¹ Cho nambe litabathano lya kulinga wakele na mashiko akulemethelamo na mwela wakulemethela. ² Mwafwa babwayethele tabanakele.Ya kulibanga,muje mwakele chitumamo kwa ndeya.mesa,na likende lije bakele Njambi,babutumbwile mwela wakuthzila. ³ Cho kunima ya naanga ya muchibali kwakele ikwabo Tabanakele.eyi batumbwile mwela wa kuthzila manene. ⁴ Cho yakele na mutula wa ngolinde na Insense. Yakele lalo na bwato bwa lishiko. Obu bwoshe babufukile na ngolinde. Mukati yakele njaba ya ngolinde ije yanyungile maana,nabweti ya Alone ya twikilile,na bitale bya litabathano. ⁵ Cho hakamwa ya bwato bwa litabathano,bumpahu bwa bakelumbi ije bangungumikile hakamwa ya chifwiko chalukonekelo,cho kutuchatha kuchendeka mukushula lalo. ⁶ Cho hanima ya kubabwayethela byumebi,cho tupilisitu thimbu yoshe bakobelele mu mulili ya hanja ya Tabanakele na kupanga bipangi byabo. ⁷ Oloni tupilisitu bahelu lika bakobelele mu mulili ya muchibali,lumo ha mwaka,bambatele maninga alyanenen babenya na bubi bwa banu buje bwakujeneka kuthzibuka. ⁸ Cho mundthzindthzime wakuthzila washolokele ngwe ngwabo Tabanakele ya kulibanga ichinemana mungila yaku kobela mwela wa kuthzila kunda. ⁹ Cho echi chapandametha kuthimbu ya ololo. Oshe mabwana na bing'ombelo ali nakwanewa ololo mgwe bwana bwa milambu kubwathele kukupwitha bimbunge byaba kalemetha. ¹⁰ Cho bakebo bakundamenene lika ku kulya na kanwa na bilika bya miyati ya kulijweletha,mashiko a mubila noho thimbu ya katumbameno kakaha. ¹¹ Kilisitu wethzile ngwe kapilisitu wahelu naija na byuma bya bibwa. Cho wetile mu tabanakele yakama bya kukupuka ya kujela manene cho kubayitungile na maboko a banu,ije kuyakundamene ku kaye aka batangele. ¹² Cho kuchakele ha maninga abimembe na bana babingombe,oloni ha maninga endi babenya hakeho hakobelele muje mu mwela wakuthzila manene lumo lika nakututambwila kowboka kwa myaka yoshe. ¹³ Cho nga maninga abimembe na bingombe ba bankomba nakulishamwina lito lya kwenyeka hali baje bali na bubi kuli Njambi bakabajeletha mu mibila yabo, ¹⁴ theteko muka eyi maninga a Kilisitu,ou kwitila mu mundthzindthzime wa myaka wa lyanene babenya wakujeneka mulonga kuli Njambi,kutujeletha kuchitakutaku chetu kutunda kubipangi bya kuthsa na kupangela Njambi wakuyoya? ¹⁵ Hamulonga wechi ikeye napu wakwimanenako kulitabathano lya liha. Echi chili ngechi,omwo kuthsa nambata mwela wakwobola baje bali mwithi ya litabathano lya kulibanga kutunda kukupenga penga, kuli baje babathana banatambula likulahelo lya buswana bwa myaka yoshe. ¹⁶ Cho kwoshe kuli chithzango,kuthsa kwa munu wachilingile chinapande kuchisholola. ¹⁷ Mwafwa chithzango chikalingiwa lika kubanga ngwe kuthsa chasholoka,mwafwa kuchakele na ndthzili ije a chili nakuyoya ou wachipangele. ¹⁸ Ngechibene nambe litabathano lya kulibanga lyetghzile nakukalako kwa kjeneka maninga. ¹⁹ Cho omu Mosesa wanene ku kambeya ku banu boshe mu mashiko,wambatele maninga abana babingombe na bimembe,na memba na wolu ya kubenga,na liputa,washamwinine halibulu na kubanu boshe. ²⁰ Cho wendekele ngwendi, "Awa akewo maninga alitabathano lya liha lije Njambi nakambeya kui yeni." ²¹ Muchifwa echi,washamwinine maninga ha tabanakele na habitenga bibakele nakupangetha mubulongethi. ²² Kwetheketha na lishiko,byuma byoshe ban bijeletha na maninga. Cho chakujeneka kwitila maninga cho kukwethi kuthambetha bubi. ²³ Chohoni chinapu chachibwa bithoneka bya byuma bya mwilu binapande kubijeletha nabi ng'ombelo bya tuthitu. Nmabe ngocho,byuma bya mwilu bikebyo babenya binapand kubijeletha nabi ng'ombelo bya bibwa. ²⁴ Mwafwa Kilisitu kakobekeke mu mwela wakuthzila manene ou batungile na maboko,chi chinapu lika chothoneka cha uje wabuthunga. Nameme ngocho wakobelele mwilu babenya,nakusholokela honi ku mesho a Njambi mukutwimamanenako. ²⁵ Cho kaile muje mungila yakulyana babenya bithimbu bya bingi,mubakalingi tupilisitu bahelu,bakebo bakakobela mu mwela wakuthzila manene mwaka na myaka na maninga aweka. ²⁶ Nga chakele ngechi,cho ikeye napande kuyanda bithimbu bya bingi kutunda hakujela lubla lwa kaye.Oloni na sholokele kumamanethele ya myaka mukwechetha bubi mukulana kupwa bwana babenya. ²⁷ Ngwe omu munu banamwangula lumolika,hanima kukaija kuthompetha, ²⁸ Cho lalo,Kilisitu walyanene lumolika mukutunditha bubi bwa babangi,cho akasholoka kamuchibali.kethi kupangela ha bubi,oloni kwobola kwa baje bali na kumubandamena.