¹ Njili lambelela akati keni bakulunu,Yange,mukweni mukulunu na kupwa mukaleho wa kuyanda kwa Kilisitu,cho nawa njikakala na mutambela umo wa bumpahu buje bukasholoka: ² Pweni tunyungi babutabga bwa Njambi buje mukati kabunyungi bweni,banyungeni na chuthzango ngwe bakulunu bachikungulukilo - kethi mwafwa na kuthindwiya,oloni mwafwa yeni mwashakamo,ngwe omo Njmabi napande kumilingila - kethi ngwe munganyo yakumithzibitha shwama oloni muchithzango cha kama chakupanga. ³ Kethi muli mwethe ngwe baswana ali banu bamuli nakunyunga.Olojo,pweni na chimwetho cha bukanyungi bwa butanga. ⁴ Cho omo kanyungi wakama akasholoka,cho mukatambula chilongo cha bumpahu chije kuchikathzithzibala. ⁵ Mungilo imo,yeni bakwenje,lyonwonothweni kuli balununu ba banalume. Mubaboshe,thzaleni mibila ya kuli kehetha na kuli kwatha umo na mukwabo.Omo Njambi kathzangele bakalifwimba oloni akana ngothzi kuli bakakulikahetha. ⁶ Choni likehetheni yeni babenya kuli boko lya Njambi linga amijundule muthimbu yani yaibwa. ⁷ Akeni bukalu bwoshe kuli iekye mwafwa ikeye wamilema. ⁸ Pweni bakakulithingimika,pweni baka kukengelelela. Omo bitothzi bali na kumithzenguluka na kwohya ngwe ndumba,ashakethzeka umo athsiye. ⁹ Imaneni na kulyohyela kuli ikeye bakukola mulikulahelo. Mwathzibuka ngweni bandolome beni bamuchiyoyelo muno mukaye boshe bali na tuyando twakulifwa. ¹⁰ Oloni omwo muyanda mukathimbu kakandondo,Njambi wa ngothzi yoshe,uje wamithanene ku bumpahu bwendi muli Kilisitu akamitengulula,ku myolola, na ku mikanyametha,na kumipwitha kupwa baka kukola. ¹¹ Kuli ikeye kukale ndthzili ya myaka na myaka yoshe. Ameni. ¹² Njinapwitha Silase kupwa ndolome yange mukukulahela,cho njamisonekelele mubwihi kwitila muili ikeye. Njimitakametha na ku myana buthunga buje bunja thono mungothzi ya Njambi. Imaneni muli bukebwo. ¹³ Munakathzi uje ali mu Mbambiloni,uje bangilwe hamo neni,na mimeneka. ¹⁴ Limenekeni umo na mukwabo nakuli thsemba kwa chithzemo. Kwoloka kukale mui yeni boshe baje bali muli Kilisitu.