¹ Ijeni honi,yeni baka kufuka,lileni na kumbolothoka mulonga wa ng'ababa ije ili na kwija hali yeni. ² Bufuko bweni buna bolo,na buthzalo bweni bunaliw ku tenembulu. ³ Ngolinde na siliba yeni bina liwa ku ng'alawe cho ng'alawe yabyo ikapwa bukaleho kuli yeni. Cho bikalya thitu yeni ngwe tuhya. Yeni mulilundila bufuko bweni mu matangwa aku manethela. ⁴ Kenga,omwo kumwa fwetelele baje naka kumipangela mu mahya eni bali na kumililila. Kulila kwa baje bali na kumitejala kunete ku matwi a Mwene wa mayongomena. ⁵ Munayoyo hano hathi na mbwathe bimunaliwanene yeni babenya. Muna metha mimbunge byeni kubandamena litangwa lya kumithsiya. ⁶ Munahitha nakuthsiya banu baje ba kuthungama. Cho kubamibyanene. ⁷ Pweni ba kuthimpa,cho,bandolome,noho Shukulu akaija. Kengeni ndimi mwaka bandamena bushuka bwendi bwa bubwa kufuma mulibu kathimpi,noho bika tambula nyondthzi ya kulibanga naya mamanethelelelo. ⁸ Neni,nawa,thimpeni. Lingeni bimbunge byeni bipwe bya kukola mwafwa kwija kwa Shukulu kuli muyehi. ⁹ Kethi mulinyenge,bandolome,kuli umo na mukwabo,linga kethi baka mihithe. Kengeni,muka kuthompetha nemana ha chikolo. ¹⁰ Ambateni chimwetho,bandolme,kufuma ku kuyanda na kukuthimpa kwaba polofita,baje bendekele muli lithzina lya Shukulu. ¹¹ Kengeni,twa mbata baje bakakuthimpa ngwe bana bethzika.cho mwathziba laja kuthimpa kwa Yombi,cho mwathzubuka biyongola bya Shukulu,omwo muka kakutetela manene na ng'eke. ¹² Oloni ha byoshe ebi,bandome bange,kethi mukalithinge,nambe bya mwilu,nameme bya hathi, nameme kulithinga lwanga. Oloni,echeleni "Eyo" yeni ipwe "Eyo" nambe "Embwe" yeni ipwe "Embwe," linga kethi muwile muku mithompetha, ¹³ Kwali umo mukati keni ou ali nakuyanda ndi? Mucheni athe kulomba, kwali umo ali nakujolela ndi? mwecheni athe kushangathzala. ¹⁴ Kwali umo mukati keni ou ali na kubinja ndi? mwecheni athane bakulunu wa chikungulukilo,linga bathe kumulombelela. cho bamubwabethe na mathzi mulithzina lya Shukulu. ¹⁵ Kulomba kwa likulahelo kukangwitha muka kubinja,cho Shukulu aka mujunduka. oloni ngwe ikeye nalingi bubi,Njambi aka akamukoneka. ¹⁶ Ngechibene litabeleni bibi byeni kuli umo na mukwabo na kulilombelela ku umo na mukwabo linga bathe kumikangwitha. Lilombelo lya mukabuthunga lili manene na ndthzili mukupanga. ¹⁷ Elinja wa pwile munu ngwe yetu.Cho lombelele na mukupwithamo linga nyondthzi kethi yathe kunyoka, cho nyonthzi kuyathele kunyoka muje mulifuti ha myaka itatu na bingonde bitanu na imo. ¹⁸ Cho Elinja walombelo lalo,cho nyondthzi ya nyokele,cho hathi amenene bushuka. ¹⁹ Bondolome bange,ngwe umo weni ongumuka kutunda ku buthunga,cho weka a mwilwithe lalo. ²⁰ uje munu watela kuthzubuka ngwendi woshe uje eliwtha muka bubi kukupengapenga kwendi na mwobola kutunda kukuthsa cho bubi bwa bungi bakabuthambetha.