¹ Bandolome bange,akujeneka kupwa baka kukulahela muli Shukulu Yesu Kilisitu,Shukulu wa bumpahu,kuongwa kulyangununa hakati kabanu. ² Mona munu umo akobela mu chela cha kuli yongwela nathzala tutonda twa ngolinde na buthzalo bwa mathzilo akobela nendi muje bene. Mona ngwe mukengetha ali uje munu chihutu na thzala buthzalo bwa mathzilo akobela nendi muje bene. ³ Mona ngwe mukengetha ali uje munu wathzalele buthzalo bwa bubwa na kwendeka ngweni, "Yobe tumbama aha achela chachili, "Cho lalo kuli munu wakuhutwa mwendeka ngweni, "Yobe imana kuje nameme "Tumbama kuyehi na bilyato byange," ⁴ Cho kumwethi na kuli hitha hakati keni babenya? Cho ku mwalithompethele na bithinganyeka bya bubi? ⁵ Thzibilileni,bandolome bange bakachithzemo,kkumani Njambi kangwile bihutu bamuno mu kaye kukala bakabufuko mu likulahelo na kuka swana bumwene buje bwa shikile kuli baje banuthzema? ⁶ Oloni muna muyengula uje chihutu! Kumani kehi bakakufuka bakebo bakami yandetha? Kethi bakebo bakmikikela ku kuthzango? ⁷ Kubekutuka lithzina lya libwa lije bamilukile? ⁸ Omo,mwoshe,mukalishulithila lijwi lya Njambi lya kujela lije libanathono aakwendeka ngwalyo, "Thzema mukweni ngwe muje muwalithzema yobe babenya," na kulinga mwamubwa. ⁹ Oloni mona uthzemamo banu bamo,cho wapanga bubi cho bakuwana na mulonga ngwe umukaku kubihitha. ¹⁰ Owo woshe,ononokela lishiko lyoshe,oloni mona akatanuka kamandondo,cho wabulumuna wapokola lishiko lyoshe. ¹¹ Omo umo wendekele ngwendi, "Kethi ukalinge bukwithzi," cho nawa wendekele ngwendi, "Kethimu kathsiye." nameme kulinga bupangala,oloni mona uthsiya,unpau mukakulinga ngwe baje babakasompetha na lishiko lya kuyula. ¹² Cho endekeni na kulibanga ngwe baje baba kuthompetha na lithiko lya kuyula. ¹³ Kusompetha kukaija cha kuthziba ngothzi kuli baje bakujeneka ku mwetha ngothzi. ¹⁴ Nganyo muka eyi,bandolome bange,omo umo endeka ngwendi ali na likulahelo,oloni kethi ba bipangi? Cho lije likulahelo likamwamenandi? ¹⁵ Mona ngwe uje ndolome nameme ndokathzi ali na muthzi nameme njala alitangwa. ¹⁶ Mona ngwe umo endeka kuli bakebo ngwendi, "Yaa mukwoloka pweni na ntwima na kulya mwa mubwa." Mona ku mwethi nakubana byuma bya bibwa bya mubika,nganyo muka ije? ¹⁷ Mungila imolika lije likulahelo lika,lya kujeneka bipangi cho linathsi. ¹⁸ Omo umo endeka ngwendi, "Uli na likulahelo,cho nange nawa njili na bipangi." Njimwethe likulahelo lije kulyethi na bipangi,nange njikumwetha lyange kwetheketha mubipangi byange. ¹⁹ Mwa likulahelo ngweni kuli Njambi umolika; lingenimwa mubwa. Oloni nameme bandemona bathzibuka ngocho,cho bakali jajela. ²⁰ Mushaka kuthzubuka,chilema cha munalume,likulahelo lyakujeneka bipanga linapu lya ngochongocho? ²¹ Kethi Tate yetu Abilahama bamupwithile kupwa wa buthunga mubipangi byendi muj mwanene munendi Isaka ku makombelo? ²² Taleni lije likulahelo lya pangele amo na bipangi byendi,cho mu bipangi byendi likulahelo lyendi lya pwile lya kutungwa mubilinga byendi. ²³ Mubithoneka ngwabo, "Abilahama wakulahelele muli Njambi,cho bampwithile kuli ikeye kupwa wabuthunga cho nawa bamuthanene kupwa kabuthamba ka Njambi. ²⁴ Taleni munu mubipangi byendi bana mupwitha kupwa wa buthunga,oloni kethi lika akukulahela kwendi lika embwe. ²⁵ Cho mungila imo lika,kumani Lahabu ba mupwithile kupwa wa buthunga kubilinga byendi muje mwa tambwile baje miluwa na kubatuma kungila ikwabo indi? ²⁶ Ngwe mubila kuwethi na mundthzindthzime cho unathsi,ngechi lalo likulahelo lya jeneka bipangi cho linathsi.