Ndangkong mǝ kǝn Yesu mǝn pǝt bǝr nɗǝgǝn am, mǝn gǝbǝtǝng ep nnyi. Mǝn naa Mǝrip Naan nsam kabi bǝl hǝ, mǝn sam lang kaamuup. ¹⁷ Lat mǝn mǝ kǝlǝng memǝ ɗegǝl gǝbǝtǝng laa yen "Ndung hǝ a laa gǝɗam anǝ. Took nǝ pya gǝret gǝnyi"