¹ Duguna Nebukadzar lo patung emas semu go, nemogo kuit yam enam puluh hasta yang lembarnya enam hasta ganemot kilik ko dura miduim ketang no. ² Gano duguena Nebukadnezar lo duguo sudue pugo taling go kelanggo sudue-sudue suigo duguena go takalik gano bupati naklai gano nembut mamso king go negara go gano derang ta so melak no naklai gano wengkabui-wengkabui naklai, puluep ko walaop patung emas pela sogo. ³ Ga ey gemang puluep lak, takalik duguena go, gaey sudue-sudue sui go naklai bupati naklai nembut mangso king go sudue negara go, gano derang taso melak ko sudue demu nembut yauw so suing go gano demu nembut yamso sugu sudue gano yakma wengkabui naklai puluep ko walaop pala sogo deguena Nebukadnezar lo patung sumugo walaop ga. ⁴ Gano sudue meno bintara lo nembut gemang pentana won don ey. ''Gekalik so gabe nebut motnang sudue kabung naklai nan-nan meno sik sogo yakna gano nembut meno sudui. ⁵ Mot nang sangka kala kuluim tup ko suling kecapi rebab gambus serdam gano kuluim bumeno, bumeko motup gano mot kunong go susu ba sewit patung deguena Nebukadnezar lo semu gano. ⁶ Nando unik ko susu bu kua wit ano meametap woi ganemot no koi nembeleng ib ko bano!'' ⁷ Ganemot sogoso mot nang saula-saula sik sogo matup mo kuluim sangka kala suling kecapi rebab gambus gano kuluim meno meno mulup mo mot nang saula-saula siksogo yakna nembut meno patung emas nemot no ta sekong nebukadnezar lo kilik nematno. ⁸ Ku ganemot nogo sudue nago yamso kasdim siksogo nebut gemang pen ne tenawon sudue yahudi sogo. ⁹ Ge kalik so gabe,''Ya duguena mot nemot lodugaena meno-meno kua! ¹⁰ Aya duguena mat lo nembut malok ey king go, sudue kelai mo tup mo kuluim, sangkala suling, kecapi rebana, gambus serdam gano kuluim bu meno-bu menousuguo kuno susuk susu bu sewit patung emas no. ¹¹ Gano siniso nando isegabuem unik ko ta kuakong mo nemot koi nembeleng ey dasing go bano mea betep. ¹² Gae nago yamso sudue Yahudi nemot nang no aya mot lo yakna Babel tamelak kenang sogo yangga Sadrakh, Mesakh dan Abebnego nemot nang geno mot aya duguena mogo nembut kua tup gano mogo patung dewa emas ga aya mot lo klik konogo ku no net lak ko takua kong.'' ¹³ Ga ey Nabukadnezar dabui oiam nembutgemang pena nawon ga ey pugo Sadrakh, Mesakh gano Abednego kedaso wawi seweng genammitno ga ey nemat nang nemot wawigo aya duguena mit no gemang puluep lak ya matum. ¹⁴ Ga ey Nebukadnezar lo nemot nang no pugoi no seniso ey Sadrakh, mesakh gano Abebnego mot nang siniso takua kong genam go dewa nogo ga ey susu bu kua wit genam go patung emas genam lo kilik ko nogo? ¹⁵ Gia sui go, mat nang kuluim sangkakala, suling, kecapi, rebab,gambus, serdam gano kuluim bu meno - bumeno gano usugua mo iti go kuno sesuk kota sekong palung genam lo kilik ko ganemot no! no motnang ta kuakong mo motnang koi oi ganemot no no dewa nagalo ya mot nang ya oelet genam go basik sogo?'' ¹⁶ Ga ey Sadrakh, Mesakh, Abednego lo pugo duguena Nebukadnezar no, '' Nemogo sini kua genam nang aya mot nowogo tasam genemot sogo. ¹⁷ Nagano genam nang go aya go genam nanglo walongso luiluk ko nemotlo mea pelet genam nang, ga mea pelet ga koi dasing go basik sogo ga ey duguena mogo ta basik sogo. ¹⁸ No nagono kua mo aya mot se sunong ya duguena genam nang mogo demat nogo ta yakua kong gano patung mas mot kilik ko nogo'' ¹⁹ Ou naklai dabui piam bete ey tera sini duguena Nebukadnezar nebuem nemu kukilik sadrakh, Mesakh, Abebnego nogo ganemot sogoso puho koi ta tuja yamso gemang puit nemogo nengkoi gangok dega sini, nengkoi banim pupuit go ey kua kerlam. ²⁰ Ga ey pulue sudue temung don kagok ko kuwoy go, ga tegam lo Sadrakh, Mesakh gano Abebnego dok ko koi nembleng balon ge bano betep nang sogo so. ²¹ Gaey tegan lo gemang dok sudue nanglik ganemot nemogo ambele ka ey celana, topi gano ambele keba tumung-tumung dali ey koi nembeleng bano gemang betep. ²² Siniso duguena go nebut don ey pugo sikso, sudue-sudue Sadrakh, Mesakh, Obebnego so melak ko sebebetep koinengkoi lo nemot nang luguot lak. ²³ No Nemot nang naglik ga yangga , Sadrakh,mesakh gano Abebnego nemot nang go sip ko piu koi nembeleng bano tamasi tegan dok ko ey. ²⁴ Ga ey duguena Nebukadnezar ikum go kuikui nemot ey usiso ib kedaso ga ey gemang pu tenawon nemogo mentari nang no koikum nemot nang nanggilik ga ta masi tegan dok go no betep ko koi bano? gano nemot lo puguena no pu gu siniso duguena. ²⁵ Gano nemot lo pugo, ''Ey genam lo ikum go nemot nang sudue namon-namon yamso mang koi balo uwet ko nemot nang saisuk koi logo kua kuim gano sudue namon-namon ganemot demat ko danon nang kalik!'' ²⁶ Gano Nebukadnezar koi nembeleng yataput dagu no gabe ibgo, gemang usi nawon, '' Sadrakh, Mesakh gano abebnego waly aya ut nan so semugo nemogo koibu tasmu sudue punglak ya gano kedaso gano kedaso wenglak ya! gano '' Sadrakh,Mesakh, gano Abebnego gemang puluep koi basik sogo.'' ²⁷ Gano ta kalik-takalik duguena go, sudue-sudue suiey go bupati naklai gano duigui-dugui duguena go, naklai puluep lak nenawon go gano yaluim go gemang ikum netanawon siniso sudue-sudue genonomot nang go saisuk suey sugung so, gano nemot nanggo butolop koi logo kua kuim, ambele keba nemot nanggo sita a kua iwot gana nemot naggo saisuk koi nemon kua dop. ²⁸ Ga ey Nebukadnezar nembut iwai iti nawon '' Taiti suey waly aya Sadrakh, Mesakh gano Abebnego go ! nemot lo Malaekat waly tamot mo pugo weng nemot lo nemat nang yauw mosuing nemogo tamut-tamat kuno wrino nemot nang go duiduing don ey waly aya nogo ganemot sikso duguena nembut nemot nang wajang nemot nanggo saisuk taling go nemot nang demat nogo susubu yakua wit gana ta yakua kong no waly aya ut nan so sumu go nemot nogoso ta mea kong. ²⁹ Ganemot sogo, genam demu sikso nembut gabe pepen, siniso sudue kelai-kelai saula-saula sik sogo yakua meno gana nembut meno siksog sudue nemotlopiam mopamo walyi aya, Sadrakh, mesakh, gano nemot tebat-tebat mea ibat gano nemogo yap mea teglok bigit tuep ya mea nat nosinisowaly aya menologotasamganemot kalik ko yakua lemoi. ³⁰ Ga ey duguena sip suing sui ey go gemang taling Babel nogo yangga Sadrakh, Mesakh, gano Abebnego no.