¹ Tutondo muthzubuke,bandolome,ha ngothzi ya Njambi ya nana ku bikungulukilo bya Makendoniya. ² Muthimbu ya tuyando,kujolela kwabo kwakama na kwama chabuhutu bwabo chabatuhwilile bufuko bwa kama. ³ Omwo njimileka mwa buthunga ngwange batwanene bya bingi mukwatha kwabo cho nawa bya hyanene bije bathele,na chithzango chabo choshe ⁴ batulambelele na kututhindiya ngechi tubane thimbu ya kulipamgela mu kukunguluka cha banu ba Njambi bakuthzila. ⁵ Ebi kubyalingiwile ngwe omwo matwayongwele,oloni babangelle kulyana bakebo babenya kuli Shukulu kathinoni balyane kuli yetu kuchithzango cha Njambi. ⁶ Ngechibene twalekele Tito,uje washangukile bipangi byendi,kutwalelelaho ebi bilinga bya ngothzi. ⁷ Oloni munapu baka kufuka mu byuma byoshe - mukukulahela,mu endekethi,mu maana,mukukakateya choshe,na muchithzemo cheni hali yetu. Ngechibene tulikwatheni mangana tuye kulutwe mubilinga kubuli bwakwoloka mu ngothzi. ⁸ Njendeka ebi kethi ngwe kukambeya.Oloni njendeka ebi mu kwetheka buthunga bwa chithzango mukubitetheketha kundthzandthzu ya banu beka. ⁹ Mwafwa muthzibuka ngothzi ya Mwene Yesu Kilisitu.Nameme wafukile,wahutwile hamulonga weni mangana kwitila mu buhutu bwendi mukathe kufuka. ¹⁰ Muli eyi ng'anda njiminangula mangana chimikwatheko.Omwo mwetile mwaka umo kumwaputukile lika kulinga byuma bimo,oloni mwashakele kuchilinga. ¹¹ Cho bimanetheni.Ngwe omwo kwakele ndthzandthzu na mbunge ya kuchilinga lalo,byetetheni kumamanethelo,ngwe omwo munathela. ¹² Ngwe omwo muli na nthzandthzu ya kulinga echi,chinapu chuma cho bana chitambwila. Chinapande kulingiwa hali bije munu ali na byo,kethi hali bije kethi nabyo. ¹³ Mwafwa kunjishaka ngwange beke bawane kuhwima cho yeni muyande embwe. Oloni,kunapande kukala kwetheketha hamolika. Ebibene bya bingi bimuli na byo hathimbu ino binatha kuwanetha bije bibatonda. ¹⁴ Ebi nawa ngechi mangana bije bya bingi bimuli na byo kuwnetha bije bibatonda.Ebi lalo mangana kupwe kwetheketha. ¹⁵ Echi chili ngwe omwo bachithoneka: "Uje na bya bingi kathethzele byuma bimo,cho uje ali na bya bindondo kakabihono." ¹⁶ Oloni twakandelela kuli Njambi,ou wakele mbunge muli Tito ya kutakametha kukwatha ije injili nayo hali yeni. ¹⁷ Mwafwa ikeye katambwilile lika kulilanya kwetu embwe,oloni watakamenene hali echi. Wethzile kuli yeni mukushaka kwendi ikeye babenya. ¹⁸ Tulinakutuma ndolome uje bana shangathzala mubikungulukilobyoshe kubipangi byendi bya kwambulula muthzimbu wa ubwa. ¹⁹ Kethi ebi lika oloni bamwangwile lalo kubikungulukilo kupwa babuthamba wakwenda nendi nebi bilinga bya ngothzi,ebi byali nakutwamenena hamo netu mu bumapahu bwa Shukulu na mubithinganyeka byetu. ²⁰ Tutonda konowetha ngwetu kethi kukale nambe umo ayayabala hali ebi bilinga bya bwana bituli na kulinga. ²¹ Twakeko mana mangana tulinge bya bibwa,kethi kuli shukulu lika,oloni lalo nakumesho abanu. ²² Tulinakutuma lalo ndolome yetu hamo nabo. Tunametha mu byuma bya bingi cho tunawana ngwetu natemo mubipangi byoshe.Alimanene na nthzanzthzu mwafwa wa likulahelo lyeni muli yeni. ²³ Ngechi mwa Tito,ikeye ka buthamba lalo na mukwathi wange mutukapangela bipangi bya ku mikwatha. Ngechi mwa bandolome,banapu baka kwimanenako kutunda kubikungulwilo, Banapu bumpahu kuli Kilisitu. ²⁴ Cho basholweleni chithzemo cheni,na kusholola kulyaletha chetu ku bikungulwilo hali yeni.