¹ Ngechibene lalo,ijeni tuthethze maputukilo a muthzimbu wa Kilisitu cho tushwenye kulutwe ku kukola. Echeleni kethi tujale lubula lalo lwa kutenguluka kutunda ku bilinga bya kuthsa na bije bya likulahelo muli Njambi, ² nameme lubula lwa kulongetha bya kumbwitika,kukambela maboko,kuthnguka kwa bathsi,na kuthompetha kwa myaka yoshe. ³ Tunashungwiya lalo kuli echi ngwe Njambi nachitabetha. ⁴ Mwafwa chinapu kethi chachathi kuli baje boshe banetithamo laja,baje bathzibaho laja bwana bwa mwilu,baje bakele baka kuli pangethzela muthzithzime wakuthzila, ⁵ cho uje wamakelele ku bubwa lijwi lya Njambi na ndthzili ya kushongo ije ikeja. ⁶ oloni baje bakelukila munima - ku chethi cha chathi kubelwitha lalo ku kutenguluka ku bubi. Echi chinapu ngechi mwafwa bakashukika muna Njambi ha mulonga wabo babenya lalo,cho bakamuthzibitha shwamwa mukati ka banu. ⁷ Hamulonga wa libu lije likatambwila nyondthzi ije ikanyokelaho,cho ije lika kwimitha bimbuto bije bikakwatha baje bapangele hali lije libu - Eli likelyo libu lije lika tambula kubethzika kutunda kuli Njambi. ⁸ Oloni ngwe bima mambimbo na shaaku,binapu bya ngocho inete kuyehi na bithingo. Mamanethelo abyo anapu kwenya. ⁹ Oloni tunabithzobithitha ha byuma bya bibwa bije binamipandama,baka chithzemo,byuma bije binapandama ku kwoboka,nameme twendeke ngachike. ¹⁰ Mwafwa Njambi kapwile wakuhona. Ikeye katha kwibala bipangi byeni na chithzemo chije maswalale ha lithzina lyendi,mwafwa mwobole banu bendi bakuthzila.cho muchili na kubapangela. ¹¹ Tuli na kuthsila kwakama ngechi munu na munu mukati keni napande kusholwetha kwaka mangana ku bipangi kwetetha na kushongo,mangana chinyangabili cheni chipwe cha buthunga. ¹² Ebi bili ngechi bene mangana mujeneke kupwa na bulwa,oloni baka kukabangeya baje ha likulahelo na kuthimpa kuswana likulahetho. ¹³ Mwafwa Njambi omwo wakulahethele Abilahama,walithingile ikeye babenya,cho omwo kathele kulithinga kuli woshe umo wakama. ¹⁴ Wendekele ngwendi, ''Chili bene njikakukwithula na kutumisha na kukwana batekukwila babangi. ¹⁵ Mungila eyi bene,Abilahama wathele kutambula bije bamukulahethele hanima ya kubandaamena na kuthimpa. ¹⁶ Mwafwa banu balithingile ku munu uje na batubakana. Hanima ya kweta kushongo ya mamanethelo,a kuhona kulithzibathana,kulithinga chimo chemanenako ngwe kutabetha. ¹⁷ Omwo Njambi washakele kusholola bwno hakutoka kuli baje bashakele kutambula chikulahetho chije chakuhano kutenguluka butumbe bwendi,wabwethzeleleko lalo kulithinga. ¹⁸ Walingile ngecho mangana ku byuma bibali bije kubyatha kubitengulula - na bje kubyethi bya byathi Njambi kwendeka makuli - Yetu baje,banawana kwamena muli ikeye tuli na kutamo kwakama kwa kukwatethana ndthzili ku chinyangabili chije bana bwahetha ha lutwe lwetu. ¹⁹ Tuli nechi ngwe chije bananyungu na chije banakulahela noo ya mwonyo,chinyangabili chije chika kobela ku mutambela wa mmukati kunima ya nanga yaha njanena, ²⁰ kuje Yesu,uje waile halutwe,wakobelele kuje ku mutambela ha mulonga wetu. Napu kapilisitu wakama myaka yoshe hanima ya kubangeya Melekizendeki.