¹ Choyobe honi,munange,kala wakukanyama mungothzi ije ili muli Yesu Kilisitu. ² Hali byuma bije biunathzibile kutunda kuli yange hakati kabakaleho babangi,bikundike kuli banu baje bali nalikulahelo baje banatha kukalongetha bakwabo nawa. ³ Pwa kachiyoyelo cha kuyanda hamolika nange ngwe lishwalale wa Kilisitu Yesu. ⁴ Naumo wahi liwaalale atha kukwata noku noku mubilinga bay chiyoyelo cha mwonyo wendi ⁵ cho lalo, mona umo alitaka ngwe uje mukaku lyolola mu mubila muku shaula.katha kutambula chilongo kubanga alyonononwethe kumashiko. ⁶ Chichili chije mukakulima manene kulibanga akatambula mutambela wa mbuto yendi. ⁷ Thinganyekeni bika njili nakwendeka,omo Shukulu aka myana chithzibukitho mu byoshe. ⁸ Anukeni Yesu Kilisitu,naanga ya Ndaviti,bamuthangwile kutunda kubathsi. Echi chinapu mubilongetha bya muthzimbu wa ubwa uje njambulwile, ⁹ uje unjili na kuyandela kweta na kunjikuta malyenge ngwe njichitothzi. Oloni lijwi lya Njambi kulyethi mu malyenge. ¹⁰ Cho honi njinalyana kuyanda mu byuma ebi amulonga wabaje babanangula,managanoni nabo nawa bakatambule bwoboke buje buli muli Yesu Kilisitu,na bumpahu mwa myaka yoshe. ¹¹ Ebi byendeka bya buthunga: "Ngwe tuthsa hamo nendi,cho lalo tukayoya hamo nendi. ¹² Ngwe tukakateya,cho tukaswana nendi lalao. ngwe tumubyana,cho netu lalo akatubyana. ¹³ Ngwe kukwethi na likaulahelo,ikeye wakala na likulahelo omo katha kuli bayana babenya. ¹⁴ Pweni na kubanukitha a byuma ebi. Bnayanyametheni kuli Njambi mukubamwetha kuli chikota mu majwi;kuchi kwatha,oloni chibihitha baje nakuchitolilila. ¹⁵ Linga bya bibwa mukuli mwetha yobe babenya kuli Njambi ngwe uno uje,wa bipangi uje kethi na mulonga wa shwama,uje mpundu alongetha lijwi lya buthunga. ¹⁶ Kehetheniko kwendeka bing'anda bya kweba,bije binena manene kwonowa kuthzubuka Njambi. ¹⁷ Byendeka byabo bikatanda ngwe bimbandu bya mukongo.Hakati kabo hali Hemanisiya na Filite, ¹⁸ baje bana tanganetha buthunga. Bali nakwendeka ngwabo kuthanguka kwaija laja,oloni na kubitha likulahelo lyabo. ¹⁹ Chojo,lubula lwa Njambi lwa kukola lumemana. Luli nebi bithoneka: "Shukulu nathzibuka boshe baje bendi" na "Woshe uje akatambula lithzina lya Shukulu napande kutunda ku bubi." ²⁰ Mulimbo lya kufuka lika bitenga bya ngolinde na siliba. Cho muli nawa bitenga bya mabaya na buma. Hali ebi bimo babipangetha mukathzingimiko,bikwabo babi pangetha mukushauka. ²¹ Ngwe omo ali bwahetha ikeye babenya kutunda kuku shauka,cho napwoni chtenga cha kathingimiko. Chojo mwangulaho,na kukala na chipangi kuli shukwaina,na kulibwahetha kuli byoshe bipangi bya bibwa. ²² Chojo tundeni kumashungu abukwenje.Tondeni buthunga,likulahelo,chithzemo na kwoloka baje boshe bakathana hali Shukulu kutundilila mu mbunge ya ibwa. ²³ Oloni byaneni bihula bya bulema bya kujeneka mangana. Mwafwa muthzubuka ngweni bikanene lika bimata. ²⁴ Ngamba ya Shukulu kapandele kupwa muka kulichokota. Olojo napande kwononoka kuli boshe,uje atha kulongetha,na kuhwima mbunge, ²⁵ Napande kupwa walyobwaobwa mu kulongetha baje bakamulumbilitha. Hachimo Njambi a bana kulenguluka na kukathzibuka buthunga. ²⁶ Cho amo bakatenguluka kutunda mu mweto wa lyabolo.,hanima ya kubakwata ngechi balinge chithzango chendi.