¹ Ya gui namon teteno dudugut pe melinta Nebukadnezar no, Nebukadnezar nemot lo sidi gemang sedok, ganemot sikso nemot go dabui ba bobong suguong so, usne nemu kua sesadek. ² Gaey duguena, gemang punawan, usi goeng lak, kunela-kunela sudue, ku nebut ey sunong go sudue, tasam bu meno-menoso taling go sudue, gano sudue kasdim nebalai, ga sidisedek ko nemogo sini pen nang sogoso gaey nemot nang puluplak ko dugu eno nebuemkuno gabeiplak. ³ Ga ey Duguena gemang taling nawon sidi sedek ko nemot, '' Genam lo sidi genemot sedek ko genam go dabui ba babong soguong so sip nogo kua suing kedaso memago sini sunong so. ⁴ Ga ey sudue kasdim lo gemang pu duguenano no Aram go nembut so walyi wa duguena mot! penya mogo tamat-tamat no sidi ganemot genam nang mea pen nemogo sini.'' ⁵ Ga ey duguena lo genamg pu sudue kasdim nemot nang no ''Genam mo iwat gabe siniso nagono motnang genam kogo kua pen mo sidi ga nemot nemogo sini ey mat nang go saisuk, ga tebot-tebot mea ibot sing ga ey mot nang go yap-yap yamso meluguok ko, yamso tegelok ijano mea ta bigit tuep ba menat. ⁶ Gano nagano mot nang lo sidi ganemot nemogo sini mopen mo mot nang nogo derang gano taiti-taiti mea taling mot nang go sui boloso at lo mea iti ganemot sogoso sidi ganemot nemogo sini kedaso sepen genam no. ⁷ Ga ey nemot nang lo tandali pudali, ''Pen ya aya duguena sidi ganemot ge genam nang mogo tamot-tamot no ganemot no genam nang mea pen nemogo sini.'' ⁸ Ga ey.''Giasui go genam sini-sini so gabe mo sonong siniso motnang ku walong-walong semu ketegoi genam so mumuluego genam lo dabui piam nembut ey pen go sikso. ⁹ Yang ga mat nang sidi nemago sini kua pen mo mot nang ide keba meiti kerlam go gano genam mo so nong siniso mot nang kelayago mo lemoi yangga nembut sini kua goya. piam go ganemot lo ku idi lo iwot ganemot sogoso kedaso sepen sidi nemogo sini genam sunang sogo sini so mot nang nemogo sini mea pen genam nogo'' ¹⁰ Sudue kasdim nanglo dugu ena no nembut wai tunguo nena won go, ''Sudue kelaya dou kua, kukenan ge belo sogo'' dugu ena ko sidi sim pen nang sogo! ga kalik daliso duguena nago kalik go ka ngok ko sui ey go yakua pu nembut ga kalik ko kunala sudue no ga ey kunan nebut ey sunong go nogo ga ey sudue kasdim nogo. ¹¹ Duguena taling go nebut ganemot ide ey, sudue kelaya duo nang kalik ko gemang daligo yakua pendali no demat-demat nemu kua nu go sik so ija nugon sik sogo sudue kabung ey kunan ge beloso kua suisuing go nemot logo ya mea pen kalik.'' ¹² Duguena nubut pen ganemot tup go dabui piam naklai kangok so tera sini go, gaey nembut gemang pen nawon sudue-sudue kunala sudue Babel sogo tuk go luguot sing nang sogo. ¹³ Nembut ganemot pen go ku ganemot nago kunala-kunala sudue tuk kenang sogo gaey Daniel nemogo andua-andua nang ey duing daligo ey imot ey sat melek dali mea but. ¹⁴ Gano Daniel kunalawet nawon go kedaso gemang kelong Ariokh mit no, duguena yauw so suisuing go pele sudue weng kabui mo kelong kunala-kunala sudue babel sogo tuk sogoso. ¹⁵ Ga ey gemang pu tenawon Ariokh no weng kabui kangok ko nemot no, '' Sogo kalik ko ya duguena don ey pele nubut pen nawon? '' Gano Ariokh Daniel no nembut ganemot gemang taling nawon. ¹⁶ Ga ey Daniel kelong go gemang tugu dugu ena ey, ganogemang pu nawon genam no namboina kudato iti genam negogo sini sunuong go mea pen duguena mot nogo. ¹⁷ Gano Daniel gemang weng go kunala ganemot gemang taling Hananya, Misael Azarya nemogo andua-andowa yapno. ¹⁸ Kunala nemogo sini nemot nang duduing susunong walyi aya utnan semugo wadong so sidi nemot go sini talinggo sunuong nang sogoso ganemot mo so nong mo pen mo Daniel nemogo andua-anduayap ey miakua luguat kerlam-kerlam so kunala-kunala sudue Babelon sogo ey. ¹⁹ Gano sidi nemogo sini gemang taling Daniel no nemu kuno sidi sogo kalik wadi,ga ey Daniel taiti suey Walyi aya nogo gemang pu. ²⁰ Ga ey Daniel lo gemang pu ta iti suey Walyi aya siding sikso iti go e siding io tot siniso mot sikso lo kanalagano don! ²¹ Nemot lo mea iwot ku, woi gano nemot lo duguna mea gano mea tuik nemotlo kunala mea iti kunala kalong ey gono gano kunala mea iti sudue sunong duiduing ey gono. ²² Nemot lo ija so mo mea taling kunala-kunala yangga imat logo yakua sunuang go gano, kebet ko gabano kok ko nemot mo sunong kukilik kunala siniso nemot bulong baso. ²³ Oh Walyi aya genam go babu asi mogo sui belo so no gabe iti gano gabe pupu mat suguong ya, sini so genam no mot lo mo taling kunala ganodon mo iti gano mot lo motaling genam no ge asui go, genam nang lo wa dong go ganomot mot sono mot lo motaling nemogo sini genam nang no duguena la senangso temoi go ganemot. ²⁴ Ganemot no Daniel gemang kelong Ariokh mit no sini so mot duguena mo taling kunala sudue but genang so. kunala sudue tuk ganemot kalik so kelong go gemang pen bo genam ya ba wai go kelong duguena mit nogenam lo mea pen sidi nemogo sini duguena nogo!'' ²⁵ Gano Ariokh kedaso Daniel wawi go dugu ena mit no pung ga ey duguena no gekalik gemang pen tena won saula meno sudue mata imot lo idok ko wenggo, no kelaya duo gemang tugu Yehuda siksogo nemot lo mea pen nemogo sini duguena nogo. ²⁶ Gaey duguena nemot gemang usi Daniel no nemogo sui meno tumuit ko Belsazar, ''Mot nemot mot logo yapen grnam nogo sidi serek ko nemogo sini ya taling?'' ²⁷ Daniel nebut wai gemang punawon duguena no, ''kunala kibet go ga yakua turuk ko taling duguena nogo yakua gemang nagono kunala sudue nago kalik ko logo, ut nan ey sunuong sudue logo. ²⁸ No Walyi yakna so walyi aya gemang nemot lo kunala-kunala kebet ko ganemot turukko mea taling aya duguena nebu katnesar nogo sogo kalik ko ya ya lemoi ku ku ga santugun go nogo sidi gano nemu lo ikum kelong go duguena lo sip sedekbulono yangga ge. ²⁹ Aya mot suinggo sip sedek bolono gano kunala gemang duing ga ey gemang tega, nago kalik ya lemoi yangsigo kuku ga santugun go nogo, ganonemot lo gemang turuk kunala-kunala kebet ko namot ga ey gemang taling aya mot nogo, nago kalikya lemoi ku ganemot. ³⁰ Ganemot sogoso ganam, ganam no motaling kebet ko ganemot yangga kua duing ge kalik nemot ge kunala sudue gabe sudue temung kukenan bolo sogo ey go kua kerlam no sidi go sini aya beguena no taling nang sogoso ganemot no aya go kunala mea pelet. ³¹ Ya aya duguena, ayalo nemuloikum go nemu ya iwot gono yannga duo sana-sana kagok ko tamasi sudue kalik boloso di kuit ey ker iam yamso,ikum go idop-idop ey, ipko dugue nago nebuem ku no ikum go kua kong. ³² Yang ga duo sana-sana ganemot wengkabui emas sini dabui ey susu don ey perak lo kabui kuluip gano wawoi don ey tembaga sikso lemoi go. ³³ Ga ey kubun namon besilo gano masi namon bulat-bulat so gemang semu temung besi lo temung nan lo. ³⁴ Aya mat maning nemot ikum gono pelet ko kunuong go demu suduelo ta pelet kono kunuong kalik kekap duo sana-sana masi masino gabe wik yanggo besi ey nan ey buluot kono kaiso kusuop. ³⁵ Ganemot sikso naklai-naklai yamso kusup masi besi nam ey buluot ko tembaga perak gano emas naklai kusuop ko ku kup so lemoi ganemot wai dalu sogo kalikso nebit iti go yamso sangan temung kua itale, no demu dou sana-sana nemot so kusuop ko kekangok muduim kangok ko so lemoi go kukenan ey kidik. ³⁶ Yangga aya mogo sidi no nemogo sini genam nang mea pen aya duguena mat nogo. ³⁷ Ya aya duguena duguena naklai ipe duguena sini so Walyi aya ut nan so semugolo mo iti nemogo sip tamalak kenang kunala don tuguop seni go. ³⁸ Gano nemot go ta gano mo itak kukenan sudue kabung naklai nago-nagoso nemot nang sui suinggo nebo isuali duen balogo winok tiat piling go kokolonggo naklai nemot nang bolo nogo aya mot weng kabui emas nemot. ³⁹ Mot kua gono kela jaan aneno mea pung dali yangga kangok kua go gano kelajaan meno mea pung dali yang ga nangglik tete yangga tembaga lago, nemot lo tama mea melak kukenan ge naklai. ⁴⁰ Ga ey kelajaan meno dali namon-namon tete sogo yang ga daguin ey besi kalik naklai sini besilo yangga kubut ko kusuop nang sogo luang meno-meno gano besi nemot kalik lo mene menesokusuop kenang sini so kelajaan genemot mea konduk ko mea kusuop duk ko mea itak. ⁴¹ Yangga aya mot lo ikum go kalik masi gelong temu nan lo semu sudue nan so relang go kalik ga ey temu besi lo ga nemogo sini kelejaan ganemot daguin ey besi kalik besi ganemot gemang beluot nan ey. ⁴² No sogo kalik so masi gelang temu besi lo ga ey temu nan lo ganemot kalik so kelajaan ganemot don kangok besi kalik so temu don kua nan kalik so. ⁴³ Ganemot kalik so ikum go aya besi nan ey buluot ko, yangga nemogo sini, memot nang kelai gono mea suing sudue kabung idok wai idok kosikso no no nemo tang kelaya kua gemang yang ga besi kalik kelaya goso mea kua lemoi nan ey. ⁴⁴ No duguena kuno, Walyi aya ut nan so semu golo mea lemoi kelajaan meno yangga senang yalena Walyi yakna yakua kurluk senangso mea gigit gano nemot lo ta mo melakno saula meno nogo ta mea kua itak kelajaan ganemot senang kelajaan so mea pu. ⁴⁵ Ga aya mot lo ikum go kalik sini sudue go ta kua demu ganemot no melak ko no tebadali luguok ko mudium sikso ta itak ko kalik so liging go kusuop besi tembaga nan perak gano emas.'' ⁴⁶ Ga ey duguena Nabukadnezar unuik ko ta gabe kong Daniel no gano puda ligo taiti iti kino meno-meno gemang ut nrmot. ⁴⁷ Ga ey Duguena gemang pu nawon Daniel no: ''Siniso gabe Walyi aya mogo ga kuman Walyi temung. temung go aya ey kua kerlam nemot ga dugu ena go don gano nemot lo mea truk ko mea taling kunala-kunala suguip ko ngga. ⁴⁸ Ga ey duguena Daniel gemang taling ganemot nonemot no taiti-taiti kagok gemang iti, gano nemot sudue sui ey go so gemang lemoi naklai yakna Bebel bulo nogo, gano kunala sudue go weng kabui so gemang lemoi Babel nogo. ⁴⁹ Ga ey Daniel nebut sikso, duguena pemilinta babel gemang itak Zadrakh, Mesakh gano Abebnego go ta sono no Daniel nemot tong go daguena go so gemang suisuing.