¹ Yagui Takuduen no Pemelinta Belsyazar duguena Babel, Daniel lo sidi gemang sedek, sidi ikum go sip sedek bolo sikso gano gemang kilik sidiganemot sam bano,genam nemogo siding dato betelaling. ² Daniel Gemang pen ge kalik, '' Ku kilik ganemot nogo genam gemang ikumnebit utbulo sikso biab ey bu ey lue. ³ Gano menai kangok ko gemang kelak namon-namon yamso biab ba sikso kua kerlam meno-meno samsuk sogo. ⁴ Yangga banim nogo hubuem nemu singa kalik nemot tabang ey u keley kalik genam nemu bubung nomogo tabang tuguik ga ey nemot nan bolo siksogo piling bolo sono masi namon ib ko sudue kalik gano nemot nosudue go dabui gemang iti. ⁵ Gano menai meno ikum go namon tete nibuemnemu berung kalik nemot ibgonemogo fip idinogano toglodon nanglik ey nemogo wasrang lo kidik gano ge kalik so gemang pu nemot no kedaso damya manai mata-mata so. ⁶ Gano genam menai meno gemang ikum dali, nemogo nubuem nemo macan tutul kalik nemogo tabang namon-namon yamso nemogo taton di beloso gano menai ganemot nemogo wengkabui namon-namon yamso, gano nemot no don gamang iti. ⁷ Gano genam gemang ikum wadi kuklik ko ganemat nogo, gemang pung menai meno da namon-namon tete sogo, ga suali ey kua kong nemot don kangok nemogo waserang kangok besi kalik betap dam kangok don ey suguoi gano nemot go temung masi lo mea gualing kelong nemot banom sini so semugo manai temung banimgo ey kua kerlam gano nemogo wengkabui belonogogelang sepuluh yamso. ⁸ Genam maning nemogo gelang nemu so gano nemogo gelang di meno gemang pung dali suguay go ganemot sikso nemogo gelang di nangglik yamso banim go gemang suet no gelang di ganemot nogo nemu ey gemang semu sudue go nemu kalik gano nemogo lomsuk wembe-wembekangok. ⁹ Gano genam maning nemu so luiluik sip suing gabe tui gano gabe suing sudue sini nemogo ambele keba kelautgum waw kalik gano nemogo boto dop kelaut domba go dit kalik nemogo sipsuing koi ey balon gano nemigo masi lang nang sogo koi kalik so tebadali tutut. ¹⁰ Gano bu basik so koi pung go bu bolo kekolong nemogo nebuem kulo seribu kamso seribu sudue kabung yamso nemot no kebali so sesumugo gano berlaksa-laksa nemot mit no ip ko, ga ey demu sudue nembut gigi nang sogo, gano sam sam gemang turuk. ¹¹ Genam nemu tui tui so, gano wamoi mulue nembut gemang peni gelang di nemot lo genam nemot no nemu tuiso tui e menai ganemot se but nemogo temoi mea eti puit koi bano. ¹² Menai temung ga nemogo don mosok mo malo, nemot nang go ku woi pugo gemang hubung. ¹³ Genam maning nemu ikum suguong wadi kukilik ganemot nego gum balo gemang weng ut bolo siksoe sudue kabung go dou kalek wenggo sudue sini mitno gano nemogo nebuem ku gemang itigo weng. ¹⁴ Gano nemot elon tamelok genang sogo gemang iti nemot duguena gasik sadue kabung saula-saula yakna-yakna meno sik sogo nemot no kebali mea semu don nemot no iti go ga nemogo siding kua yam yakua pu ga yakua nego senang don yakna. ¹⁵ Genam Daniel ga kalik ikum go dabui basono kunong kunela so lemot tasom-tasom ganemot ikum go dabui sip nogo kua suing. ¹⁶ Gaus genam gabe sudue meno gaso ip ko suisuing go mitno gano gabe pu genam no pen ya genam no nemogo sini ganemot. ¹⁷ Menai kangok-kangok ko ga namon nam yam sogo ga duguena namon-namon yamso mea pung kukenan ge bulo sikso. ¹⁸ Gano sudue suey-suey go sudue sui ey sono kuoi go, nemot nang no pemelnitaan mea iti gano nemot nang lo temoi melak pemilntaan ga yam yakna pu siding kua go ga kalik mea gigit senang peme lintah. ¹⁹ Gano genam usi dali ga menai namon-namon yam sogo ga banom sini so menai meno-meno ey, ga suali ey terago go we serang besi kalik gano masi won tembaga lo ten dedan go don ey kusuop gano ten temu masi lo gualing kelong. ²⁰ Yang galang di tanamon yamso punggo weng kabui bolono,gano gelang di meno nemu ey go gano lomsuk wambe-wambe ey go gaey meno punggo nangglik ey suguoi gano kangok ko gelang oh gelang oh temu. ²¹ Gano genam lo ikum go gelang di gelang di ganemot lo pele sugui gemang semu sudue-sudue suey gonogo gano gemang itok sing. ²² Gano ey sudue sini wenggo gaey talinggo suey sudue kuoygonego bulung sudue kuagok ku sui ey gonogo gono ku ganemot mea pung sudue tuguop kolo pemelinta ta melak kenang sogo. ²³ Ngano ge kalik so so gemang peni menai nomon-namon tete sogo ga kerajaan namon-namon gemang ku kenan belongo, ganemot banom sini mea nak lai kerajaan . Kerajaan meno-meno ey go nemot lo megoup kukenan ge, mea kenak sing go mea kusop lak. ²⁴ Gelang di tanamon ga duguena tanamon mea puluep kerajaan ganemot basik so, nemot yam so kukuwa gano duguena kelaya dali mea pung nemot banom sini so duguena-duguen banim go ey kua kelam, duguena nanglik dali nemot lo mea kenok. ²⁵ Nemot lo nebut piam-piam go mia pen kumam aya sogo, gano sudue-sudue waly aya no duk ko ga piam mea taling gano nemot lo ku idi lo mea iwot gano itak yangga ku yagui kelaya gano nemot nang nemogo te basono ku yagui temoi tong. ²⁶ Gano demu trui sudue mea suing lak nebut suing go penggo pon sipsuing nemot lo wawi go ga tandali iti gano mea melak ko tuk ko tangey mea buin. ²⁷ Ganemot no pemelintaan don tamelak kenang sogo ga kelajaan-kelajaan ku kenam ge belo sik sogo mea iti sudue suey go kuoi gano kuman aya go bulung no pemelintah nemot nang go senang wally pemelintah nemot nang nakelai kebali nemot no mea semu. ²⁸ Ganemot kalik nembut pen ga siniso genam Daniel kunala-kunala genam go yamso temoi ganemot sikso genam go nebuem idilo iwot siniso tasam ganemot ikum ga senang so kunala basuguong lo dui duing.''