¹ Bakachithzemo, ngechi tuli nebi bikulahetho tulijeletheni ku byuma byoshe bije bijwaletha mubila na mundthzindthzime. Cho tuoweni bakushakethzeka kujela mukuthziba Njambi. ² Tuwaneni mwela!kutwalingile mwa mubi ku munu wahi itunalingi mathzikakanwa nambe kunyanyametha umo. ³ Kethi kumihitha yeni omwo njendeka ebi. Mwafwa njendekele ha kulinga ngwange yeni muli laja mubimbunge byetu,ngechi yetu tukathsa hamo na kuyoya hamo. ⁴ Njili na likulahelo lyakama manene muli yeni ,cho lalo chakama kulyaletha hali yeni. Njinashulu na kuthzembeleka cho njina shulu na nzolela nambe mutuyando tweni twoshe. ⁵ Omwo twetele muma Kendoniya,minila yetu kuyahwimine. Olojni,twayandele kwoshe kwoshe kwakele kupakethe hanja na lyoba mukati. ⁶ Oloni Njambi,uje muka kethzembeleka baka kuthzeya,watuthzemebelekele hakwija kwa Tito. ⁷ Kethi hakwija kwendi lika chalingithile Njambi atuthzemebeleke yetu.Oloni kwakele kuthzemebeleka kuje Tito watambwile kuli yeni. Watulekele hakushaka kweni kwakama,buthiwa bweni,na lihwila limuli nalyo hali yange. Ngechibene njabwahelela manene. ⁸ Nambe mukanda wange waminyenyetethele,kunjilibeye. Oloni njalibeye na cho mwafwa mukanda wange waminyenyetethele, nambe ha kathimbu kakandondo. ⁹ Lalo njili na kubwahelela,kethi ngwe omwo njaminyenyetethele,oloni mwafwa buthiwa bweni bwaminenele kutenguluka ku bubi. Munetile nambe chimo mwafwa wetu. ¹⁰ Mwafwa buthiwa bwa chithango cha tumponya chinena kutenguluka ku bubi chije chimitwamenena ku kwoboka kwa kweneka kulibeya, buthiwa bwa liuti,chinena kuthsa. ¹¹ Kengeni kukakateya kwakama buthiwa bwa tumponya bubanene muli yeni. Kukateya kwakama,lyoba leni,kuthsila kweni,lihwila leyni na kushungwiya!munyuma byoshe munasholola yeni babenya kuopwa bakuthambwa mu byuma ebi. ¹² Nameme njamithonekele,njuathonekele baka kulonga bubi,nameme uje banatandetha ku bubi,oloni bilinga byeni bya bibwa babithzibuka kuli yetu babithzibuke kuli yeni kumesho a Njambi. ¹³ Hachuma echi bakatutakametha na cho.Kwakeleko na mukututhzembeleka,tunabwahelela manene lalo mwafwa wa kujolela kwa Tito,mwafwa muthzithzime wendi wamikanyamethele mubaboshe. ¹⁴ Mwafwa ngwe njilyaletha hali yeni kuli ikeye,kumwanjithzibithile shwama.Mukulithzibuka,ngwe muje mutwendele kuli yeni ngwetu byoshe byapwa bya buthinga, ¹⁵ Chithzemo chendi chapwa chakama hali yeniomu ali na kwanuka kwononoka kweni mubaboshe,omwo mwa mutambwile ikeye mulyoba na kujaja. ¹⁶ Njinabwahele mwafwa njili na likulahelo lya kushula muli yeni.