¹ Kuli mukulunu woshe watupilisitu,uje banangula kutunda ka banu babengi,na kumwimika ngechi a pange kwimaneneko banu mu byuma bije byapandama kuli Njambi kuli Njambi,mangana ane bwana na bikombeyo bya bubi. ² Ikeye athsa kupanga bwino hamo na baje banajeneka kuthzibuka na baje bankwithi,mwafwa ikeye babenya napu muka kujukitha. ³ Hamulonga webi,ikeye allo napande kwana bokombeyo bya bubi bwendi,ngwe omwo aklingila kububi bwa banu. ⁴ Kethi ikeye babenya hakulinga ngwabo woshe umo ambate echi kulema.Oloni, banamuthana kuli Njambi,ngwe omwo mwakele Aloni. ⁵ Mungila imolika,nameme Kilisitu kalithzumbangeyele ikeye babenya ha kuli pwitha babenya kupwa kapilisitu wakama. Mu mwela wa uje wakele na kwendeka kuli ikeye ngwendi, "Yobe unapu munange; lelo njinapu nji Isho." ⁶ Chinapu mumo lika ngwe muje mwendekele mu mutambela weka, "Unapu kapilisitu wa myaka yoshe wa munima ya Melekizendeki." ⁷ Thimbu ya matangwa a kuyoya kwendi mu mubila,Kilisitu wanene hamo mu malombelo na kwihula na kulila na lijwi lya kukanguka na mithothzi kuli Njambi,uje umo wathele kumwobola kutunda kukuthsa,cho bamuthzibile hamulonga wa kuyoya kwendi ya bu Njambi. ⁸ Nambe wakele mwana wa munalume,walilongethele kwononoka kutunda ku tuyando. ⁹ Bamupwithile wakukola cho wakele,wa boshe baje baka kumwononokela,chinenetha kwoboka kwa myaka yoshe. ¹⁰ Ba mwanene mwela wa kuowa mukulunu watupilisitu munima ya bilinga bya Melekizendeki. ¹¹ Tuli na bya bingi bya kwendeka hali Yesu,oloni cha chikalu kulumbununa omwo munapu bakuhona mangana mukuthziba. ¹² Mwafwa nambe munapande kupwa balongethi hali ino thimbu,kuli nakutondewa umo amilongethe mashiko a Njambi akushangumukilaho. Munapande kunwa mashwe,kethi bya kulya bya kukola! ¹³ Mwafwa woshe uje akanu mashwe lika cho kanda ethzilile mithzimbu ya buthunga,mwafwa unapu mwanan wa mundondo. ¹⁴ Olojoni bya kulya bya kukola binapu bya banu bakukola. Aba bakebo baje ha mulonga wa kukola kwabo banlilongetha kuthzibithitha kwa ndununa bubwa kutunda ku bubi.