¹ Yange,Paulu,njili na kumilomba ngwange, "Kwitila mukulikehetha na kwononoka kwa Kilisitu. Njalikehetha omu njili ke mesho eni,oloni njinathimpi omu njikala ha lako. ² Njilinakumilombelela ngwange,omu njili neni,kunjishaka kukala wa kuthimpa na kulikulahela. Oloni njathinganyeka njinapande kuthimpa omu njibyanangana baje bayongola ngwabo tunakwenda kwetheka na mubila. ³ Mwafwa nambe twendele ku mubila,kutwethi na kwana ndthzita kwetheka na mubila. ⁴ Mwafwa bitwa tukalu nabyo kethi bya ku mubila. Olojo,bili nandthzili ya kwilu yakunyongetha ndthzili ya byo. Mithzimbu ya kuthzimbaletha kyethi na chimo. ⁵ Cho lalo tukanyungetha byuma byoshe bya helu bije bikala na mana a Njambi. Tuakanena biyongola bya bundungo ku kwononoka kwa Kilisitu. ⁶ Cho tunakulibwahethela kuthzangametha bilinga byoshe bya kulikanga,oho bene mu munenetha kwononoka kweni. ⁷ Kengeni hali ocho chili ha kujela halutwe lweni. Nga umo na lwitha ngwendi muka Kilisitu,mwecheleni alyanukitha babenya ngwendi omu ali na Kilisitu,mukemwo netunapu. ⁸ Mwafwa nambe nga njilishashe kamandondo ha mulonga wa moko,eyi Shukuli anene mangana tututnge kwilika kanyongetha, kunjikathzibi shwama. ⁹ Kunjashakele chisholoke ngwe njina kumithzibitha lyoba na mikanda yange. ¹⁰ Mwafwa banu bamo bendeka ngwabo, "Mikanda yendi ya kunungakana cho yandthzili oloni kusholoka cha mubila wendi wapwa wakuthzeya. Majwi endi kuwatemo mukuthzibilila." ¹¹ Echeleni banu bachifwa echi bathzibuke ngwe omwo mutwakala mu majwi a mikanda yetu ngwe tubayiko mukemwo tukakala mubilinga byetu omu tukalako. ¹² Kutwatha kuya kulako mukulikungulula yetu babenya nambe kulipwitha yetu babenya na baje bakakulyaletha babenya. Oloni omu balyaletha babenya kuli umo na ku mukwabo nakulipwitha babenya na umo namukwabo,kubethi na mesho a mundthzindthzime. ¹³ Yetu,nambe ngocho,kutulishangala kutubakanetha. Olojo,tulinga ngechi mutheteko ya muje Njambi nana kuli yetu,theteko ije ikumina hachipwa chabo. ¹⁴ Mwafwa kutwathele kulitandubula yetu babenya omu twetele hali yobe. Twakele tuba kulibanga kweta hali yobe na mthzimbu wa ubwa wa Kilisitu. ¹⁵ Kubatushangalele kutubakanetha ha kupanga kwa bakwetu beka. olojoni,chinyangabili chetu chinapu ngwe omu likulahelo lyeni litwalela kukola,bipangi byetu mukati keni bitandubukilako manene. ¹⁶ Tuli na chinyangabili hali echi,mangana twathe kwambulula muthzimbu wa ubwa na mumitambela ya kutubakana yeni. Kutulishangala hamulonga wa chipangi banakulinga mu byela bya bya bakwetu beka. ¹⁷ Oloni echeleni ou ali kulishangala babenya,alishangalele muli Shukulu." ¹⁸ Mwafwa kethi ikeye ou anakulyaletha babenya ou batabela. Olojo,ikeye umo ou shukulu akashangala.