¹ Obwoni bukebwo bukaleho butushaka kwendeka ngwetu: Tuli na kapilistu wakama uje natumbama kuliboko lya chilyo kulitanda lya uje wakuthzila woshe wa mwilu. ² Napu ngamba wa mu mwela wa kuthzila,na tabanakele ya buthunga buje Shukulu,kethi nambe munu,abilinga. ³ Omwoni Kapilisitu woshe bana mwangula kwana byoshe bwana na binkombelo. Namuchifwa echi chinatupande kukalako nabimo bya kwana. ⁴ Cho ngwe Kilisitu wakele hano hathi,ngwe kapwile kapilisitu embwe,mwafwa kuli baje baka kwana bwana kwetheketha na mashiko. ⁵ Banapanga ngwe bya kutemunwina munthzindthzime wa byuma bya mwilu. Chili ngwe muje Mosesa ba muthing'ikile kuli Njambi ha thimbu atondele kutunga yije tbanakale: Njambi wendekele ngwendi, "Unapnde ku mona ngwobe ulinga byuma byoshe kwetheketha na chifwa chije bene bakutalethele aje a lilundu." ⁶ Oloni lalo Kilisitu natambuloni bulongethi bwa kutubakana,ngwe omu nawa napu muka kwimanena mukati kalije litabathano lya kutubakana.olyo lina thindamena ha kukulahetha kwa kutubakana. ⁷ Ngwe lije litabathano lya kulibanga baliwanene lije kwonwa mulonga,cho kukukakala kutondelaho lya muchibali. ⁸ Ngwe omwo Njambi waba wanenele milonga ku banu,wendekele ngwendi, "Kengeni,mutangwa ali nakwija - bya nendeka Shukulu - omwo njikanena litabathano lya lihya na ba mu njubo ya Isilaele na njubo ya Yunda. ⁹ Kuyikapu ngwe lije litabathano lije njatungile na ba kukulwila beni halitangwa lije nja bambatele mumaboko abo kuba tunditha mu lifuti lije lya Ingito. Mwafwa kubononokele bwino kuli lije litabathano,cho njababyanenele - Shukulu ngwendi. ¹⁰ Eli likelyo litabathano jika tunga hamo na njubo ya Isilalele hanima ya aje matangwa - ngwendi Shukulu.njikaka mashiko mubithinganyeka byabo,cho nakuwathoneka nawa mu bimbunge byabo.Njikapwa Njambi yabo,cho bakakala banu bange. ¹¹ Kuba kalongetha umo na umo wabo muje muba tungila nambe umo wa bandolome,kwendeka, 'Thzibukeni Shukulu.' mwafwa boshe baka njitanekeya,kutundila kuli uje wa mundondo wabo na kuli uje wakama. ¹² Mwafwa njikabalingila ngothzi kubilinga bya bibi,na bubi bwabo kunji kabanabanukilabo." ¹³ Chojo akutumbuloni eli litabathano ngwendi "Lya lihya," cho nendekoni ngwendi lijoni litabathano lya kulibanga lipwa laja,cho neli lya laja linapu lya kujeneka bipangi cho ololoni chijeneka kushokoka.