¹ Cho njthzibile lijwi lya ku kanguka lili na kuthana ku tundilila mu tembele na kwendeka kuli baje tungelo ba tanu ba babali ngwalyo, '' Yeni, na kuketila a kaye bije bitenga bitanu na bya bulalu bwa Njambi. ² Chojo na kangelo wa kulibanga waile na kwitila chitenga chendi ha kaye; cho bimbandu bya kututuma na kubabala manene byethziloni ali baje banu bakele na katanekeyetho ka uje chikashama,baje boshe balemethele kamonya kendi. ³ Cho na kangelo wa muchibali nawa wetilile chije chitenga mu kalunga ndonga. Cho walumukile maninga,ngwoni aje maninga a munu wa kuthsa,chojo na byuma byoshe bije bya mwonyo mu kalunga ndoga bya thsile. ⁴ Cho kangelo wa muchitatu nendi wetilile chije chitenga mu bindonga na mutubwelubwelu twa mema,chojo byoshe byalumukile maninga. ⁵ Cho njathzibile uje kangelo wa mema endeka ngwendi, "Yobe wapwa wakuthungama - uje aliko cholalo uje ya keleko uje wa kuthzila - mwafwa una thompetha mwa mubwa ebi byumebi. ⁶ Akulinga bakebo betilile maninga a banu ba Njambi ba kuthzila na tupolofita,nobyoni una bana maninga ngechi banwe, mwafwa echi chikecho bene chihci na bafwila." ⁷ Cho nja thzibile uje mutula u kumbulula ngwawo, "Eyo,Shukulu Njambi wa bindthzili bili byoshe,kuthompetha chobe cha kala cha buthunga cholalo cha kuthungama," ⁸ Uje kangelo ka muchiwana nendi nawa wetilile chitenga chendi a lithathi,chojo bali tabethele kwenyeka banu na tuhya. ⁹ Cho ba beneyekel na kuje kushaluka kwa kama manene,chojo bashawile lithzina lya Njambi,ou ali na mooko ali ot tuyando. Olonini kuba tengulukile ku kulinga bubi chalalo kuba mulemethele embwe. ¹⁰ Chona uje kangelo wa muchitanu wetilile chitenga chendi a liatnda lya uje chishama,chojo na lithuthulunga lya fwikile a nganda yendi. Cho bakele na kulishumanga a bindaka byabo ha mulonga wa kubabala bakele na ku thziba. ¹¹ Cho ba shawile Njambi wa mwilu hamulonga wa kubabala bathzibile na bimbandu bakele na byo,olonini ngaben ba byanene kutenguluka ku bilinga byabo. ¹² Cho kangelo wa muchitanu na umo nendi wetilile chitenga chendi muli uje ndonga wa kama,uje Yufulata. Cho bomithile mema ayo ngechi ba bwahethe ngila ya kwitilamo bimyene baje bapandele ku tundilila mu mbwela. ¹³ Cho njamwene mithzithzime itatu ya kujwala ije yakele na kusholoka ngwe majunda baje bakele nakutunda mutunwa twa chathzangombe,na chikashama,na kapolofita wa makuli. ¹⁴ Mwafwa eyi inapu mindthzindthzime ya maamba ije ili na kulinga bimwetho bya kukomoketha.Cho yakele na kuya kubimyene ba mukaye koshe mangana babungiye hamo hamulonga wa ndthzita ya halitangwa lyakama lya Njambi wa ndthzili yoshe. ¹⁵ (Kengeni! Njili na kwija ngwe mwithzi! Na bethzile uje ya twalelela kutona,na kutwalelela kuli lambeya mangana banu ba none ashwamwa yendi.)" ¹⁶ Cho banenele boshe amo ku mwela uje bathana mu chi Hebelu ngwabo Alamangendoni. ¹⁷ Ngechi na uje kangelo wa muchitanu na babali nendi wetile chitenga chendi mu lihunthzi. Chojo kwethzile na lijwi lya kama kije lya tundile mu tembele na kulitanda,lije lyendekele ngwalyo, "China lingiwa!" ¹⁸ Cho kwakwle ku byata kwa mihyato,na chililimo,na kulitambatahana cha mithika,na mundenda wa kama manene - mundenda wa kama kutubakana yoshe ije ya sholokaho laja kutunda bene athimbu ya kukala banu amo a kaye,mundenda ou wakele wakama kuhyana. ¹⁹ Chojo naije nganda ya kama ba yandunwine atatu,cho na bing'anda bya mafuti bya lundumukile. Cho Njambi wanukuli ije nganda ya ndthzili ya Babilona,cho wa yanene nganja ije ya shulilemo na binyu bya bukalu bwendi bwa kama. ²⁰ Cho mang'anda oshe a thzimukile,cho na malundu kuwa kelekwoni. ²¹ Cho na nyondthzi yakama ya mamanya,aje akele na kulema makilo makumi atanu,atundile kwilu na kuiwla a banu. Chojo banu bashawile Najmbi hamulonga mwafwa kaje kayando ka mamanya mwafwa kakele ka ku tewetha manene.