¹ Darius sudue media nemot kebali temalak ko nemot yugui enam puluh dua no punggo no. ² Gano nemot lo duing go genam mea kuoi seratus dua puluh dua takalik eleguna nemat no tebok kenang sogo kerajaan bano. ³ Gano nemot nanglo gemang taling dali sudue nangglik yamso yangga nemot basogo Daniel gemang dali nemot nang nanglikno takalik-takalik duguena go nembut mea pen ganemot sogoso duguena go sui pian ey goso. ⁴ Ganemot sogoso Daniel ge memogo sip suing dato belo dato so ga sudue nangglik kawai go sik sogo gano nemot nang ga takalik-takalik duguena go nemot nang Daniel tagu nembut mea pen nemogo kuasep sini kangok ganemot sogoso duguena go duiduing nemat lo yakna kangok ko ge tamalak kenang. ⁵ Gano, Sudue-sudue sui ey go takalik-takalik duguena go nemot nang tap so wet neton Daniel kebali pemirintahan no semu go so kamso nemu luik neton piam kua tugu newon nemot kebali suey so sesumu. ⁶ Ga nemot pu neton sudue-sudue ganemot, '' Imotnang yakua tugu nemogo ku kulue kua, Daniel piam basono dugut kenang sogo no kelaya nemogo takokong waly nogo. ⁷ Gano keda-kedaso wengkabui-wengkabui gano takalik-takalik duguena go ey kelong go gemang tugu duguena ey ga ey gemang punenawon nemot no ya duguena Darius waly lo mot nemot aya ⁸ Nakelai suguong sudue sip sung belosogo sui ey go yakna gebasogo gano naklai sudue don ey go deguena takalik gano menteri bupati-bupati ey kelaya go so kabe molemoi duguena sam semugo sang se tui nandolo ku tiga pulu banogo kunala duing dewa no gaey sudue meno nang mo pu mo no aya deguena mot nogoso ga sudue ganemot singga go demu put bano mea betep. ⁹ Ganemot sogoso ya duguena nembut se pu ga ey sam bano sekelik nubut pen ganemot guot ey ga dumutrui media gano persia gono mo klik tandeli go suet. ¹⁰ Ganemot sogoso ya duguena Darius sam ganemot kilik ko ma ilok seking. ¹¹ Nembut ganemut Daniel tup ko, siniso nembut taling go ganemot sam bano moklik ba, nemat gemang kelong yabano dugu-dugu yabasogo bolo idi sogo meno lue sogo Yerusalem idi sono gemang iwot ganemot no nemot segabuem unik dewi mea pupu gano usam mea kukulu waly aya nogo da nanglik yamso ku kelaya go. ¹² Gano sudue-sudue ganemot keda-kedaso ke weklak ko gabe dugutlak Daniel dewiso pupu nomgo waly aya no. ¹³ Ganemot no nomot nang duguena muit no puluep ko gano gemang usi ne tenawon, '' No aya mat lo sam bano morlok king go yangga sudue kabung kelaya duo ge ku tiga pulu yam bano dewi mo pu mo demat nogo sudue meno no mo no duguena kua pua ga singa go put bano ya betep? duguena lo wai gabe tunguo ga mo sonong wa talo yakua pen gano duguenalo pugo dumutrui sudue madia gano persia go bano moklik tandaligo yakuat suet. ¹⁴ Gano nemot nang lo duguena no gabe pu daniel sudue yehuda wawi wenggo nemot mo wai dang deguena mo go nembut ga nembut pen mot lo malok ey kinggo ga nemot lo motenget duguena ga mot lo sam kilik ko talinggo nogo kuaduk da nangglik yamso nemot dewi gabe pupu'' ¹⁵ Duguena nembut ganemot tap ko dabui bab uso gano nemot tap uwet nago kalik so ya Daniel ya pelet dok ko basik sogo woi kelaya sut nemot naning tap so uwet snemot sado basik sogo pong nang sogo. ¹⁶ Gano sudue-sudue ganemot kedaso kuek ko duguena ey tugu gogemang pen ne tenawon nemot noi se sunong ya duguena media gano persia go demutoui nogo sang kua tui gano kua pu sam mokilik ko demu nogo suet nang sogo gano iwot nang sogo.'' ¹⁷ Gano duguena nembut gemang punawon kelong wawia Daniel gano singa go put bano betep ya gano duguena nembut gemang pen nawon daniel no : '' mogo waly aya ga mot lo kuno woino taso kokong go nemot lo mot mea pelet. ¹⁸ Gano demu kangok ko dega lek ko wenggo demu put bolono kebet gano duguena ta digit gemang bung tasip cincin meterai lo gano cincin meterai sudue kangok ko sui ey golo sunong nang so siniso Daniel gemang. ¹⁹ Ga ey Duguena yap no gemang kelong ten kuadam bukua drop wadi ku kilik ganemot nogo nemot kua pu yakai nggot kaguit weng go nemot mitno yakai semu sog no nemot usne kua sedek. ²⁰ Wadi kua sini wai masi tega gano, bonggo duguena keda-kedaso gemang kelong singga go put nemot no. ²¹ Gano pung gono put dagu no mot gemang usi Daniel so kangok so, '' Daniel waly aya go tamot mogo aya kuno wai no modo takokong go nemot lo ta mo pelet singa-singa basik sogo. ²² Gano Daniel pugo duguena no Ya duguena mogo waly walong! ²³ Ganam go waly aya lo nemot go temot-tamot pugo wenggo singa-singa go lomput talo ma musuk yangga genam go saisuk no golok ey go ganemot sik so gabe mo sonong siniso genam kukule kua nemogo nebuemku nago, gano aya mot nogo ya duguena genam piam kua semu" ²⁴ Ga ey duguena dabui yakai ey ganonemot lopugoDaniel lek mu basik sogo, sogo-sogo kua tugu nemogo saisuk nogo yangga nemot go dabui sini siniso waly aya no no iti. ²⁵ Ga ey duguena lo sudue pugo Daniel so nembut iwot-iwot ko ganemot idok seweng gano singa go put bano se idok tega nemogo dou kabung nang ey maning mu kemle no kua punggono singa-singa lo tap lo tap lo yam sok don ey yamso kusuop. ²⁶ Ga ey duguena Darius sam kilik ko gemang tega yangga sudue kabung naklai nan siding no yakna yakna gano nembut meno nogo yangga suisuing kukenan ge belo sogo ge kalik nemogo kuluim mot nang nakelai sugong waly-waly. ²⁷ Yang gia sui go genam nembut be pepen sini so yakna ge genam lo ta melak ko basgo suali setera ta ey sekong walya ya Daniel gono siniso nemot ki waly iram senang waly kuno-kunogo nemogo pemerinta yakua-kua nemogo don siding kua ga kalik mea gigit. ²⁸ Nemot lo mea itak mea wawi gano tasam mea taling ut bulo nogo gano nan bulonogo nemot lo Danielyauw mo suing singa go nemu basik sogo.