¹ Hanima yebi byuma njathzibile chilumo chalufwa ngwe lijwi lya kama lya banau babangi bakele nakuthana kutunda mwilu ngwalyo, "Haleluya. Bwaboke,bumpahu na bithzili bikale kuli Njambi Yetu. ² Bihitho byendi bya pwile bya buthunga na kwetelamo,mwafwa nahitha uje chikithzi wakama uje wabiithile kaye mukulinga bupangala bwendi.Nafwetela maninga aba ngamba bendi ,aje babenya watilile. ³ Cho bendekele ka muchibali ngwabo: "Haleluya! Cho bwithi bukafutumuka kutunda hali ikeye myaka na myaka." ⁴ Cho makumi abali naba wana aba kululu nabi kashama bawana bawile hathi na kumulemetha Njambi,Uje watumbamene ha litanda lya bumwene. Cho bakele nakwendeka ngwabo, "Ameni. Haleleuya!" ⁵ Cho lijwi lyethzile kuje ku litanda lya bumwene,lyendekele ngwalyo, ''Mushangathzekeni Njambi yetu,yeni boshe bangamba bendi,Yeni mukamuthzibi lyoba,naboshe baje bakushaula na baka bindthzili bya kama." ⁶ Cho njathzibile chilumo chakulifwa ngwe lijwi lya banu babengi.lya kufwa ngwe chipupa cha mema,cho ngwe chilumo cha mushika wa kalunga,nakwendeka ngwabo, '''Haleluya! Mwafwa Shukulu yetu wayula,Njambi wayula kwoshe. ⁷ Bwaheleleni nakujolele na kumwana bumpahu! Mwafwa chilika cha bulo bwa muna manga chinaija,na shombolwa wendi nali bwahethela laja. ⁸ Cho bamutabethele kumuthzika buthzalo bwa kubyathzima mwachili bwa nanga linyu." (omo nanga ya linyu yapwa bilinga bya chili banu ba Njambi bakuthzila). ⁹ Cho kangelo wendekele nendi ngwendi, "THona ebi ngwobe: "Banabethzika baje babanalanya kuchilika cha bulo cha muna manga." Cholalo wendekele kuli yange ngwendi, "Awa akewo majwi abuthunga a Njambi." ¹⁰ Cho njawilelile hathi kumwendi endi nakumu shangathzala,oloni wendekele kuli yange ngwendi, "Kethi ulinge ebi! Ynage kumweni ngamba iuli nendi na bandolome babo baje banathzubuka bukaleho bwa Yesu. Mushangathzekeni Njambi,muka sholola bukaleho bwa munthzinthzime wabu polofita bwa Yesu. ¹¹ Cho njamwene lilu lya shokolokele,cho njakengelemo cho mwakele kabalu wakutoka. Cho uje walondeleho nakumwendetha bamuthanene ngwabo wakukualahela na buthunga. Mwa buthunga mukemo mwaka thompetha na kulkwa nthzita. ¹² Mesho endi a pwile ngwe mulangi watuya,naku mutwe wendi wathzalele bilongo bya bingi.Alina ithzona libana thoneka lije naumo wahi akali thzibuka oloni ikeye babenya. ¹³ Akathzala mukanjo uje ubana mbwitika mu maninga,nalithzina lyendi balithana ngwabo lijwi lya Njambi. ¹⁴ Cho maswalale ba mwilu bamukabangeyeye atu balu bakutoka,wathzalele buthzalo bwa linyu ya ibwa, ya kutoka na kujela. ¹⁵ Mukanwa keni mukatundu moko ya mukwale wakubambuka uje ukewo uka withanga mafuti oshe,cho aka bayula n mbweti ya chikubo. Cho akalyatangela muchikamwino cha binyu mukutenuka na mubukalu bwa Njambi bwa binthzili yoshe. ¹⁶ Ali na lithzina ibathoneka amu kanjo wendi na aha nyonga yendi: ngwabo, "Mwene wa bimyene na Shukulu waba Shukulu." ¹⁷ Cho njamwene kangelo nemana halitangwa. Cho wathanene na lijwi lya kama ku tuthzila boshe baje bakele naku pululukila helu ngwendi, "Ijeni,likungululeni amo kuchilika chakama cha Njamb. ¹⁸ Ijeni mulye mishuni ya bimyene,mishuni ya bakulunu ba maswalale,mishuni ya banalume bakuthzila, mishuni ya tubalu na bakakubendetha,na mishuni ya banalume boshe, na boshe ba kuthoneka na bandungo,na bakushauka na baka binthzili." ¹⁹ Cho njamwene chokashama na mwene wa hathi na maswalale babo. Bakele na kulikungulula linga bakalwe nthzita nauje wakele nakwenda a kabalu na maswalale bendi. ²⁰ Cho uje chikashama bamukwatele naukeye uje kapolofita wamakuli uje walingile bimwetho kumesho endi. Cho ali ebi bimwetho akeho akwithililile baje batambwile chimwetho cha uje chikashama na baje bakele nakulemetha tumponya twendi.Cho boshe babali babombilile na mwonyo yabo mulishali lya tuya lije lya kele na kwenya na salufa. ²¹ Cho bakwabo babathsile na mukwale wakubambuka uje watundile mukanwa kauje wakele na kwenda akabalu. Cho natuthzila boshe balile mibila yabo ya bibimbi.