¹ Cho njamwene kangelo ashukula kutunda mwilu. Wakele na thapi ya kuchimbongo chakujeka kweta hathi yacho,cho wakele na lilenge lyakama mu liboko lyendi. ² Cho wakwatele chikashama wa mitwe,uje linyoka wakuthang'ulu,uje ikeye lyabolo, nameme satana,cho wamukutile ha myaka likulukathzi. ³ Wamumbilile muje muchimbongo cha kujeneka hethi yacho. Cho washokweleleko na kumuthzikilamo. Echi bachilingila linga akajeneke kutwalelelaho na kukwitha baka mafuti noho myaka likulukathzi inahu. Hanima yebi,chobakamuthzitula na kumwechela ha kathimbu kakandondo. ⁴ Cho njamwene matanda, Haje batumbamenenho baje banene mooko ya kuthompetha. Njamwene lalo myonyo ya baje batekeleko hamulonga wa bukaleho bwabo hali Yesu na mulonga wa lijwi lya Njambi.Bakebo baje kubalemethele uje chikashama nambe chifwa chendi,cho banyanene kutambula katanekeyeso kende ha maholo abo nambe ha maboko,cho belukile ku kuyoya,na kuyula na Kilisitu myaka likulukathzi. ⁵ Baje bathsi boshe kubathele kuthangukila ku mwonyo noho myaka likulukathzi muya hwile. Oku kukekwo kuthanguka kwa kulibanga. ⁶ Wakubethzika na kuthzila uje woshe apwa akathanguka kwa kulibanga! mwafwa kuthsa kwa muchibali kuchethi na ndthzli hali ikeye. Bakapwa bakakulombelela ba Njambi na ba Kilisitu cho bakayula nendi myaka lukulukathzi. ⁷ Omwo myaka likulukathzi inahu,satana baka muthzitula kutunda mu kamenga. ⁸ Akaya na kwitangana na kukwitha bakamafuti kwita mu bimbongo biwana bya kaye - Ngonge na Mangonge - bakabaneha hamo ku ndthzita. Cho batuma ngwe mushekesheke waku kalunga ka mema. ⁹ Cho baile muchana chakama cha kaye na kuthzengeleka chilombo cha banu bakuthzila ba Njambi - nganda ije wathzema. ¹⁰ Cho lyabolo,uje yabakwithile,bamumbilile mulishali lya tuhya twa Salufa,muje mubombilile uje chikashama na bapolofita bamakuli, Bakabayekeletha mutanya na muthsiki myaka yoshe. ¹¹ Cho njamwene litanda lya kama lya kutoka na uje ya tumbameneho. Kaye na melu oshe byatewele kutunda ku mesho endi,oloni kwakele mutambela uje bathele kutewelamo. ¹² Njamwene bathsi - vakama na babandondo - banemana kuli tanda, na mabulu bawa fukwile. Cho bafukwile libulu likwabo - likelyo libulu lya Mwonyo. Baje bathsi babathompethele kuya na bije biba thonene muje mulibu, mukwetheketha na bilinga byabo bibalingile. ¹³ Kalunga mema katundithile bathsi baje bakelemo. Kuthsa na chela cha bathsi byatundithile bathsi baje bakele babo, cho baje bathsi babathompethele kwetheka na bilinga byabo. ¹⁴ Kuthsa na mwela wa bathsi ba byumbilile mulishali lya tuhya. Echi chikecho kuthsa kwamuchibali - lishali lya tuhya. ¹⁵ Lithzina lya munu na munu kubaliwanene banalithono Mulibulu lya Mwonyo,cho bamumbilile mu lishali lya tuhya.