¹ Njili nakwana eli lishiko lya lukanyama ku mesho a Njambi na Kilisitu Yesu,uje akathompetha baka kuoyaya na bathsi,cho nawa omo ali nakwija na bumwene bwendi. ² Ambulula lijwi;pwa wakulibwahethela mutimbu yaibwa nambe ije kethi thimbi ya ibwa.Bakleke buthunga,byanangana,bakande,bathindwiye,na kuwimitha mbunge na kulongetha. ³ Omwo thimbu ikaija omo banu kubakatulilila ku kulongetha kwa buthunga. Ngechibene,baka kabangeya mashungu abo,cho akalikulwila balongethi babengi bengi baje bakaleka bije bashaka kuthziba. ⁴ Kuba kathzibilila ku byuma bya buthunga,cho baka twala mana abo ku bithimo bya ngocho. ⁵ Oloni yobe,unapande kulinyunga mu byuma byoshe.Kakateya mu kuyanda,ling;linga bipangi bya muka kwambulula binganda bya bibwa; cho linga bipangi byobe ngwe ngamba ya Njambi. ⁶ Oloni ngechi mwange thimbu inete ya kunjikombela. THimbu inete kuli yange yaku thethza mwonyo ou njili nawo. ⁷ Njinalu ndthzita yayibwa,cho njinashatuka na kwetheketha na theteko yange,cho njina nyungu kukulahela. ⁸ Chilongo cha buthunga bananji nyungilacho,chije Shukulu,uje lalo lyaako wa buthunga,ka njanacho halije litangwa,cho lalo kethi kuli yange lika embwe,oloni akachana lalo kuli baje boshe bana bandamena na chithzemo cha kusholola kwendi. ⁹ Linga mwoshe omo wathela ngechi wije bwathzi kuno kuli yange. ¹⁰ Mwafwa Ndemasi nanjithethze. Wathzemene byuma byahano ha kaye. Cho nayi ku Tesolonika. Kelesisenesi waya ku Ngalatiya,cho lalo Tito waya ku Ndayimatiya. ¹¹ Kubanga Luka lika ikeye alinange. Ambata Mako wije nendi omo wapwa wakukwata manene yange omu mubipangi. ¹² Cho Taikikasi nja mutumu ku Efeso. ¹³ Mukanjo uje njathethzele ku Tolowasi kuli Kopasi,unjitikewo omo ukeja,na mabulu,cho manene aje mabulu ange amalambu. ¹⁴ Alekizanda uje muka kufula namwetheka byuma bya bunkenga manene hali yange. Shukulu aka mufweta kupwitha ngwe kubipangi byendi byanalingi. ¹⁵ Nobe lalo linyunge naku sholoka kuli ikeye,mwafwa wa byananganeene majiw etu. ¹⁶ Hakulibanga ku kulyamena kwange,naumo wahi wanjipandamene. Ngechi bene,boshe banjithethele.Echi kethi bachitandele kupwa bubi kuli bakebo. ¹⁷ Oloni Shukulu wakele hamo nange na kunjitakametha ngechi,kwitila muli yange,njathelekwambulula thzimbu woshe mubutunu,cho lalo ba Yunda boshe bakatha kuuthziba.Cho lalo banjombwele kutunda mukanwa ka ndumba. ¹⁸ Shukulu akanjobola ku bilinga bya bibi cho baka njobola yange nakukakobela mubumwene bwendi bwa mwilu. Kuli ikeye kukale bumpahu myaka yoshe Ameni. ¹⁹ Ana chihindu kuli Pulisila,Akwila,na baka naanga yoshe ya Onesifolase. ²⁰ Elasistase wathalele ku Kolinde,oloni Tolofimase njamuthzethzele na kubabala mu Miletusi. ²¹ Etheka muwathela mwoshe wije kuno thimbu kanda chithika.Eubulasi na tumu chihindu kuli yobe,cholalo na kuli Pundemi,Limusi.Kilaundiya,na bandolome bendi. ²² Echeleni Shukulu akale na muthzithzime wobe. Echeleni ngothzi ngothzi ikale neni boshe.