¹ Cho uje kangelo wanjimwethele ije ndonga ya mema a mwonyo,akujela ngwe kilisitala. Yakele nakwita kutundilila ku litanda lya Njambi neli lya Muna Manga ² kwitila akati ka tapalo ya munganda. Ku thambwa na thambwa ya ije ndonga kwakele chiti cha mwonyo,kunemi likumi na bubali bwa bushuka,cho ukemi bushuka ngonde na ngonde. Maputa echi chiti apwa akukangwitha mafuti. ³ Kuku kakala lalo chithingo cha chifwa choshe. Litanda lya Njambi neli lya Muna manga bika kala muje munganda,cho bangamba bendi baka mupangela. ⁴ Baka mona chihanga chendi,cho lithzina lyendi likakala aluhola lwabo. ⁵ Kukukakala lalo buthsiki; kumunika cha ndeeya kuba kachithetela nambe cheke cha litangwa mwafwa Shukulu Njambi aka munika hali bakebo. Bkayula myaka yoshe. ⁶ Uje kangelo wendekele kuli yange ngwendi, "Awa majwi watha kuwakulahelele na buthunga. Shukulu,Njambi wa mindthzindthzime ya bapolofita,tuma bangamba bendi bika bya tela kusholoka mwalolo. ⁷ "Kenga! Njili na kwija mwalolo! Nabethzika uje ali na kwonokela awa majwi a bupolofita bwa eli libulu." ⁸ Yange,Yowano,yange bene njathzibile na kumona ebi byuma. Cho omwo njabithzibile na kubimona ebi byuma,njawililile hathi ku mendi auje kangelo ou wakele na kunjimweetha ebi byuma na kumulemetha. ⁹ Cho wendekele kuli yange ngwendi."Kethi ulinge ngocho, nange njinapu njingamba ngwe yobe, ba bandolome bobe bapolofita, na baje baka kwononokela majwi ali mu libuli eli. Lemetheni Njambi!" ¹⁰ Cho wendekele kuli yange ngwendi, "Kethi ushweke wa majwi a bupolofita bweli libulu,mwafwa thimbu ili muyehi. ¹¹ Cho woshe ou kethi kulinga mwa buthunga,mwecheli atwaleleleho mukulinga mwa kujeneka kuthungama.Woshe ou alinga mwa bunyengwe,mwecheleni atwaleleho kulinga mwa bunyengwe. Woshe ou wakuthungama,mwecheleni a twalelelho kulinga mwa kuthungama.Woshe ou wa kuthzila,mwecheleni a twaleleho kupwa wa kuthzila." ¹² Kenga! Njili nakwija bwathi. Na bwana bwange,kwija na kufweta umo na umo kwatheketha na bilinga byendi. ¹³ Yange Alufa na Omega, wakulibanga na mamanethelo,maputupilo na mamanethelelo. ¹⁴ Babethzika aba bakusha buthzalo bwabo mangana ba kakale na lithetha lya kulya ku chiti cha mwonyo na kukobela munganda kwitila mu bikolo. ¹⁵ Anja hali tutali,bakakutaha,baka bupangala,baka kuthsiya, baka kulemetha tumponya,na boshe baje bathzema na kulinga bya makuli. ¹⁶ Yange, Yesu,njatumu kangelo kange kwija nakwambulula bukaleho bwa byuma kuli yobe kubi kungukulukilo. Yange njimuthzi cho na kutunda ku chikota cha Ndabiti, litota ngongonothi ya kutemuka mutondo." ¹⁷ Mundthzindthzime na Shombolwa bendeka ngwabo, "Ija" Cho echeleni uje woshe alinakuthziba endeke ngwendi, "Ija!" Woshe owo athiba lihwila,mwecheleni aije,cho nawoshe owo atonda,mwecheleni a thzituke a tambule mema a mwonyo ¹⁸ Njili na kwambulula kuli woshe uje alinakuthziba majwi a bupolofita yeli libulu: Woshe uje akakelako,Njambi akamwakelako ku mishongo ibana thoneka muli eli libulu. ¹⁹ Woshe ou atundithako ku majwi ali omu mulibulu lya polofita,Njambi akatundithako ku mbathzubwila yendi ya kuchiti cha mwonyo na munganda ya kuthzila bibana thoneka muli eli libulu. ²⁰ Cho ou ali na kwambulula byuma ebi endeka ngwendi, "Eyo! Njili nakwwija mwalolo." Ameni! ija,Mwene Yesu! ²¹ Chikeketima cha Mwene Yesu chikale neni boshe.Ameni.