¹ Cho echi chikeko chakele kwenda chabanu ba Isalela hanima yakuthethza lifuti lya Ingitu kwitila mu banu babo banthzita nakukwamenenewa na Mosesa hamo na Aloni. ² Mosesa wathonene byela byoshe kutunda oku batundile kweta oku baile, ngwe muje bamukambeyeye kuli Njambi. Echi chikecho chakele kwenda chabo, kuthunuka hanima ya kuthunuka. ³ Bendele kutunda ku Lamese thimbu ya ngonde yabubanga, kukatuka ha litangwa yabu likumi na atanu lya ngonde yakulibanga. Mu thimbu yamutondo hanima ya Paseka, banu ba Isalela bakatukile chitonamesho, kubabombolokele kumesho aba Ingitu. ⁴ Ebi byasholokele hathimbu baka Ingitu bakele nakuthsinda bana babantwantwa babo, baje Njambi wathsiyile mukati kabo, mwafwa wakele lalo kunyanyametha ha tulunga twabo. ⁵ Banu ba Isalela bakatukile kutunda mu Lamese kuya nakutunga chilombo mu Sukoti. ⁶ Batundile ku Sukoti nakutunga chilombo mu Etamu, kungenga ya mambo. ⁷ Batundile mu Etamu nakutunga chilombo mu Payi Hahitoti, yinalitalathana na Baal Zeponi, oku bahwiminine kwakulitalathana na Migndo. ⁸ Cho bakatukile kutunda hakulitalathawa na Pyi Hahiroti kwita mu kati ka kalinga ndongo kukobela mumambo. Bendele matangwa atatu kweta mu mambo ya Etamu nakutunga chilombo mu Mara. ⁹ Bakatukile kutunda mu Mara nakweta ku Elimu. Ku Elimu kwakele tubwelubwelu twamema likumi na tubali na miti yamashakabale makumi atanu na abali. Kukeko batungile chilombo. ¹⁰ Batundile ku Elimu nakutunga chilombo kungenge ya Kalungandonga Wamahongo. ¹¹ Batundile ku Kalungandonga wa Mahongo nakutunga chilombo mu mambo ya Bubi. ¹² Batundile mu mambo ya Bubi nakutunga chilombo ku Ndofika. ¹³ Batundile ku Ndofika nakutunga chilombo ku Alushi. ¹⁴ Batundile ku Alushi nakutunga chilombo ku Lefindimu, oku kubawanene mema akunwa banu. ¹⁵ Batundile ku Lefindimu nakutunga chilombo ku mambo ya Sinayi. ¹⁶ Batundile ku mambo ya Sinayi nakutunga chilombo ku Kibiloti Hatava. ¹⁷ Batundile ku Kibiliti Hatava bakutunga chilombo ku Hazeloti. ¹⁸ Batundile ku Hazeloti nakutunga chilombo ku Ritima. ¹⁹ Batundile ku Ritima nakutunga chilombo ku Rimoni Petrezi. ²⁰ Batundile ku Rimoni Perezo nakutunga chilombo ku Limbina. ²¹ Batundile ku Limbina nakutunga chilombo ku Risa. ²² Batundile ku Risa nakutunga chilombo ku Kehelata. ²³ Batundile ku Kehelata nakutunga chilombo ku munkinda wa Shefa. ²⁴ Batundile ku munkinda wa Shefa nakutunga chilombo ku Havanda. ²⁵ Batundile ku Haranda nakutunga chilombo ku makeloti. ²⁶ Batundile ku Makeloti nakutunga chilombo ku Tahati. ²⁷ Batundile ku Tahati nakutunga chilombo ku Tela. ²⁸ Batundile ku Tela nakutunga chilombo ku Mitika. ²⁹ Batundile ku Mitika nakutunga chilombo ku Hashimona. ³⁰ Batundile ku Hashimona nakutunga chilombo ku Moseloti. ³¹ Batundile ku Moseloti nakutunga chilombo ku Mbene Jakani. ³² Batundile ku Mbene Jakani nakutunga chilombo ku Ho Hangindandi. ³³ Batundile ku Ho Hangindandi nakutunga chilombo ku Jotimbata. ³⁴ Batundile ku Jotimbata nakutunga chilombo ku Ambuloni. ³⁵ Batundile ku Ambuloni nakukatunga chilombo ku Eziyoni Ngemba. ³⁶ Batundile ku Eziyoni Ngemba nakutunga chilombo ku mambo ya Zini ku Kandeshi. ³⁷ Batundile ku Kandeshi nakutunga chilombo ku Munkinda wa Ho, kungenge ya lifuti lya Endomi. ³⁸ Aloni uje kapilisitu wakandukile ha Munkinda wa Ho mukukambeya cha Njambi nakuthsila kuje mu mwaka wamu makumi awana hanima ya banu ba Isalela kutunda mu lifuti lya Ingitu, mungonde yabutanu, halitangwa lya kulibanga mu ngonde. ³⁹ Aloni wakele na myaka chita na makumi abali nayitatu omu athsile ha Munkinda wa Ho. ⁴⁰ Uje ka Kanana, mwene wa Alandi, ou ayoyelele ku mutambela wa shango ya mambo mulifuti lya Kanana, wathzibile ha kwija cha banu ba Isalela. ⁴¹ Batundile ku Munkinda wa Ho nakutunga chilombo ku Zamona. ⁴² Batundile ku Zamona nakutunga chilombo ku Punoni. ⁴³ Batundile ku Punoni nakutunga chilombo ku Omboti. ⁴⁴ Batundile ku Omboti nakukatunga chilombo ku Iye Ambalimu, ku nginga ya Mohambu. ⁴⁵ Batundile ku Iye Ambalimu nakutunga chilombo ku Ndimboni Ngandi. ⁴⁶ Batundile ku Ndimboni Ngandi nakutunga chilombo ku Alumoni Ndimblatayimu. ⁴⁷ Batundile ku Alimoni Ndimblatayimu nakutunga chilombo ku minkinda ya Ambalimu, kwakulitalathana na Nembo. ⁴⁸ Batundile ku minkinda ya Ambalimu nakutunga chilombo kuje kuchana cha Mohambu kungenge ya Yondau kuje ku Yeliko. ⁴⁹ Batungile chilombo kungenge ya Yondau, kutunda Mbeti Jeshimoti kuli Ambele Shitimu mu byana ba Mohambu. ⁵⁰ Njambi wendekele na Mosesa mu byana bya Mohambu kungenge ya Yondau ku Yeliko ngwendi, ⁵¹ "Endeka kubanu ba Isalela ngwobe, 'Omu mujabuka Yondau kukobela mu lifuti lya Kanana, ⁵² cho mwatela kutundithamo batungithi boshe kumesho eni. Mwatela kunyongetha byoshe bya tumponya twabo. Mwatela kunyongetha yoshe mitula yabo na kuthiula byela byabo byoshe bya helu. ⁵³ Watela kutambula lifuti nakutungamo, mwafwa njinakwana lifuti kukala lyobe. ⁵⁴ Watela kuswana lifuti eli kwitila mu lyongo, kutetha na shoko. Shoko yakama ukana lifuti lyakama, cho shoko yayindondo ukane mbathzubwila ya yindondo ya lifuti. Oku kwoshe kukawila lyongo dhoko yoshe, olyo lifuti likakala lyobe. Mukaswana lije lifuti kwetheka na miyati yabakulu beni. ⁵⁵ Oloni oshe kumukatunditha bantungithi ba lifuti kumesho eni, cho banu aba mukatabetha kutunga bakaija nakukala bimbundi mumesho eni na mingonga mumibila yeni. Bakanenetha kukaluhwa mukuyoya cheni mu lifuti omu mukatunga. ⁵⁶ Cho chikasholoka ngwabo obyo njikashaka kulinga kuli baje banu, njikabilinga lalo kuli yeni."'