¹ Olojo,chakulibanga,Njimilomba ngwange bihula,malombo,kulyanuka mu kulomba,na malombo akukandelelela anapande kukala banu boshe, ² mwafwa bimwene na baje boshe banana mooko,manganoni tuka yoye mukwaloka na buyoye bwa kwoloka kulu bya bije byoshe bya tulunga twatundondo na kathingimiko. ³ Ebi bikebyo bana tabetha alutwe lya Njambi ikeye mwobole wetu. ⁴ Athetela banu boshe bakoboka na kwija kumana abithinganyeka bya nuthunga. ⁵ Omwo kwakala Njambi umolika,na uje mukakwimanenako hakati ka Njambi na banu, ikeye munu Yesu Kilisitu, ⁶ walyanene ikeye babenya kupwa fweto ku boshe,ngwe bukaleho hathimbu ya ibwa. ⁷ Na muchifwa echi banjangwile kupwa Helonda na muluwa - njambulwile buthunga,kunjilikwithi - na mulongethi wa bakamafuti mu likulahelo na buthunga ⁸ Olojo,njishaka munu mu mwela wendi woshe kulomba na kujundula helu maboko akujela cha kujeneka kulubala nambe bimata. ⁹ Na mungila imolika,banakathzi banapande kuthzala buthzalo bwa bubwa,bje bwabubwa na bwa kulithingimika,kethi kubinda bing'ambu na ngolinde nambe byuma byeka na byeka bya kwakako nambe na buthzalo bwa binanga bya kutula, ¹⁰ Olojo na bije bya bibwa obyo banakathzi banapande kulikehetha kwitila mu kulinga bipangi bya bibwa. ¹¹ Munakathzi napande kulilongetha kukala wa kwoloka na kulikehetha mwoshe. ¹² Kunjitaba ngechi munakathzi kulongetha nambe kushika hakati ka bamalume,olojo kutumbama mu kwoloka kuluu kwoshe. ¹³ Omwo Andama ikeye batangele hakulibanga,kathinoni Eva. ¹⁴ Andama kubathele kumukwitha na cho wapwile mukakopokola lishiko. ¹⁵ Nambe ngocho,baka mwobola kwitila mukuthzema bana,oshe baka twalelela mu likulahelo na muchithzemo na mu kulithzilika na bithinganyeka bya bibwa.