¹ Chjo,akulibanga Kilisitu nendi wa yandele mu mubila,cho kumani neni lyanganyeni na biyongola bimo. Mwafwa uje woshe na yanda mu mubila necheloni ku bubi. ² Cho na muchifwechoni,uje munu wa ngachije,mu thimbu yendi yoshe ya ku lutwe ya kuyoya mu mubila,kayoyo nawa mu kwetheketha na mashungu a mubila,olojo kwethekethoni na chithzango cha Njambi. ³ Mwafwa eyi thimbu ineti kunima inapumo akulinga yeni mulinge chithzango cha bakamafuti,cha ku yoya mu mubila lika,cha mashungu,cha kupenda penda,cha thenga ya kunwa mabwala,cha bilika bya bunyengwe bya kukombelela na kulemetha tumponya. ⁴ Chonini bakebo bana likomokela aku mononi yeni ku mwethi na kulikumbathana nabo muje mu mabathzi a bilinga bya buthzikwa,nge choni bali na kwendeka bya bibi hali yeni. ⁵ Chonini baka langulula bwino kuli ujoni na li bwahelethela laja ku kathompetha baje ba chili na mwonyo na baje ba nathsi. ⁶ Chojo echi chikecho chuma bambwilile muthzimbu wa ubwa na kuli bathsi,manganoni,nambe bana ba thompo mu mubila ngwe banu,bakathe ku yoya mu muthzithzime mu chifwa chije cha yoyelamo Njambi. ⁷ Chojo kukotoka kwa byuma byoshe chili na kwija mu yehi. Ngeconi pweni banu baje banau mu mesho,na kukala na bithinganyeka bya nungulu mangana mwathe ku lombela. ⁸ Choni na chithzemo cha ku kanyama kuli umo na mukwabo,mwafwa chithzemo chika fwiki a makulukathzi a bibi. ⁹ Chojo kaleni na kabumbi ka kulijumbula umo na mukwabo a kujeneka kulinyenga lalo. ¹⁰ Cho akulibanga umo na umo weni na tambula bwana,kumani likwathetheni bo mu kupangela umo na mukwabo ngwe tunyungi ba bababwa ba ngothzi ya Njambi mu bifwa byayo bya bingi. ¹¹ Chojo ngwe umo endeka,cho napande kwendeka na majwi a Njambi.Umona ngwe umo apanga,cho a pange na bithzili bije bya kutunda kuli Njambi. Lingeni byumebi ngechoni mubingila byoshe Njambi ba mulemethe kwitila muli Yesu Kilisitu. Chojo kuli Yesu Kilisitu kukakoloni bumpahu na bithzili byoshe bya myaka yoshe. Ameni. ¹² Bakachithzemo,kethi mu kithiwe a mulonga wa byetheko bibi na misholokela, ngwe ngwabo bali na ku mititha mu tuya embwe. ¹³ Olojo,nambe ngwoni muli na kwita mu tuyando twakama bati tuje twa itilemo Kilisitu,yeni joleleleni,mangana lalo muka jolele na kubwahelela omwoni bumpahu bwendi buka sholoka. ¹⁴ Chojo ngwe bana mituku a mulonga wa lithzina lya Kilisitu,cho muna bethzika,mwafwa muthzinthzime wa bumpahu na muthzithzime wa Njambi bili na ku hwimina hali yeni. ¹⁵ Olonini kethi kukale nambe weni umo ya yanda mwafwa napu mukakuthsiya.imdi mwithzi,indi uje muka kulinga bya bibi indi nambe uje muka ku lyumbila mu bing'anda bije ku bya mu pandamene. ¹⁶ Choni bgwe munu a yanda a mulonga wa kupwa muka Kilisitu,cho uje kapandele kuthziba shwama embwe,olojo,ikeyoni na pande lik ku lemetha Njambi na lithzina bene lije. ¹⁷ Mwafwa ino ikeyo bene thimbu ya kulinga kuthompetha chi putukile na naanga ya Njambi. Chojo umononi ngwe chi putukile netu,choni chi kafwa batyoni kuli baje kubatondo kukulahela mu muthzimbu wa ubwa wa Njambi? ¹⁸ Cholalo "Ngwoni chinapu cha chikalu kuli ba kuthungama kwoboka,choni chika kala batyoni kuli baje baka likamba na baka kulinga bya bibi?" ¹⁹ Chojo kumani echeleni boshe baje baka yanda a mlonga wa chithzango cha Njambi baane myonyo yabo kuli Ishamaanga uje muka ku nyunga na ku shulithulila bije byana ku kulahetha mu ku linga bya bibwa.