¹ Cho kwakele mmka Faliseo wa lithzina lya Nekondemasi,ntwama ya ba Yunda. ² Ou munalume wehzile mathsiki kuli Yesu nakwendeka ngweni, "Labbi" twathzibuka ngwetu u mulongethi uje wafumine kuli Njambi, mwafwa naumo wahi atha kulinga ebi bimwetho ulinakulinga kubanga Njambi ali nendi." ³ Yesu wamukumbulwile ngwendi, "Chili,chili, kubanga munu nathemuwa lubali,katha kukubumona bumwene bwa Njambi." ⁴ Nekondemasi wendekele kuli ikeye ngwendi, "Atha kuthemuka bati munu uje na kolo laja? Katha kukobela lubali mwimo lya baina na kuthemuwa, atha kwatha ndi?" ⁵ Yesu wamukumbulwile ngwendi, Chili,chili,kubanga munu nathemuka kumema na naku sipilitu, kakatha kukobela mu bumwene bwa Njambi. ⁶ Chije china themuka ku mubila wa thitu chinapu cha mubila wa thitu, na chije chinathemuka ku Sipilitu chinapu cha sipilitu. ⁷ Kethi mulikomokele ngweni njendekele kuli yeni, ngwange, 'Mwatele kuthemuka lubali. ⁸ Mpundthzi ikapekamuka kuje itonda; cho muthziba chilomo chawo,oloni kumuthzibuka kuje lina kutunda na kuje linakuya. Mujemwo bene muje mwafwa uje nathemuka ku Sipilitu." ⁹ Nekondemasi wamukumbulwile ngwendi, "Cho bikafwa bati ebi byuma?" ¹⁰ Yesu wendekele kuli ikeye ngwendi, "Yobe wapwa mulongethi wa ba Isilaele,oloni kumwatha kuthzibithitha ebi byuma? ¹¹ Chili, chili,njimileka ngwange, twendeka biji tuthzibuka, cho twambulula bije byoshe tunamono. Oloni yeni kumwatha kubitambula. ¹² Ngwe njamikele byuma bya hano ha kaye cho ngwe kumwakulahelele, cho mwatha kukulahela bati omwo njimileka byuma bya mwilu? ¹³ Wahi wa londele mwilu kubanga uje walondele mwilu - uje Muna Munu. ¹⁴ Ngwe muje Mosesa wanjundwile uje linyoka mu mambo, mukemwo lalo Muna Munu bakamujundwila, ¹⁵ linga boshe bana namukulahela linga bakapwa na mwonyo wa myaka yoshe. ¹⁶ Mwafwa Njambi wathzemene kaye, wanene Munendi umo lika, linga uje woshe akamukulahela kakatha kunyongwa oloni akapwe na mwonyo wa myaka yoshe. ¹⁷ Mwafwa Njambi katumine Munendi kwija na kuhitha kaye, oloni kwija na kwobola kaye kwitila muli ikeye. ¹⁸ Uje woshe namukulahela kubaka muhitha, oloni uje woshe kamukulahelele bana muhitha laja mwafwa ka kulahelele mulithzina lya Muna Njambi lika. ¹⁹ Mwafwa ou ukewo mulonga wa kuthompetha: Cheke chineja mukaye,cho banalume bathemene lithuthulungu nambe cheke mwafwa bilinga byabo byapwile bya bubi. ²⁰ Cho uje woshe alinga bubi cho wathzinda cheke, cho kekweja ku cheke, linga bilinga byendi kethi babisholole. ²¹ Nambe ngocho,uje woshe akende mu buthunga akeja ku cheke linga wathe kuchimona kuli woshe linga bipangi byendi bana bilingi kuli Njambi." ²² Hanima ya echi,Yesu na bandongethi bendi baile mu lifuti lya Njundeya.Kuje wakakele nabo hathimbu yakama kamandondo cho wakabambutikile. ²³ Cho Yowano wakele na kumbwitika mu Aenoni kuyehi na Salima mwafwa kwakela mema manene kuje. Banu bakele na kwija kuli ikeye cho wakele nakubamwitika, ²⁴ cho Yowano tekanda bamwake mu kamenga. ^{25 26} Cho kwakatukile bimata ha bandongethi ba Yowano na ba Yunda hachilika cha kubatanetha. Cho baile kuli Yowano na kwendeka kuli ikeye ngwabo,"Rabbi," uje wakele nendi muthambwa lya ndonga ya Yondani, uje wakele nakumwambulula,kenga,alina na kumbwitika, cho boshe balinakuya kuli ikeye." ²⁷ Yowano wabakumbulwile ngwendi, "Munu katha kutambula ndthzili kubanga bana yana kuli ikeye kutundilila mwilu. ²⁸ Yeni babenya mwatha kwambulula mukaleho buje njendekele, 'Kethi yange Kilisitu; oloni, 'Bananjitumu kulutwe lwendi.' ²⁹ Shombolwa wapandama kuli chambato. Cho kabuthamba wa chambato,uje atha kwimana na kumuthziba, akabwahelela manene mwafwa wa lijwi lya chambato. Echi, cho,mwathe yange nalishulithilila. ³⁰ Cho napande kubwetheleleko, cho yange njatela kulwithako. ³¹ Uje woshe aija kutundilila mwilu napu waka hali boshe. Uje woshe a tunda kukaye natundilila ku kaya cho endeka bya kaye. Uje atundilila mwilu napu wakama hali boshe. ³² Ambulula bije byoshe bya namono na byana thzibi, aloni kukwethi umo aha kubakulahela. ³³ Ou woshe akatambula bukulahelo bwendi na thulithile ngwendi Njambi wapwa wa buthunga. ³⁴ Mwafwa uje umo Njambi natumu akendeka majwi a Njambi. Mwafwa ke kwana sipilitu kukwethekethamo. ³⁵ Ishe wathzema Munendi na cho bamwana byuma byoshe mumaboko endi. ³⁶ Uje woshe akulahela muli Mwana ali na mwonyo wakuya yeye,oloni uje kakulahela muli mwana kakawana mwonyo,oloni kuhitha kwa Njambi bukatumamena hali ikeye.