¹ Cho kethi mubyanethe mukulunu wa munalume. Olojoni,mutakametheni ngwe napu tatetu. Takametheni bakwenje ngwe bandolome, ² banakathzi bakukola ngwe bananetu,na banakathzi baxhanike ngwe ba ndokathzi,mukujelethewa kwoshe. ³ Lemetheni bafwile,bafwile ba buthunga. ⁴ Oloni nga fwile ali na bana nambe batekulu,cho batela kuli lonetha kusholola kabumbi babenya mungelela munjubo yabo, Bechele belwithile bithemi babo,mwafwa echi chanene Njambi kubwahelela. ⁵ Oloni kuli ou akala na fwile bene,ou banaththze likalyendi,naka chinyangabili chendi muli Njambi na kutwalelelela kulila na kwana kulomba buthsiki na mutanya. ⁶ Olojoni,munakathzi ou ayoyela mubyathenga wathsa laja nambe ali na myonyo. ⁷ Balekeni buthunga hali ebi byuma lalo,mangana bakale bakwilika katenga. ⁸ Oloni nga munu katha kubwahethela babushoko bendi,chakama kuli baje bamunjubo yendi,na byana likulahelo cho ikeye natubakana bubi na uje wakujeneka likulahelo. ⁹ Cho munakathzi bamutabela kukala fwile nga agtubakana myaka likumi na iatanu na umo mukukola,munakathzi wa munaluem umo. ¹⁰ Hakukala na bilinga bya bibwa akala na kuthsimana cha chibwa,nameme nakala na kunyunga bana,nambe nakala na kutambula bangethzi,nambe,nambe watanethele memdi a banu ba Njambi bakuthzila,nambe nakukwatha baje bali mutuyando,nambe mukulyana kubipangi bya bibwa byoshe. ¹¹ Oloni bafwile bachanike,baka byana kubaka kumukana. Mwafwa baka lyana kubyaku mubila kutunda kuli Kilisitu,bashaka kushomboka lalo. ¹² Mungileyi bakobela mu milonga mwafwa ba byana kulithinga kwabo kwa kuli banga. ¹³ Muthimbu imo lika,bakalilongetha bulwa nakuthzenguluka kuya njubo kutunda njubo. Kubethi kukala na bulwa lika,oloni bakendeka bya bulema na kukala na bipangi bya mubila,nakwendeka byuma ebi kubapandele kwendeka. ¹⁴ Cho ngachije njishaka banakathzi banatela kushomboka,bathzeme bana,banyunge binjubo byabo,na kwilika kwana thimbu ku baka ng'ole ya kwendeka bubi hali yetu. ¹⁵ Mwafwa beka banatenguluila laja kukabangeya satana. ¹⁶ Cho nga munakathzi umo wa likulahelo ali na bafwile,mwecheleni abakwathe,mangana kethi chikakale chiteli ku chikungulukilo,mangana chikakwatheko ba fwile ba buthunga. ¹⁷ Cho echeleni bakulunu aba bakayulu bwino bakale bakauyongola manene na kutambula tuthingimiko lubali,chakama kuli baje bakapanga na nthzili na lijwi na mukulongetha. ¹⁸ Mwafwa bithoneka byendek ngwabo, "Kumukakuta kanwa ka ngombe thimbu ali nakujungula tiliku." chona "Mukapanga napande fweto yendi." ¹⁹ Kethi mukatambule kubangeya hali mukulunu kubanga kukale bakaleho babli nambe batatu. ²⁰ Ololeni baka bubi ku mesho aboshe mangana aba bathala bakale na lyoba. ²¹ Buthunga njimikambeya,kumesho a Njambi na Kilisitu Yesu na tungelo baje banangula,mukanyunge awa mashiko chakwilika kumwetha chithzemo cha umo,cho na kwilika kwakwilako umo lika. ²² Kethi uthzambule kukambeka maboko hali umo. Kethi mulipangele mu na bubi bwa mnu weka. Linyunge yobe babenya mukujela. ²³ Cho kuwapandele kunwa mema. Olojo,wapande kunwa tubinyu twatundondo twa mwimo na mishongo yobe ya thimbu yoshe. ²⁴ Bubi bwa banu bamo babuthzubuka ha kujela,cho bukabakabangeya kweta na kukuthompetha. Oloni bubi bumo bukakabangeya hanima. ²⁵ Mungila imo lika,bipangi by bibwa bimo babitanekeya hakujela,oloni na bikwabo kubyatha kubanda.