¹ Cho mundthzindthzime ulinakwendeka ngwawo mubithimbu bya kukotokela banu bakathetha kukulahela kwabo na kwononokela mindthzindthzime ya makuli na kukabangeya bilongetha bya maamba, ² muchibembulu cha makuli,ha kulingoni chitakutaku chabo kuchethi na theho. ³ Banu bachifwechi baka babyanetha banu kwambata na kukubabyanetha kulya bya kulya bimo bya tangele Njambi kubitambula na kukandelela kuli baje bana kulahela na kuthzibuka buthunga. ⁴ Mwafwa byuma byoshe watangele Njambi binapu bya bibwa,cho chahi twatha kutambula na kwana kukandelela twatha ku byana. ⁵ Mwafwa bana chijeletha na lijwi lya Njambi na kulombela. ⁶ Nga yobe waaka byuma ebi kumesho abandolome bobe,ukapwa ngamba wa mubwa wa Yesu Kilisitu. Mwafwa uli na kulilitha na majiw a likulahelo na kulongetha bya bibwa bije una kabangeya. ⁷ Oloni shondolokeni kubithimo bya lifuti biba shaka banakathzi babakulunu ba laja. Oloni,lilongethe yobe babenya mubunjambi. ⁸ Omu kulongetha mubila chili na theho yakupangetha kabundondo lika,bunjambi bwapwa chili ku byuma byoshe. Mwafwa chakwata likulahetho cha kuyoya cha lelo na kuyoya kwa lutwe. ⁹ Ou unapu muthzimbu wa likulahelo manene na buthunga ngechi tubitambule mwa mubwa. ¹⁰ Omwo tuundangana na kupanga na ndthzili,ikeye napu mwobole wa banu boshe,manene kuli bakakukulahela. ¹¹ Bashike na kubalongetha ebi byuma. ¹² Kethi utabethe munu umo kushaula bukwenje bwobe. Oloni,kuli baje banakulahetha,mufutithi,muchithzemo,mukukulahela,na mukujela kwobe. ¹³ Kubanga noho njikaija,ana thimbu yobe ku kutanda,na kukwambulula,na kukulongetha. ¹⁴ Kethi wechele bwana buje buli muli yobe,obu bwakwanene yobe kwitila mubu polofita,muli baje bakambekele maboko abo bakulunu. ¹⁵ Nyunga byuma ebi.Lilambule ku byuma ebi,mangana bipangi byobe bikasholoke ku banu boshe. ¹⁶ Linyunge yobe babenya na kubilongetha byobe. Twalelelaho mu byumebi. Mukulinga ebi ngechi,ukalyamena yobe babenya na baje bakatolilila kuli yobe.