¹ Cho echeleni boshe bali mubi mangati bya bundungo bapande kuyongola ba shukwaina kukala nakathingimilo. Batela kulinga ngechi mangana lithzina lya Njambi na kulingetha kwendi kethi bikale bya kushaula. ² Bandungo aba bali nabashukwania ba likulahelo kubapandele kusholola kujeneka kathingimiko kuli bakebo mwafwa babapu bandolome babo. Olojo bapande kubapangela manene. Mwafwa bashukwaina aba bakwatha mu bipangi byabo banapu bakukulahela na chithzemo. Longetheni na kusholola byumebi. ³ Nga umo alongetha bilongetha bya makuli na kujeneka kutabela majwi anakuthzibakana a Shukulu yetu Kilisitu Yesu na kulongetha kwa Njambi, ⁴ alyaletha na kujeneka kuthzibithutha. Akala na bithinganyeka bya kulinga na mashungu a bimata ha majwi akunena lifuwa,bimata bya bibi,matuka.na biyongola bya kuthinganyekela, ⁵ nakulipika thimbu yoshe mukati ka banu ba tumamethi ya kujenekakuthzila mu mubge yabo. Banathzimbaletha buthunga cho bakathinganyeka ngwabonbunjambi bikebyo ngila ya kuwanenamo bimbongo. ⁶ Cho bunjambi na kulyana chinapu kuwaneneno, ⁷ mwafwa nebi twanenele mu kaye byahi,cho nebi tukambatamo byahi. ⁸ Olojo tupwithenimo na byakulya na buthzalo. ⁹ Cho baje bashaka kukala bakafuko bakawila mu kubetheka,mu miheto. Bakawila mu bulema na kubulumuna kwakungi na byoshebi bikokela banu kukuthziluka na kunyonga. ¹⁰ Mwafwa chithzemo cha bimbongo chinapu ngila ya bubi bwoshe. Cho banu bamo bakaikabangeya banabathzimbaletha nakutunda mungila ya likulahelo cho banalitibi babenya na kubindama kwakama. ¹¹ Oloni yobe,munu wa Njambi,tewa kutunda ku byumebi: Thetela buthunga,bunjambi,likulahelo, chithzemo.lukakateya na kwoloka. ¹² Lwa ndthzili ya likulahelo. Kwatelela ku mwonyo ou kuwethi kuhwa oku ba kuthanene,cho oku wanene kuhitha chachibwa ku mesho a bakaleho babangi. ¹³ Njinakwana kukambeya oku kuli obe ha mesho a Njambi,ou akana mwonyo ku byuma boshe,na ha mesho a Yesu Kilisitu, ou wendekele na kuhwitha ch chibwa ku mesho a Potiyasi Pilato, ¹⁴ kanyungi kukambeya kwa kwilika lipelenga lya kupaya nambe kwanena mulonga,kweta na kukujomboloka kwa Shukulu wetu Yesu Kilisitu. ¹⁵ Njambi akajombolola kusholoka kwa Kilisitu hathimbu ya kutelamo - Njambi - wakukwithula cho lalo wakuthzila,Mwene ali halitanda cho Shukulu ou ali nakuula. ¹⁶ Ikeye lika kethi kuthsa cho atumbama cheke kubethi kushwenya. Kukwethi munu akaumumono nambe athe kulimwetha babenya. Kuli ikeye kukale kabumbi moko ya myaka yoshe. Ameni ¹⁷ Baleke buthunga baka kufuka mu kaye kethi balithzibe cho kethi bake chinyangabili mu bufuko,obu bwangachije bene, olojo,bake chinyangabili chabo muli Njambi. Ou anakutwana tubaboshe bufuko bwa buthunga na kubwahelelela. ¹⁸ Balekeni balinge bya bibwa,bafuke mu bipangi bya bibwa,cho na kukala na ndthzandthzu na kushaka kulipangela. ¹⁹ Mungiloyo bakalitulikile babenya lubula lwa lubwa kuli bwahethele obyo bili na kwija,mangana bakalikinge mwonyo wa buthunga. ²⁰ Timoteo,kinga ocho bakwanene. Libyanethe byuma byakwilika,kwendeka na likamba na bithinginyeka bya bimata ebi bathana mangana a makuli. ²¹ Cho banalume bamo bakambulula ebi byuma ngocho batundu ku likulahelo. Echeleni ngothzi ikale neni.