Batu Yaq Mudip Ngan Bangsa Yaq Kudus ¹ tuman pekina, pet na mung kembuseq, mung ubaq palo, mung yaq puraq - puraq, mung kimet yaq ja'at, ngan mung peja'at. ² koq ba'an anak yaq ca' o nai musang, tiga na koq isep susu rohani yaq bueq idi apan kem nai mudip dalem keselamatan lo, ³ beq kem lan - lan tisen Tuhan ina tiga. ⁴ dalau kem nai palaq Kristus, batu yaq mudip yaq kelunan yaq raun ubaq yaq Tuhan lemileq ngan Tuhan menghargai lo, ⁵ ikem ca ba'an batu - batu yaq mudip, yaq dulu uyan jadi amin rohani, imamat yaq kudus kuma rai nggin pengenjai rohani yaq Tuhan ubaq cen Yesus Kristus. ⁶ tuman pekena dau Kitab Suci pisiu, " naat' na, akeq peleq ca batu koq sion, ca batu penjuru yaq dulu lemileq ngan yaq mulia, ngan yaq - yaq mengelan palaq Tuhan mpi ra ka sae un." ⁷ lepeq ina, batu ina mulia palaq ikem yaq mengelan, palaq yaq raun mengelan, " batu yaq tukang raun ubaq, thai ia tempeq batu penjuru. ⁸ lepeq ina, "ca inu yaq salaq, ngan karang yaq naq dulu laboq. ida salaq moq raun tudep palaq isiu Tuhan, ina na janan yaq ida alaq." ⁹ naq pia, ikem no'oh bangsa yaq Tuhan pileq, imamat yaq rajani, bangsa yaq mueq, kelunan yaq sebayang mengelan palaq Allah idi apan kem thai badaq peniga - peniga Tuhan, yaq lepeq mengin ikem kawang cen yaq salaq thai palaq dema yaq uyan lo tikap. ¹⁰ ikem ading dey, mpi umat Allah, dalau ini ikem umat Allah. ading dey, ikem mpi alaq pengelesau cen Allah. ¹¹ cenganak - cenganak yaq akeq lesau, akeq ubaq pekatuq ikem koq ba'an kelunan yaq selap neng usun tanaq ini ka ngecuq usa kem cen kenjaat usun tanaq ini ya melawen ikem. ¹² tagak puyan kem yaq tiga neng kelunan - kelunan yaq raun ubaq mengelan idi apan keno'o beq da menyalaq ikem uyan yaq salaq, ida mena'at pemuyan kem yaq tiga ngan pembau ngadan Allah dalau tau pengasat. ¹³ deng ngadan Tuhan, bayaq na palaq mung lembaga pemerintahan yaq uben kelunan peseket ta tiga palaq raja yaq uben yaq ateq mbau. ¹⁴ ngan palaq gubernur yaq raja cuq ka hukum dulu yaq uyan yaq ja'at ngan thai mbau deng kelunan yaq uyan peniga. ¹⁵ ina na pengubaq Allah: ngan uyan yaq tiga ikem meneng neng kelunan - kelunan budoq. ¹⁶ udip na ba'an kelunan - kelunan yaq merdeka ayen ka un kanan peniga ilu ka uyan yaq jaat. tiga nah, mudip ba'an ulaq - ulaq Allah. ¹⁷ tunuq palaq mung kelunan. lesau na cenganak - cenganak seiman, takut na palaq Tuhan, ngan tunuq palaq raja. ¹⁸ kelunan - kelunan yaq lamaq kimet tunuq na palaq dulu yaq mbau ngan tunuq. mpi aun palaq idi yaq tiga ngan lemaq tawai ya req nggina ta palaq ida yaq raun telit. ¹⁹ tuman koq ba'an ca pengelesau, beq da tisen neng Allah, dulu yaq neng ngayet dalem moq ketidak adilan. ²⁰ tuman, inu wah yaq ikem ka alaq beq kem denaq laset alaq petung moq salaq kem yaq salaq? beq kem, sioq penuyen moq ikem uyan yaq tiga ngan ikem alaq ngan deng laset, pemuyan kem sioq neng juma Tuhan. ²¹ tuman na, mengin ikem, moq Kristus lepeq tujen kuma ikem ngan peleq pemuyan yaq tiga idi apan kem ngebayaq uben puyan-Nya. ²² Ia raun uyan salaq, ngan yaq paloh mpi un cen paq' ah. ²³ dau dulu penja'at Ia, Ia raun njam yaq ja'at, dau sioq petujen, mpi Ia menyakat, Ia thai udip pa palaq Allah peseket ngan lan - lan. ²⁴ Ia tengen lepeq menyalui lo moq lo salaq palaq usa' a koq kayu salib idi apan lo matai neng dosa, ngan mudip deng kebenaran. cen suat - suat daduk' a, ikem nai maget. ²⁵ dalau ading dey, ikem ba'an domba - domba yaq tai salaq, dalau ini ikem nai peliwet palaq Sang Gembala ngan ngelindung udip koq.