¹ Njishaka ngwange muthimpe hamo nange ngwe mubulema. Oloni mukemwo bene munathimpila hamo nanange! ² Mwafwa njili na lifuwa hali yobe,hakupwa njakushikile bulo ku munalume umo. Njashikile kukusholola ngwe mumbanda kuli Kilisitu. ³ Oloni njili na lyoba ngwe mpamo,ngwe uje linyoka wakwithile Eba kwitila mukunyanyama kwendi,cho bithinganyeka byobe babitwamenena kutunda mungila kwitila mukulyana mwoshe kuli Kilisitu. ⁴ Mwafwa batijo umo aija nakwambulula Yesu mukwabo. Nambe batijo ngwe utambula muthzimbu weka kutunda kuli uje mwatambwile. Mutungana byuma ebi kweta na kukushula kwa byo! ⁵ Mwafwa njinayongola ngwange kunjethi njiwakukekelamo muli baje mwatumbula kupwa miluwa. ⁶ Oloni nambe kunjalilongethele mukwendeka,olojo kethi mu mana embwe. Mubingila byoshe ba byuma byoshe tunalumbununa echi kuli yobe. ⁷ Nkumani njabulumwine ha kulyononona yange babenya linga njimyamethe yeni ndi? Mwafwa njambulwile munthzimbu wa Njambi kuli yeni cha kujeneka kumifwetetha. ⁸ Njebile kubikungulukilo bikwabo ha kutambula bukwathi kuli bakebo mangana njipangele yeni. ⁹ Omu njakele neni nakutonda bukwathi,kunjanene chiteli kuli munu embwe. Mwafwa bukwathi bwange bwatundile kuli bandolome baje batundile ku Mesendoniya.Cho mu byuma byoshe njina linyungu kwonwa kukala chiteli kuli yeni, Cho njitwalelela kulinga ngocho. ¹⁰ Hakulinga buthunga bwa Kilisitu buli muli yange, echi kulishasha kwange kubatha kucholwetha mubihanda bya Akaye. ¹¹ Mwomu bikajo? Mwafwa kunjamithzemene ndi? Njambi natanekeya. ¹² Cho ebi njikapanga njitwalelela ku bipangi,mangana njibindike baje banakutonda ngila ya kulifwa netu mu byuma ebi bakalishashelemo. ¹³ Mwafwa banu bachifwa echi banapu Miluwa bamakuli cho bakakuthzimbaletha. Bakalishweke babenya kupwa miluwa ba Kilisitu. ¹⁴ Cho kuchinjikomowetha,mwafwa nambe satana akalishweke babenya kupwa kangeloka cheke. ¹⁵ Kuchatha kunjikomowetha manene nga bingamba bendi balitumbula babenga kukala bangamba bakuthungama. Mamanethelo abo akapwa kwetheka na bipangi byabo. ¹⁶ Njendeka lalo ngwange,kethi mutabethe munu kuthinganyeka ngwe njichilema. Oloni nga mulingangocho,njitanbuleni ngwe chilema mangana njikalishasheleho. ¹⁷ Chuma njinakwendeka - kunjethi na kwendeka ngwe anu shukulu atha kwendeka - njinakwendeka ngwange chilema. ¹⁸ Hakupwa banu babengi bakalishasha kwetheka na mubila,nambe njilishasha bene. ¹⁹ Mwafwa mukubwahelela ukatungu hamo na bilema. Yeni munanyanyama! ²⁰ Mwafwa mukatungu na munu nga amipwitha kupwa ngamba,nga aminganyala,nga amitela likanjo,nga alijundula babenya,nambe nga amipupa mbanda kumesho. ²¹ Njendeka ha shwamwa yetu ngwange twathzeyele manene mukulinga ngocho. Olojo nga umo alishssha- njinakweneka ngwe chilema - nange njikalishasha. ²² Bunapu ba Hebelu ndi? Nange bene. Banapu ba Isilaele ndi? Nange bene. Banapu ba chithemunwino cha Abilahamandi? Nange bene. ²³ Bunapu bangamba ba Kilisitu ndi? (Njendeka ngwe kunjakele na kuthinganyeka) Njinatubakana: Mukapanga na nthzili,mukamenga,mukunjipupa chakwilika theteko,mukuliwana na bushonde bwa bwingi. ²⁴ Kutunda kuba Yunda njatambwile mubithimbu bitanu "bikote makumi atatu na atanu naawana." Hathimbu bitatu banjipupile na biti. Thimbu imo banjashele mamanya. ²⁵ Habithimbu bitatu banjibombethele mu bwato. Cho njatumbamene litangwa na buthsiki bumo ha mema ahalishali. ²⁶ Njakele ha bungenzthibwa kwenda,mubushonde kutunda mubi ndonga,mubushonde bwa bihwanga,mubushonde kutunda ku banu bange,mubushonde bwaba njentile,mubushonde bwa binganda, mubushonde bwa mumambo,mubushonde bwa ha lishali,mubushonde kutunda ku bandome bamakuli. ²⁷ Njnapanga munthzli na kyayanda,mu mathsiki amangi chakwilika kulala,munjala na lihwila,kakangi mukuthzila kulya,mulithika na buthzu. ²⁸ Kutunda ku byuma byoshe,kunakala kunjithindakana cha ha litangwa mu kulithinganyeka bikungulukilo byoshe. ²⁹ Iyajo najuka,yange kunjajukile? Iyajo ou nanetha kutanuka,cho kunjenyele? ³⁰ Nga njishaka kulishasha,njilishasha,njilishashele ha chuma chisholola bya kunjijukitha. ³¹ Cho Njambi ishe ya shukulu Yesu,umo ou bakithula myaka yoshe,atanekeya ngwe kunjethi na kulikwitha! ³² Ku Ndamasikasi,ngubulu ou apangele mwithi ya mwwne Aletasi wakele na kunyunga bikolo bya binganda bya Ndamasiku linga banjikwate. ³³ Oloni banjithothele mu lyendeko kwilika ha mbango,cho njatwele kutunda kumaboko endi.