¹ Echi kwendeka chinapu cha likulahelo bene: Nga kuli munu umo ashungwiya kupwa ntwama,cho ikeye washaka kushungwiya bipangi bya bibwa. ² Ou ntwama napande kupwa wakujeneka milonga. Napande kupwa munalume wa munakathzi umo.Cho ikeye napande kupwa wa kulingunga,wa bithinganyeka bya bibwa,wakulongwa na kujumbula bangethzi. Cho napande kupwa umo uje mukakulongetha. ³ Kethi apwe muka kupenda penda na binyu,muka lwothzi.oloni apwe,muka lyobwa obwa,muka kwoloka. Kapandele kupwa munu uje muka muthzema bimbongo. ⁴ Ikeye napande kunyunga naanga yendi mwa mubwa,napande kumona ngwendi bana bendi bapwe baka kwononoka na kumwana kathingimiko kaje kanatelamo. ⁵ Mwafwa nga munu kathele kunyunga naanga yendi bwino,cho batijo akatha kunyunga chikingulukilo cha Njambi? ⁶ Kapandele kupwa munu uje na kulahela alolo,kwonowa akalyaletha na kuli bindametha ngwe mwalingile lyabolo. ⁷ Ikeye napande lalo kukala na kathingimiko kakabwa kuli baje bali hanja,ngechi kethi akathzibe shwama na kuwila mu mweeto wa lyabolo. ⁸ Bakwathi batupilisitu, mungila imo bene,banapande kupwa nafutithi ya yibwa ya kathingimiko,kethi akale ndthzindthzi mutakela kubali mu byendeka. Kapandele kunwa manene binyu na nuna. ⁹ Napande kunyunga bya kukomowetha bya likulahelo na chitaku-taku cha chibwa. ¹⁰ Napande lalo ku mwilula kulinga,athinoni apange mwafwa najeneka mulonga. ¹¹ Mungila imo,banakathzi babo bnapande kupwa na futithi ya ibwa,kethi baka bungungu,oloni babi thinganyeka bya bibwa na likulahelo mu byuma byoshe. ¹² Mukwathi wa kapilisitu wa chikungulukilo napande kupwa na munakathzi umolika. Banapande kunyunga mwamubwa bana babo hamolika na njubo yabo. ¹³ Kuli baje banapanga bipangi byabo mwa mubwa bawananemo luthimo lwakwima lwa lubwa na kuthimpa kwakama mu likulahelo lije lili muli Kilisitu Yesu. ¹⁴ Omo njithona ebi byuma kuli yobe,njili na chingabili cha kwija kuli yobe ololo. ¹⁵ Oloni nga njishwala,njili na kusoneka mangan yeni mukathzibuke mu mukapangela munjubo ya Njambi,chikecho chinapu chikungulukilo cha Njambi wakuyoya.ikeye nguthzi na bwimaneno bwa buthunga. ¹⁶ Tubaboshe tunataba bikomwetho bya bunjambi bwetu kwama: "Walijombolwele mu mubila,muthzithzime wa musholwele,ba mu mwene kutungelo,ba mwambulwile mukati ka miyati,ba mukulahelele mukaye,naku mwambata mubumpahu."