¹ Wakele ikeye Melezendeki,mwene wa mu Salemu,kapilisitu wa Njambi wahelu, u je wa wanene Abilahama mukwiluka kuje bakele na kuthsiyila bimwene cho wa mukwithwile. ² Kuli ikeye kuje Abilahama wanene cha bulikumi bya boshe. Chakulibanga,kulumbununa kwa lithzina kwalumbununa, "Mwene wa buthunga"; cho lalo wapwa "mwene wa Salema," ikeye, "mwene wa kwoloka." ³ Cho kujeneka baishe,wakujeneka baina,kethi na bakulu, nameme kuputuka kwa matangwa nambe mamanethelo a mwonyo. Olojo,walifwa Muna Njambi,mwafwa wapwa kapilisitu myaka yoshe. ⁴ Kengeni bukama bwou munalume kuli uje kuku yetu Abilahama wanene cha bulukumi kubije byuma bya twalele ku ndthzita. ⁵ Baje baku muyati waba Lebi ba batambwile bipangi bya tupilisitu baba kambeyeye kwetheketha na mashiko a kutambula cha bulikumi ku banu,ngwe,kutunda kuli bandolome babo,nambe ngocho bene,chipwe,baka naanga ya Abilahama. ⁶ Olojo Melezendeki,uje muyati wendi kabathele kuuwana,watambwile cha bulikumi kuli kutunda kuli Abilahama, cho ba bukwithwile,uje wakele na bikulahetho. ⁷ Kukwethi kubyanangana ngwe munu wamundondo ba namukwithula kuli uje munu wakama. ⁸ na muchifwa echi,banu baje baka kuthsa batambula cha bulikumi.olojo muchifwa echi bana chambulula akatwalelela kuyoya. ⁹ Chojo,mukwendeka chimo, ba Levi baje batambwile bije byabulikumi,nendi lalo wakele na kufwetele cha bulikumi kuli Abilahama, ¹⁰ mwafwa Lebi wakele mu mubila wa chithemwa chendi hathimbu Melezendeki waliwanene Abilama. ¹¹ Cho ngwe kuthungametha kwakele kwakwathi kwitila mu bupulisitu bwa ba Lebi (na muchifwa echi banu batambwile lishiko), bikwabo kumu bumbukila hanima ya bilinga bya Melezendeki,cho na kwonwa kuthinganyeka hanima ya bilinga bya Aaloni? ¹² Cho ngwe bipangi bya bupilisitu bana butengulula,cho na lishiko lalo bana pandela kulitengulula. ¹³ Mwafwa kuli ebi byuma banendeka byapwa bya muyati ukwabo,omwo naumo wahi katha kupangela ha mutula. ¹⁴ Cho hathimbu ino cho kutundakuli Yunda mwafwa Shukulu yetu na themuka,uje muyati Mosesa kathele kwendeka hali tupilisitu. ¹⁵ Byoshe bije bitwendeka binapu bya kujela oloni ngwe kapilistu mukwabo uje watengulukilile Melekizendeki. ¹⁶ Kubathindamenene ha mashiko a mubila aje apwile kapilisitu,oloni apandamenene ku mwonyo wa myaka yoshe. ¹⁷ Mwafwa mabulu ali nabukaleho obu: "Yobe kapilisitu myaka yoshe kwetheketha na kukambeya kwa Melekizendeki." ¹⁸ Mwafwa mashiko alaja banawaka kumukulo mwafwa anapu akuthzeya cho anapu angocho ngocho, ¹⁹ (mashikokapangethele bimo kupwa bya buthunga), cho na chinyangabili chabibwa bana chineha,muje mukemwo twethzilile muyehi na Njambi. ²⁰ Omwoni chakele cha kujeneka kulithinga! bamo bapwile tupilisitu kwakujeneka kulithinga, ²¹ oloni bethzile na kupwa kapilistu omwo Njambi wendekele kuli ikeye ngwendi, "Shukulu na lithingi cho kakatengulula lalo bithinganyeka byendi: 'Yobe unapu kapilistu myaka yoshe."' ²² Na muchifwa echi Yesu nana litabathano lya libwa. ²³ Tupilisitu ba hanima bakele babengi,kutunda ije thimbu kuthsa kwakele na kubonetha kutwalelelaho kupanga. ²⁴ Olojo mwafwa Yesu watwalelela kuyoya myaka yoshe,hali na bupulisitu bwa myaka yoshe. ²⁵ Olojo atha kwamena baje boshe baija kuli Njambi kwitili muli ikeye,mwafwa ikeye wakalako thimbu yoshe na kubalombelelako. ²⁶ Mwafwa chinatupande chili chili kukala na kapilisitu wakama.ou wakuthzila,wakonwa bubi,wakujela,uje bananduuna kuba ka bubi,na kumujundula helu lya melu. ²⁷ Ikeye kashaka,ngwe omu tupilisitu bakam bakan bwana bwa ng'ombelo hatangwa,kubangelelaho bubi bwendi,hathinoni bubi bwa banu.Wachilingile echi lumo lwa mamanethelelo omu walyanene ikeye babenya. ²⁸ Omwo mashiko anangula yetu tupilisitu bakama banu baje ba kuthzeya. Oloni lijwi lije lya kulithinga,lije lyethzile hanima ya lishiko,wangwile uje Mwana,uje ba pwitha kupwa wakoloka ha myaka na myaka.