¹ Ngachije,bandolome bakuthzila,lipangeleni mu kuthana kwa kwilu. Thinganhyekeni hali Yesu,miluwa na tupilisitu ba helu mu kulyambulula kwetu. ² Wakele wa likulahelo muli Njambi,ou wamwangwile,ngwe omu Mosesa wakele lalo na likulahelo munjubo ya Njambi yoshe. ³ Mwafwa Yesu banamutabela kukala wakutela bumpahu bwakama kuhyna Mosesa,mwafwa ou atunga njubo wakala na bulemu kuhyana njubo babenya. ⁴ Mwafwa njubo yoshe bakaitungu kuli munu umo,oloni Njambi ikeye atunga byuma byoshe. ⁵ Mwafwa Nosesa wakele wa likulahelo hakukala ngamba,munjubo ya Njambi,kwana bukaleho ha byuma ebi bakendekeho kulutwe. ⁶ Oloni Kilisitu wa likulahelo ngwe mwana o watwamenene njubo ya Njambi. Yetu tupwa tunjibo yendi oshe nga tukwatelelela kukutakama kwetu na chinyangabili echi tukalishelamo. ⁷ Ngachije chili ngwe omu mundthzindthzime wakthzila ukendeka: ''Lelo,oshe uthziba lijwi lyendi ⁸ kethi mukothe bimbunge byeni ngwe mukulitengulukila,muthimbu ibamyetheka mu mambo. ⁹ Echi chakele omu bakulu beni banjitengulukilile hakunjetheka,nomu,muthimbu ya myaka makumi awana,bamwene bilinga byange. ¹⁰ Ngachije njatenukile na chije chikota njendekele ngwange, 'thimbu yoshe bashandukile mungila mu bimbunge byabo. Kubatanekeyele mu bingila byange.' ¹¹ Chili ngwe omu njalithingile mubutenu bwange: 'Kubakakobela mukuhwima kwange."' ¹² Kaleni bakunyanyama,bandolome,mangana mukati keni kethi mukale umo na mbunge ya bubi bwa kwilika kukulahela,mbunge eyi ikashondoloka kutunda kuli Njambi wa mwonyo. ¹³ Olojo litabatheni umo na mukwabo halitangwa,ngwe omu ngwe bathana "lelo," mangana naumo wahi muli yeni bakoletha mbunge ku makuli a bubi. ¹⁴ Mwafwa tunaja na kukala bakupangela hamo ba kilisitu oshe tukwatetha na ndthzili kukulahela kwetu muli ikeye kutunda kukulibanga kwetu na kumamanethelelo. ¹⁵ Hali echi banachendeka ngwabo, "Lelo,oshe mthziba lijwi lyendi,kethi mukolethe bimbunge byeni,ngwe mukulitemgulukila." ¹⁶ Iyajo ou athziba Njambi na kumutengukila? Nkumani kethi boshe baje batundile mu Ingito kwitila muli Mosesa. ¹⁷ Nabeya walubalele na o ha myaka makumi awana? Nkuma kuchakele na baje babulumwine,bakele na mibila yabo ya kuthsa ya wilillile mu mamba? ¹⁸ Kuli iyajo oku walithingilile ngwendi kukakakobela mukuhwima kwendi,oshe kuchakele kuli baje bamubyanene? ¹⁹ Tukamono ngwe kubathele kukobela mukuhwima kwendi mulonga wa kujeneka likulahelo.