¹ Kethi babngi muli yeni bakpwa balongethi,bandolome bange,omo mwathzibuka ngweni yetu bakakulongetha baka tuthompetha manene. ² Omo yetu bosho tukabihitha mubingila bya bingi. Oloni nga woshowo kethi na kubihitha mubingila byendi bya kwendeka,cho napu munu wabuthunga,cho atha kunyunga mubila wendi woshe. ³ Oloni mona tukaaka bikubo mutunwa twa tubalu linga baka twononoke,cho tuka thungametha mibila yabo yoshe. ⁴ Yongoleni mbapolo yakama,nameme akama manene aje alinakwenda na mahuthzi lyakama,cho baka endekethi na ku atengulula kwoshoko ku ashaka kuya uje mukakuyendetha, ⁵ Mungila eyi,na lilimi mukemwo lyafwa,nameme lyapwa lya lindondo,oloni lyatha kulishasha abyuma bya kama manene. Yongoleni tuhya twatundondo mutu keneyeka shwata yakama. ⁶ Lilimi nalyo linapu tuhya,tuje twatandela mukaye ka bubi hakati ketu. Lilimi lyatha kubihitha mubila woshe,lishwameka tuhya,muthimbu ya kuyoya chetu,cho lalo nalikelyo bakali shwamekeka tuhya twa mungehena. ⁷ Ku miyati yoshe yatuthitu bamu shwata tuthzila,nebi bya kukalaba athai,na tangethi yoshe ya yoyela mundonga ya kalunga cho babinyungile chonawa na nolyapwa bachibinyunga kuli munu. ⁸ Oloni naumo munu wahi atha kwonowetha lilimi likelyo lwapwa bubi,kulitaba kulyonowetha lya shula na buthunga bwa kuthsa. ⁹ Muli kelyo tukashangathekamo Shukulu na Tate,cho lalo muli likelyo tukathingimo banu,baje babatangele kuli Njambi muchifwa chendi. ¹⁰ Mukanwa kamolika mukatundu kukwithula na bithingo. Bandolome bange,ebi byuma kthi bikalingiwa lalo. ¹¹ Kumona mulithima lije lya kabwelubwelu litila na kutuuka mema ambabwa nameme mema akulula ndi? ¹² Kumani muti wamukuyu,bandolome bange,kwaatha kwima bushuka bwa olibe ndi? nameme mukobonthzi wa bushuka wa binyu watha kwima mikuyu ndi? Nameme mema a mwonga atha kutuula mema aku tobala ndi? ¹³ Iyajo ali namana na kuthzibithitha hakati keni? Echeleni uje munu ajombolole kuyoya chendi cha chibwa mubipangi byendi bya kulilumbilitha na mana. ¹⁴ Oloni ngwe uli na mbunge ya lifuwa na kulyaletha kukweku kala kulithzibathana na miyati yayingi ya bubi ikalingiwa. ¹⁵ Awa kethi mana akutunda mwilu embwe,oloni a kaye, kethi aku mundthzindthzime,oloni abulyabolo. ¹⁶ Kuje kwoshe kuli lifuwa na kulyaletha kukwekukala kulithzibathana na miyati na miyati yayingi ya bubi ikalingiwa. ¹⁷ Oloni aje mana akutunda mwilu apwa akujela,cholola kwoloka - kulithzanga,kwononoka,bithinganyeka bya bibwa,ng'eke yakushula na bushuka bwa bubwa,kujeneka kwa ndununa na buthunga. ¹⁸ Bushuka bwa kujeneka banabukunu mukwoloka hakati kabaje bakalingi bya kwoloka.