Pasal 8

Domba kemsi gano kambing Kemsi

1 Pemelintah Belsyazar, yagui nanglik teteno, gano Deniel no gemang tuling gemang ikum, banim no taling go ganemot dali. 2 Sidi ganemot bano genam lo ikum go genam puri Susan baso yangga ga sip Elam so, genam lo sidi ganemot bono ikum go, siniso genam bu katang ulai so. 3 Genam susu tuguik ko gano gabe ikum, nemudia no menai domba ib ko bu mit so gelang di namon ey, gano gelang di ganemot walong dega, gano nemogo gelang di meno idi logo walong dega sini gelang di walong go ganemot min sip so pung go. 4 Genam lo ikum go domba kemsi ganemot kuno duok ko waikut so woi no iwat bukati iwot, bu damoi sono iwot, gano menai meno-meno nemot nogo yakuakong, ganoyakua kap nemogo nemu siksogo nemot nemogo duifuing notakebali mea pelak gano nemot lo duing go nemot kangok dega. 5 Gano genam maning nemot so ikum gano kambing kemsi gabe pung go uweng woi sut sikso, kukenan belo ge nemot lo mowet masi nan nogo kua gualing no kambing kemsi ganemot nemogo gelang di kelaya mono sam sini so ga nemu namon nesip sikso pung go. 6 Nemot gemang weng domba kemsi gelang di namon ey mit no, genam loikum go bu nemot nu sini no gano gemang suguluk waikut ey kangoso pupolo. 7 Gano genam domba kemsi ikum goso dakuno gabe kelongi gano nemot waikut ey gemang duok ko gelang dilo domba kemsi gemang suok ga ey gemang suguoi domba kemsi gelang di namon, ga ey domba don kua goso lemoi nemot ey don wai-wai so tui genang sogoi ga ey nemot gabe tenget kukanan bolono masi lo nemot kokono nan sono, nando lo ya melak ko lek domba kemsi, kambing kemsi taba sik sogo. 8 Kambing kemsi ganemot, nemot go saisuk don kangok ko so pu no nemot saisuk belo sono kekelong gemang pudu uweng nemogo gelang di kangok ko ganemot, ga ey puduweng sip ganemot no namon, namon yanaso gemangpun gelang di demening go meno sam sinisogo ga kelam-kelam so nembit ko nemu ey ut bolo siksogo gemang semu. 9 Sini so gelang di kelaya go gasik so gelang di suguai go gabe pung nekelai kangok dega bu damoi sono gabe iwot woi kelak sono gano kukenan numu relam sogo ide sono. 10 Nemot kangok koso lemoi ganemot ut ba pele sudue so pu gano pele sudue ganemot sikso kua don gemang net nago yamso kukenan bolono gano nemot lo na silo gemang gugualing. 11 Ganemot no weng kabui pele sudue ganemot nemogo saisuk gemang taking don ey ga ey gemang iti nemot sikso gemang iti taiti suey ge mang pu kuno-kuno gano sip suey go gemang ta gut nemotlo. 12 Takebali piam gowa wai so pupulok tasuey kuno-kuno pupu go wai so itak, e kukenan so tebget sini suey go ta kebali nemot lo su mugo ga kaiso lelemoi kelong. 13 Gano genam tup sudue kelaya duo suey go nembut so pepen gano sudue suey go temung lo gemang pupu nembut so pepen gono, ''Ku nogo yamso ya lemoi ge taling go ikum go ganemot yangga taiti so pupuit go kuno-kuno gano tasam piam golo luluguot koge, sipsuey go iti go yamso teteram go pele sudue mata sogo lo? 14 Gano nemot lo nembut wai gemang tunguo dua ribu tiga ratus use gano wadui kua yamsonayun gono gano sip suey go ge tandali suey so mea lemoi.''

Penglihatan Diterangkan kepada Daniel
15 Siniso genam, Daniel lo ikum go sidi bano, gano usey nemot go sini sunuong sogoso, gaey sudue meno gabe ip genamgo nebuem kuno, nemugo nebuem nemu sudue kalik. 16 Gano genam gemang tup bu nesip ulai sikso suduelo nebut usigo, ''Gabriel taling ya sudue ganemot sunuong sogo ga nemot lo ikumgo ga nemot!'' 17 Ga ey nemot gemang uweng sip genam ip ko mit no, gano nemot uweng genam bobongo tui gano kunong dabui kati kuluguok, gano nemot lo gemang pu genam no. ''Sunuong ya sudue denok mot ikum go sidi ge nemot ku yam nang sogo.'' 18 Nemot maning nebut so pepen genam ey, guom go pui genam nan bulono nemu katiso kuluguok no nemot lo genam gabe kiling go ga be ip tandali. 19 Ga ey nemot nebut gabe pen genam gabe pepen mot no sogo kalik koya ya lemoi piam yansi go tasam ganemot ku yam nogo gemang. 20 Domba kemsi mot lo ikum go ga nemogo gelang di namon ey yangga duguena-duguena Media gano Persia ey 21 Gano kambing kemsi nemogo dit nagolonggo ga duguena sudue yakna yunanigo, gano gelang di kangok ko pung nemu namon nesib no ga banim go duguena. 22 Gano siniso nemogo gelang di ganemot pudueng go nemot go sip dali no namon-namon yamso gemang pung dali nemogo sini yakena namon-namonmea pung dali saula ganemot basik so no nemogo don banim go kalik so kua. 23 Noyansi go yakna ganemot sik sogo sudue kuasinigo lo mo kenok gano duguena meno mea pungdali nemogo nebuem nemu dabui piam suguong so, nemot wamoi mulue kangok. 24 Nemogo don kangok dega sini lemoi no nomogo don banim go ey kua kelam gano nemot lo tusam piam go mata so mea lemoi gano ta kebali sogo kalik ko nemot lo mo sumu go mea lemoi sudue-sudue sui ey go nemot lo yamso mea luguot gano sudue bulung suey go. 25 Sini so nemogo kunala wamoi mulue ganemot lo sogo-sogoso semugo mea lemoi kelong ganemot nogo nemogo saisuk belosono mea iti nemogo dabui bato ganemot ku walang kua luik so sudue mataso se luguot kelong nemot lo, ga ey nemotpu nggopele sagui se tui duguena-duguena ey go, no ta kebali sudue lo nemot nogo kua sumuso nemot se kua. 26 Gano sidiso nemogo kangok dega sini lemoi no nomogo don banim go ey kua kelam gano nemot lo tasam piam go mata so mea lemoi gano ta kebali sogo kalik ko nemot lo mosumu go mea lemoi sudue-sudue sui ey go nemot lo yamso mea luguot gano sudue bulung suey go.'' 27 Ga genam Daniel saisuk ey lasu gano sadui ey tera ku walong nago yamso gano suey go ip ko duguena go kebali gabe semu no genam kunala duing so ga tasam genam lo sidi bano ikum go ganemot no suey so kua sunong.