¹ Kunjapandele kuthoneka mukanda kuli yeni wakupandama ku kukunguluka kwa banu kuthzila ba Njambi. ² Njathzibuka ngwange muli na chithzango cheni,chije njalyalethele ku banu bamu Makendoniya. Njabalekele ngwange Akaaya nakala na kulibwahetghela kutunda myaka wali. Ndthzanthzu yeni ina batametha mukulingamo. ³ Oloni njinatumu bandolome ngechi kulyaletha kwetu hali yeni kethi chikeluke mwangocho,mangana mulibwahethele,ngwe muje njatumbwile ngwange mukemwo mukapwa. ⁴ Ngochobene,Oshe baka Makendoniya baija hamo lika nange cho bakumiwana kanda muchilibwahehele,tukathzizba shwama - byahi byendekele kuli yeni - ha kupwa na likulahelo lya kama manene muli yeni. ⁵ Cho njinathinganyeka ngwange kuchethi chachathi kukambeya bandolome baije kuli yeni lalo bailbwahethele chimweja ha bwana buje mwabakulahethele.Echi chinapu ngechi mwafwa kulibwahethela kupwa ngwe kubethzika,kethi ngwe chakumithindwiya embwe. ⁶ Mutwe wechi ou: Uje imo akuna byabindondo katha kuteja lalo byuma byabindondo,Cho uje umo akuna ha chithzango cha kumu kwithula kateja bikwathula. ⁷ Echeleni umo na umo ane ngechi omwo nashakela mu mbunge yendi. Kethi ngwe kuthindiya nameme kuhona kwakoko mangana,mwafwa wathzema muka kwana kwa mukakubwahelela. ^{8 9} Cho Njambi akamyana kutubakana ngwe muje munajeneka,linga,thimbu yoshe,mubyuma byoshe, cho muli nabyo bije munajeneka. Cho mukapwa nabyo bije munajeneka. Mwafwa bana bisoneka ngwabo, "Ana bufuko bwendi na kwana baje bihutu. ¹⁰ Cho uje mukakwana bimbuto bya kukuba na likende lya bilya ikeye lalo akamyana bimbuto byoshe mukakuba. Cho akamyana byabingi bya kuteja kutunda kubuthunga. ¹¹ Ikeye lalo akamipwitha baka kufuka mukupwamo. Echi nena kukandelela kuli Njambi buje butunda kuli yetu. ¹² Mwafwa kwambata chino kukunguluka kethi kukwathe lika banu bakuthila ba Njambi,oloni kusholola llo byuma byakweneke kuhwa mubilinga bya bingi bya kwana bwana bwakwana bwa kukandelela kuli Njambi. ¹³ Mwafwa wa kumyetheka,na bukaleho bunasholoka muku kunguluka kuno,aneni bumpahu kuli Njambi mu kumulomba na kwononoka ha kutabela muthzimbu waubwa wa Kilisitu. Neni lalo mukan bumpahu kuli Njambi na bungulu bweni mukulipangethzel nabo kuli woshe umo. ¹⁴ Bakamishaka,cho bali na kumilomba.Bakalingi ngechi mwafwa wa ngothzi ya Njambi yakama manene ije ili hali yeni. ¹⁵ Tunakandelela kuli Njambi mwafwa ngothzi yendi yakama ya bwana buje kutwatha kulumbununa!