Pemuyan Leto ngan Pemuyan laki ¹ nggina pa ikem, hai leto - leto ngelibaq na palaq laki koq, moq idi yaq a'ang ikem aun yaq raun tudep palaq isiu Tuhan, ida enjam meneng cen pemuyan leto ra. ² moq ida ke naat alan na buweq ngan terhormat pemuyan koq. ³ ayen na peniga koq cen kelayen awang. baan kata manyam puq seq aun inu mat, moq uben aun inu diaq maan - maan. ⁴ minaq pia nggina, ya req peniga koq cen dalem tiga tawai, ina ca peniga empi enjan tai kuko, ya cen berua yaq denaq laset ngan tiga tawai, ina tiga tawai deng juma Allah. ⁵ nggina pa leto - leto diaq dalau cenaaq de, yaq peleq pemuyan yaq tiga palaq Allah, uyan de seq peniga ra tangen; yaq nggina ngelibaq kimet deng juma yaq ngan da. ⁶ nggina ta pa, sara bayaq pemuyan yaq tiga palaq yaq ngan na Abraham, ngan mengin Ia tua bioq; ikem ne anak - anak sara uben kem uyan tiga, ngan ca raun tegak takut beq kem uyen na. ⁷ nggina ta kem pa, ketoq kem pa, ketoq kem diaq tamen - tamen, mudip na tiga tawai ngan diaq leto kem, deng empau penisen mo'a da kelunan yaq lemaq, bayaq na dau ubaq da ilu semaeq deng kuwaq kem raun tai pembeng. ⁸ nggina kem aun ca laq kimet, pengelesau, pengelesau ngan diaq cenganaq, atai yaq tiga tawai, ngan libaq tawai. ⁹ ayen mipa yaq jaat ngan yaq jaat, atau ayen pejaat ca ngan diaq ca, nggina tepa ikem uyan peniga deng ina uben kem pengengin, apan kem mudip ngan tiga. ¹⁰ moq katuq buweq, e'eq yaq selum deng pengudipa, yaq ubaq ke naat tau - tau yaq tiga, ia na ke jagaq jelaq ah cen penyalaq ngan sadah paq' a cen uyan isiu palo lan - lan. ¹¹ ia pa mengecuq usa'a cen diaq jaat ngan uyan diaq tiga, nggina pa ia pita peniga, ngan bawaq tai pabaq. ¹² moq uben Tuhan naat kelunan diaq buweq, ngan telinga kenaan pengeyat - pengeyat da, ina na nyakaq kelunan yaq uyan puyan yaq jaat. ¹³ E'eq yaq menyuat ikoq beq kem tangen uyan diaq tiga? ¹⁴ beq kem ketaru uben neng usun peniga, uben kem ke alaq neng inu diaq tiga, ayen takut ngan ayen geregem neng juma dulu yaq uyan ikem tuyen. ¹⁵ nggina na, ngebuweq na Kristus ngan Tuhan dalem atai koq! petemung ke mipa palaq iyaq menyet pengelan yaq ikoq aun, ¹⁶ ina na uyan na ngan tiga tawai ngan denaq laset, aun pemuyen atai yaq buweq ca tau uben dulu kepejaat ikoq, kelunan yaq pejaat udip koq yaq tiga dalem Kristus ia ketai sae. ¹⁷ moq tiga pa ketuyen beq uyan tiga, moq ina pa uben pengubaq Allah, deng o'oh tuyen uben pemuyan yaq jaat. ¹⁸ uben Kristus lepeq tuyen ngan penyalaq - penyalaq loh, ca liwai neng toq mung dulu, yaq teneng matai deng kelunan diaq raun teneng, apan tai enggin ilu palaq Allah. ida lematai koq baan pemuyan kelunan, o'oh ina nai mudip neng pemuyan Roh. ¹⁹ Dalem Roh, ia tai ngan uyan isiu palaq berua - berua koq penjarah, ²⁰ yaq ina ida diaq cenaaq raun tudep dalau Allah ngan denaq laset kepekena ida dalau zaman Nuh. Nuh dalau nuh uyan kapen bahtera, cen bahtera ina, beng kediut, beng aya usa ta diaq abeq cen layap biuq. ²¹ sungai layap biuq melambangkan Baptisan yaq pa dalau ini menyelamatkan ikem, Baptisan pan bang ngebuweq ano cen usa, ina pa uben lemameq ke palaq Allah, deng pemuyan atai yaq buweq cen Kebangkitan Yesus Kristus. ²² yaq ina ia yaq naq kini lepeq tai koq empau ia aun daq tau Allah, oo'h dina mung malaikat, ketoq pemerintah ngan ketoq penguasa ida ketunuq palaq ida.