Udip yaq mading can Roh ¹ ina na, Kristus lepek tuyen ngan pemuyan ucan tanaq, tiga na kem persenjatai usa koq ngan kimet yaq kuaq, moq kelunan yaq lepeq penusa usun tanaq ne, lepeq peleq pemuyan salaq. ² uben dalam pasat ida udip kaq usun tanaq ne, mpi bayaq pung ubaq usa lo'o, kelunan lo'o, uben a pung ubaq Allah. ³ ina sendeng na uben dalau tau diaq lapa ro, uben pemuyan kelunan - kelunan yaq ne ngetisen Allah; mudip deng pemuyan yaq salaq, mabuk,bangen - bangen nisep - nisep, ngan mengelan palaq yaq jaat ngan sangan deng pemuyan yaq jaat. ⁴ naq kina, ida tikap aleq uben ra alaq moq kumpin uben ke re ke ngan ra dalam pemuyan yaq re yaq ida lepeq uyan. beq nggina, ida pejaat ikem. ⁵ nggina pa, ida kenaq pertanggungjawaban kepalaq ia kengukum kelunan diaq mudip ngan diaq matai. ⁶ moq uben nggini injil dulu kebadaq palaq kelunan - kelunan yaq naq kini lepeq matai, nggina pa uben ra lepeq sioq hakimi deng usun tanaq ne, uben can pengalai keluanan, ina pa nai ra mudip ngan roh pung ubaq pemuyan Allah. ⁷ tekuo deng inu yaq lepeq nyang, ukina na, siap na ngan jaga - jaga na apan kem neam sembayang na. ⁸ deng mpau dina mung, tiga na kem lesau semaleq - aleq ngan lan - lan moq pengelesau mekep kaduq penyalaq. ⁹ badaq na deseq dena laset ca ngan ca, apa re iut tawai. ¹⁰ moq singget kelunan lepeq alaq karunia, kanan na ina deng melayani, ca ngan ca ngan pelayanan, yaq tiga deng kaduq naan karunia can Allah. ¹¹ e'eq yaq ke petiraq tiga na ia kepetiraq koq baan kelunan yaq badaq firman Allah; e'eq yaq kemelayani tiga na ngan' a Allah ilu pempau deng Yesus Kristus. bang can Ia koq peniga ngan kuasa pa ceng majan - majana. Amin. ¹⁴ Tuyen Uben Ngebayaq Kristus ¹² cenganaq - cenganaq yaq akeq lesau, ayen kem kecet deng apui yaq penuyen yaq kenai yaq keten ikem, koq baan uben can inu yaq ilu ketaan yaq lemai palaq ikoq. ¹³ nggina pa, bangen tawai na ikem uben ikem alaq ca awang deng uben penuyen' a Kristus, nggina ta uben kem alaq bangen tawai ngan selum pa kenai peniga' a ida badaq. bangen tawai na, beq dulu pejaat ikem moq ngadan Kristus, moq Roh yaq peniga can Roh Allah yaq peleq deng ikem. ¹⁵ nggina pa, e'eq yaq lepeq tuyan yaq uben lematai, mengelau, yaq uyan jaat, nggina pa uben ca kelunan uben ngelau urusan dulu dia ca. ¹⁶ nggina pa, e'eq yaq uben tuyen uben kelunan yaq mengelan, ayen na la sae, nggina pa tiga na ia pempau Allah moq uben mepa kedau' a. ¹⁷ tai tuket sioq ukum na ini dulu ading can pengamin Allah. ngan, pa pengukum Allah da ading can ilu, kumpin na tuket kelunan - kelunan yaq re ubaq bayaq Injil Allah? ¹⁸ ina pa kelunan bueq, tuyen ra kalaq ca selamat, kumpin ngan kelunan yaq jaat ngan kelunan yaq penyalaq. ¹⁹ nggina pa, inu pa ida yaq tuyen moq uben pengubaq Allah, yaq nggina udip ' a kepalaq yaq naq udip yaq teneng, apan kem aun uyan yaq tiga.