¹ Cho njamwene lilu lyaliha na kaye kakaha,omo lilu lya kulibanga na kaye kakulibanga bya itile laja.na mema akalunga kwaakakalako lalo. ² Cho njamwene nganda ya kujela yaiha.ije yatundile mwilu kuli Njambi,yakubwaletha ngwe shombollwa uje na bwalethela munalume wendi. ³ Njathzibile lijwi lya kama kutunda kulutonda lyandekel ngwalyo, 'Kengeni! mwela wakulemethamo Njambi uli hamo na banu,cho akatunga hamolika nabo.Cholalo bakapwa banu bendi,na Njambi ikeye babenya akakal nabo cho lalo akpwa Njambi yabo. ⁴ Cho akabaunda mithothzi mu mesho abo,cho kukukakal lalo kuthsa,nameme kubihilila,nameme kulila,nameme kubabala. Cho na byuma bya laja bineti laja. ⁵ Uje watumbamenene alitanda lya bumwene wendekele ngwendi, "Kengeni! Njapanga byuma byoshe kupwa bya biha." ⁶ Wendekele ngwendi, "Bithoneni ebi mwafwa awa majwi akaakala na likulahelo na buthunga." Cho wendekele kuli yange ngwendi, "Ebi byuma bya lingiwa laja! Yange kushangumuka na ku manuthula. Kuli woshe athziba lihwila yange njikamwana mema aku chakujeneka kulanda mundanga ya ema a mwonyo. ⁷ Ou woshe akahyana akatambula ebi byuma,cho njkkapwa nji Njambi yendi,cho akapwa lalo munange wa munalume. ⁸ Oloni kuli baje baka lyoba,bakujeneka kukulahela,nabakaku linga bya bibi,bakakuthsiya bakwabo,bakakulinga bupngala,na bakaku linga bolothzi,bakakulemetha tumponya,nabaka makuli cho myela yabo ikapwa muje mulishali lyatuya. Echi chikecho chinapu kuthsa kwa muchibali." ⁹ Umo wabaje hakati katungilo batanu na babali wethzile kuli yange,uje wakele na tungole twakushula na tuyando twakupwa tutanu na tubali,cho wendekele ngwendi, "Ija kuno. Njikuleketha shombolwa,munakathzi w muna manga," ¹⁰ Cho wanjambatele mumunthzindthzime kunjitwala kulilundu lya kama lya kuhyana na kanjimwetha ndanda ya kujela ya Yelusalema ije yatundile mwilu kuli Njambi. ¹¹ Yelusalema yapwile na bumpahu bwa Njambi,ije ya byathzimine ngwe limanya lya THeho,cho ngwe njasipa limanya lya kutungukwa. ¹² Lyakele na chibumba cha kama,cha mubulaja kuya helu chije chakele na bikolo bya kupwa likumi na bibali,na tungelo bakupwa likumi na babali abikolo byoshe. Abikolo bathoneneho mathzina amiyati likumi na ibali bana babanalume ba Isilaele. ¹³ Mumbwela mwakele bikolo bitanu,na mungangela mwakele bikolo bitatu,na mumwela mwakele bikolo bitatu,na mubwithi bwa chifuti namwo mwakele bikolo bitatu. ¹⁴ Chibumba cheyi nganda chakele na mabula akuopwa likumi na bali ali akeho mwakele mathzina aba miluwa bakupwa likumi nababali baje bakebo miluwa ba Yesu na muna manga. ¹⁵ Cho uje wakele na kwendeka namnga wakele na chitheteko cha ngolinde cha kuthetekako nganda,bikolo byacho,na chibumba chacho. ¹⁶ Cho eyi nganda baijalele mubimbango biwana,mubulaja bwayo yapwile hamolika na mubwithi. Wathetekele eyi nganda na chitheleko cha ngolinde,likumi nabali amakuli kathzi apwile mubulaja (mubulaja,mubwihi,na mubulaja bwa kuya helu mwoshe ya mpwile mumolika. ¹⁷ Cho lalo wathetekele chibumba chacho,chiita chimo na makumi awana na biwana mukuhima kwetheketha mykutheteka cha bunu (ije lalo kangelo wathelekele). ¹⁸ Chibumba bachitungithile na mamanya a njathimpa cho na nganda batungile na ngolinde lika, ngwe kalibanjelo kakulikengelamo. ¹⁹ Cho lubula lwa chibumba balutungithile na miyati yoshe ya mamanya ya mamanya atheo. Muyati wakulibanga mamanya wapwile njasipa,wamuchibali wapwile Safila,wamuchitatu wapwile ngeta,wamuchiwana wapwile Emalinde, ²⁰ wamuchitanu wapwile Salendonya,wamuchitanu na chimo wapwile Salenda,wamuchitanu na chibali wapwile Kilisolita,wamuchitanu naitatu wapwile Mbelilu,wamuchitanu naiwana naitatu wapwile Mbelilu,wamuchitanu naiwana wpwile Topasiu,wabulikumi wapwile Kelisopelasu,wamulikumi na umo wapwile Yosetu,wamulikumi na bibali wapwile Emesita. ²¹ Cho bikolo likumi na bibali bya pwile bya makwalale;chikolo chimo na chimo bachipangethele likwalale limo. Cho bitapalo bya ije nganda babipangethele na ngolinde yakujela,yakutungukwa ngwe kalibanjelo. ²² Cho kunjamwene tembele muje munganda,mwafwa Shukulu Njambi mukandthzili yoshe na Muna Manga yapwa tembele yabo. ²³ Muje mu nganda kumukakala lalo litangwa nambe ngonde omwo bumpahu bwa Njambi bukebo bukatwilkamo cheke,cho muna Manga ikeye a kapwa ndeya ya muje. ²⁴ Muyati yoshe ikendela mu cheke chaije nganda. Cho bimyene boshe bahano hakaye bakanenamo bumpahu bwabo. ²⁵ Cho bikolo bya ije nganda kuba kabishiko litangwa lyoshe,cho lalo kumukakala buthsiki. ²⁶ Bakanenamo bumpahu na mpuwo kuli baka miyati yoshe muje munganda, ²⁷ oloni kukwethi chuma cha mathzilo chikakobela muje munganda nameme muka kulinga bya bibi nameme muka makuli.olini mukakobela lika baje babathoneka mathzina abo mu libulu lya Muna Manga lya Mwonyo.