¹ Oloni thzibuka echi: mumatangwa aku manethelako,muka kala bithimbu bya bikalu. ² Baanu bakapwa baka kulishaka babenya,baka kushaka bimbongo,kulipamba,kulyaletha,ba kaendekethi ya ibi,kujeneka kalematha ku bithemi,kujeneka ku kandelela na kujeneka kuthzila. ³ Bakapwa bakakukenyuka,bakujeneka kukonekela kulithingimika,kutenuka,baka kujeneka kushaka bya bibwa. ⁴ Bakapwa baka bungungu,baka buthzikwa,bakamakuli,baka kushaka byuma bya thenga kutubakana bya Njambi. ⁵ Bakapwa nachimwetho chabu Njambi olojo baka byana thzili yacho. Shondolokeni kuli aba banu. ⁶ Mwafwa bamo balinapu ngwe banalume baje baka kobelela mubinjubo na kwonononwetha bakakathzi bakweeba. Aba bakebo banakathzi baje bashaula laja na bubi buje bunapu buhungumwitha na byuma bya bibi. ⁷ Banakathzi aba baka twalelelaho na kulilongetha,olojo kubatha kwija ku mangana a buthunga. ⁸ Mungila yimolika Njama na Njambele ba byanangenene Mosesa,aba balongethi ba makuli lalo ba byananganene buthunga. Bakebo banalume ba kuthsa maana,kwetheketha ku likulahelo lyabo linasholoka kupwa ba makuli. ⁹ Oloni kubatha kuya kulutwe manene. Mwafwa bulema bwabo bukasholoka ku banu boshe,ngechi mwa baje banalume bakwabo. ¹⁰ Oloni ngechi mwobe,unakabangeya kulongetha kwange,bilinga,fututhi,likulahelo,lukakateya,chithzemo,kuthimpa, ¹¹ kupaketha,tuyando,babije bya sholokele kuli yange mu Antyoke,Ikomyane,namu Lisitala. Nja thimpile ku kupaketha.Mukati ka byoshe,wajobwele. ¹² Baje boshe bashaka kuyoya buyoye bwa bu Njambi kwitila muli Kilisitu Yesu baka ba paketha. ¹³ Banu ba kabubi na bakakaulikwitha baka twalelelaho kulinga bya bubi,na kuhungumwitha bakwabo na bakebo babenya. ¹⁴ Oloni ngechi mwobe,kalelela mu kulinga byuma bije unalilongetha na kukala wa kukoletha na bije wakulahelele manene. Unabithzubuka kutunda kuli uje wakulongethele. ¹⁵ Thzibuka ngwobe kutunda ku bwanike bwobe unathzibuka bya kujela. Ebi bikebyo binatha kukulingitha ukale na maaana mu kwoboka kwitila muli kulahelo muli Yesu Kilisitu. ¹⁶ Bithoneka byoshe binapu bya kutunda kuli Njambi.Binapu bya ku wanenamo bilongetha, mu kuhwitha,mukwolola,na mukulongetha kwaku thungama. ¹⁷ Echi chinapu ngocho mangana munu wa Njambi athe kukala wakuthzibukitha,wakushula mu bipangi bya bibwa byoshe.