¹ Genam Nebukadnezar logo, naklai sudue kabung saula-saula meno nogo yakna meno nogo gaey nembut meno nogo, yangga suisuinggo naklai kukenan siding no pung suey so nenem yakai baso se suisuing. ² Ganam lo duiduing go mosonong ta kebali waly aya ut nanso sumugolo genam no taling go. ³ Siniso kangok dega nemu nemot no kiling go nemogo tasam-tasm! nemot lo suisuing go sip ga walyi sip sinisa nemot lo ta kebali melak ko ga senang duo no-duo no mea ly itak. ⁴ Genam Nebukadzar yakot so mea suisuing yabaso ganodabui yakai ey mea suisuing yakna baso. ⁵ Gaey Genam sidi gemang sedek genam ey bobong lo tui ga ey genam sip sidek baloso kunaladuing so tasam-tasam nemu kuno taling golo use nemu kua seserek. ⁶ Ga ey nembut gemang usi gia sui go sudue kabung kunala sudue Babel sogo wawi go seweng genam ey tugu sogo,ganonemot nang no sidi mea pen gano nemot nanglogenamnonemogosini mea pen. ⁷ Gano kunala-kunala sudue kunala sogot go sudue kasdim demu nembut mo sunong sudue, bulue sudue weng go genam ey tugu go sidi pen sogo nomot nang no no nemot nang yakua sunong go pen nemogo sini genam nogo. ⁸ Ga ey Daniel wenggo genam ey tugu yangga Daniel Beltsazar so temut ko yangga demat sui so tumuit go nemot demat sik sogo kunala lo yamso nemot mo king. ⁹ Hai Beltsazar kunala sudue go wengkabui? genam mosunong siniso mot kusep kelaut meno-meno lo damoi go, siniso mot yakua nega sing kunala ganemot sogoso sidi tap nemot gekalik so gabe genam taling go nemogo sini ya sepen genam nogo. ¹⁰ Sidi ganemot lo sedek ko sip sedek belonotaling go gek kalik so gabe ku kenan nesipso di kelaya gemang pung nemogo kuwit belo dega so. ¹¹ Di ganemot se kekangok senang di so selemoi nemogo kuit ut no tugueng ganemot nemot go kali nan siding-siding no pung. ¹² Nemogo dop suey sini nemogo don mota dega sini so ganemotibego tendedam, di gayemot basowi dasi kati kabot suisuing lak, gane nemogo kali boloso, winok ut kiliklak nemot sikso naklai-naklai sudue kabung wi nebo isuli, ten gemang dedam. ¹³ Ganemot no sidi ganemot bano gemang taling dali yauw so suisuing go sudue kelaut suey go gemang li ut belo sikso. ¹⁴ Nemot lo gemang usi kangkok so gekalik '' Tuo ya diga tubu ya kali-kali dop net ya gano banom-banom tigilik ya nemogo don nebo isu waly nakuek nuik basik sogo gano winok na piling lak nemogo kali-kali bolo sik sogo. ¹⁵ No nemogo tip ya seitak nan bano tegan besi tembagalo dok ko woyo bano uduong bulono kubub bu bolo sik so ligo, kerlam-kerlam so wi nebo isualy ey na dam di dop ku dia no. ¹⁶ Senew dabui sudue kabung go wai soiwotkouduo nebo go dabui kalik so lemoi Ganemot kalik so e yagui taidiso naklai taidi so namon yam so nemot mea suing. ¹⁷ Nembut kulum genemot yauw so suing go sudue lo talinggo gano nembut pen genemot demu sudue nembut ganemot sogoso sudue kabung waly so maning suisuinggo sunongsogo, siniso senang waly aya utnan so semu go nemotta melak ko gabe imotnang belo nogo gano nemot lo mea iti ya, nando yaiti nemot lo duing nemot logo yakua mai sing no sudue suguay go ta masi sogo nemu punggo nemot lo mea kuoi sip suing ganemot suing nang sogo.'' ¹⁸ Ganemot mang sidi genam lo sedek ko genam duguena Nebukadnezar giasui go mot Beltsazar pen ya genam no nemogo sini siniso kunala sudue naklai yakna gesik sogola yakua pen nemogo sini genam nogo no mot logoso mea pen siniso mot waly kuasep kelaut demat sik sogo teram go.'' ¹⁹ Ga ey Daniel Gaeb ib Beltsazar so tumit go kunala so maning duing tenawon kunala ganemot lo nemot sip mogo yakua suing ga ey duguena gabe pu ''Beltsazar mot ga sidi ne mogo sini pen sogoso kam so teratui kainago kalik yapen! '' ga ey Beltsazar lo pugo neu ya sidi ga mot no pele sagui so susemugono ke mot bolono se lemoi gano memogo sini mot ey sagui-sagui so susumu go sudue! ²⁰ Pi ga mot lo ikum go yam nemot kaknyok don ey tuituing kua tera gano nemogo kuwit ut no sagap, gano nemogo kali nan siding no siding no pung. ²¹ Gano nemogo dop suey sini gano nemogo don mata dega sini so go nemot ibe go ten ibe ten ganemot no masi mot nemogo nuik bodo nebo isualy suisuing kelong, winok bakenang kali belobo ut mea kilik lak. ²² Mot nemot lo aya deguna mot mea keka ngok don ey mea sui kakaugok e ut bolosono mea iti gano nemot lo tumalak kenang sego e nan siding no mea pung. ²³ Gano aya dugena lo ikum go, ga sudue kelaya duo yau so suing go ga sudue suey go ut belo siksoligo ga ey gemang pupu tuo ya di ngge tang ey buin ya nemot no nemogo tif ya se gigit nan baso dok ko tegan besi gaey tembaga lowoyotif demening pupung go belono duen bano gaey new ya kubub bu bolo sik sogo lo napiam kerlam-kerlam so wi dasi duen basogo ey, gane mot kalikso motalinggo e ku yagui ta idi so naklai taid so namon yam so mea nayun ²⁴ ya ge nemot lo nemotgo sini,duguena dem aya bulo sogolo mo iwat ko aya duguena mot sogo. ²⁵ Aya mot sudue kabung basik sogo mea ib mogo sip wi nembo isuali mea suing duen bano didiop ya mea dam lembu kalik so ga ey ayamot kubub bu ut bole sik sogolo mea dalip ga nemot kalik mea taling aya mot nogo ey ku yagui taidi so naklai ta idi so nemon yamso mea nayum e aya mot wa gono siniso waly aya ut nan so semuga don kangok yakna sudue kabung nomogo ta baso nemot lo duing go nando no iti sogo onea itii. ²⁶ Ga di tif itak so pugo ga nemogo sini sip kukenan aya motlo tamalak koge tandali motsonomoitimot wa gono sini so don bolo sikso mea weng. ²⁷ Ganemot sogoso ayadem, genam lo nembut pen tugo ge mogo dabui bano se sunong kunala piam lo dok ko ga seitak ta suey ya sesumu gano piam sesumi go sik so itakgo waiso kulum ya taling sudue kabung imot lokokonak konogo ga aya mogo yakai tandali mea pung kebali tan dali lek ko selo sogo.'' ²⁸ Ganemot naklai lemoigo duguena Nebukadnezar belono. ²⁹ Ga ey banu dua belas yam so kelong go, ku ganemot nogo nemot masi-masi so uwet duguena Babel go sip tuguo balo. ³⁰ Ga ey Duguena nembut gemang pen tenawon, '' Ga Babel nemot yakna kangok ko ga ganem go donlo gona genam go sui bolo sono iti nang sogoso yakna sip gebonggo?'' ³¹ Duguena nembut pepen go nemot yam siding maning kuasemugono gano nembut ut bolo sikso gemang tup,'' Motno giasuigo gabe tetaling sim duguena Nebukadnezar sip yakna mot lo tamelak ko siksogo gabe mo iti. ³² Mot gesik sogo se ib gaey mogo sip kerlam-kerlam so widasi duen baso mea suisuing mot no ten didop ya meadam lembu kelikso ganemot kalikso mea lemot mot belo nogo ey ku yagui taidi so nak lai taidi di namon yamso mea nayun ey mot wagono siniso waly aya ut nai so semugo don kangok yakna sudue kabung nemogo ta baso nemot lo duinggo mandonoo ite sogo seiti. ³³ Ku ganemot nebut pen ganemot gemang lemoi Nebukadnezar belongogo gano nemot sudue kabung itak ko lembu kalik so didiop ya gemang dam gano nemogo saisuk kubub bu bolo sik sogolo sai gano nemogo butolop widit solemoi piuk puak kalik, ³⁴ No nomogo ku pugo yamso kelong gono, gano genam Nebukadnezar nemu ut bulosono gabe yalep, gano genam go kunala tandali gabe pung ga ey genam taiti suey gabe pu ut nan so semu gono gano taiti suey gabe pu waly sogo sino nemogo don tamalak ko ga senang waly gano kunan nemat lo tamalak ko ga tebo lit duo no-douno meitak. ³⁵ Ku kenan sogo sudue kabung nemot lo duing kua wa nemot lo nemogo duduing no mea lemoi ga ut balogo pele sudue gano kukenan balo sogo nogo gano kelaya duo logo yakua tenget nemago ta gano sepu nemot no noi mot sogo kalik ko taling?'' ³⁶ Ku ganemot no genam go kunala tandali pung gono tandali gemang iti dali genang go genam tandali sudue so pu sui ey go so yakna sui tandali bulosono iti ga ey mentari naklai, gaey sudue suey go nak lai taindali genam gemang wawi, genam tandali kukenan nogo kebali ta gemang melak ganemot nogo gemang go sui bulo degaso banimgo ey kua kerlam. ³⁷ Ganemot sogoso genam Nebukadnezar taiti suey gabepu waly yakna sogo duguena no memogo sui buloso iti gano ija no gabe taling siniso nemogo ta kebali ga suey sudue suiso uwet ko lai meli.