¹ Haka hali na kufuminina bimata na kujeneka kulithzibathana hakati keni? Kumani kubyethi na kufuminina a mashungu eni aje ali na kulwa lifuwa hakati ka banu beni? ² Muthetela kukala na byuma,olojo kumwethi na na byo. Chojo muli na kuthsiya na kukala na chipululu,olonini anga bene muli na kwononowa kubiwana. Cho muli na kuli lwitha na kulinga bimata.Kumwethi na byo mwafwa ku mwethi kulomba. ³ Mulomba olonini ku mubitambula mwafwa mukalombo mwa kujeneka kufwilamo,mangana muli kwathethebyo ku mashungu eni. ⁴ Eni bakabupangala! kumani kumuthzubuka ngweni kulikwata buthamba na lifuti chinapu ku thzinda Njambi? Chojo uje woshe ya thzema kukala muthamba wa lifuti hali na kulya lumuna ikeye babenya kupwa chitothzi cha Njambi. ⁵ Indi amo muli naku yongola ngweni bithoneka bili na kulikwitha a kwendeka ngwabyo, "Uje mundthzindthzime waka muli yetu wakala na lifuwa lya kama manene. ⁶ Nameme ngocho Njambi muka kwana ngothzi ya yingi,ngechi na bithana byendeka lalo ngwabyo, "Njambi aka byana baje baka kulyaletha,Olojo akana ngothzi kuli baje bakaku likehetha." ⁷ Chojo ononokeni kuli Njambi.Mubyaneni lyabolo,cho amijenjuka. ⁸ Ngechi shweneni muyehi kuli Njambi,cho naikeye a shwena kuli yeni. Chojo jweletheni mboko eni,yeni baka kulinga bubi,na kujeletha bimbunge byeni,yeni baka chibebulu. ⁹ Linyengeni,thzibeni buthiwa,na kulila! Etheleni tujolo tweni tu tenguluke kupwa buthiwa na kubwahelela kweni kupwa kubihilila. ¹⁰ Likehetheni yeni babenya ku mesho a Shukulu,cho ikeye aka myametha. ¹¹ Kethi mu lilumbilithe umona mukwabo,bandolome.Mwafwa uje munu ya lumbilitha ndolome yendi indi nambe ku wanena ndolome yendi mulonga cho na lumbilitha mashoko cho lalo hali na kuwnena mashiko mulonga,cho bene kuwethioni uje nononoka mashiko,olojo uje mukakuthompetha lika. ¹² Kwakala umo lika muka kwana mashiko naku thompetha. Ikeye umo lika uje,natha ku kwobola na kunyongetha. Chojo yobe yobe iyajo,yobe muka kuwanena mukweni mulonga. ¹³ Chojo kachi tolilileni yeni baka kwendeka ngweni, "Lelo nambe imene tukaya munganda eyi,cho tuka tumbamamo mwaka umo muje,na kulanda na kulandulula,na ku wanenaho nganyo." ¹⁴ Olonini iyajo wa thzubuka obyo bibi kasholoka ku imene,indi nambe mwonyo wobe unapu chuma muka? Mwafwa unapau lika mbundu ije ika sholoka a kathimbu ka kandondo cho lalo ithzimuka. ¹⁵ Na muchifwechi,kumani yeni munapande kwendeka ngechi ngweni, "umona ngwe shukulu na chitabetha cho uka yoya na kulinga echi nambe chije." ¹⁶ Olojo yeni muli na kuli shasha na biyongola byeni bya likamba.Kuli shasha kwoshe kwa chifwechi chapwa bubi. ¹⁷ Cho ngwe munu woshe uje na thzubuka laja bya bibwa bya napande kulinga olojo katondo kulinga,cho kuli ikeye chipwa bubi.