Pasal 11
1
Banim go kalik dali genam nemot ey kekolong nemot don kok kenang so gano taku ni mot genang so yangga yagui takuden siniso pemelinta Darius, sudue media, ganemot.
Duguena Yakna Dun Sik Sogo Ey Gano Yakna Sada Sik Sogo Ey
2
Ganemot sogoso, genam lo mea pen nembut sini mot no, sini-sini suguong so, neguena naglik mea pung yakna Persia no, gano namon-namon tete sogolo luang mata so mea yaluim kua ker lam nemot nang nangglik ey, go gano nemot don ey measaing uluong kangoko sikso nemot mea usey naklai don suguong so mea yangga kelajaan Yunani ey sok genang sogo.
3
Gano iram meno mea pung, asay ey go nemot lo pemelinta ta mea melak don ey kangok so nemogo dabuilo.
4
Siniso deming sini nemot punggo yakna banom-banom so mea tegek nebit tap. nebit tap no ut bolo sikso kunuong ga nemogo tang no yakua gano tamelak kenang sogo nemodogo ey yakua kelami siniso yakna ga mea suep lak gano duo meno sukso mea lemoi sudue kabung temung ge nemot tang siksogo.
5
Gano iram meno sada siksogo don kangok koso mea iwot no nemot sikso wengkabui pele sudue kelaya duo nakelai sini don kangok koso mea lemoi nemot ey go yakua kelam gano sudue ganemot kebali mea semu gaey nemot lo kebali tamalak go sesumugo ganemot nemot nemot bano don kangok ko so melemoi.
6
Yagui nogo yamso suing gono nemot namon mea tugui duo kagut iram yakna sada siksi mea weng idam yakna dun ba mit sono gakuna duing kelaya goso lemoi sogoso no duo kaguit ganemot kua tugu, gano tang ganemot yakua suing duo kagait ganemot mea iti ganemot kalik so sudue-sudue nemot so itak ko, gano duo nemot lo tui go, gano sudue nemot so.
7
Gano ku ganemot nogo mea pung teron tandali mea wo nemot serang ke laya duo kaguit ganemot ey nemot go sip suing-suing daling nang sogo gano tema kilik go ga tagout ko mea dugut, gano nemuno seri-seri ey nemot nang gaba so sui suingono ganemot no nemot nang nemodo ta mea melak.
8
Gano duo sano-sano ta semu-ta semu nemot nanggo gano taut laud nemot nanggo sai ey go yangga emas perak lo semugo mea idok gano emas mea idok ko kelong ta taling nang so Mesir no, gano yagui nago yamso suing gono gano pele sagui mea yam kelasok kelasok semugo idam yakna dun sogo ey.
9
Ganemot no iram genemot mea dugut idam iram yakena sada idi so no gano tandali gemang kelong nemogo yakna no.
10
Gano danou nang mea ikak, ikak lak pele sogo gano pele sudue meam ey mea pung gano kelaya duo nemot nang siksigo banim no mea kelong kelasok nemot dey sesisre gano se ko konok sgambu kalik gano tandali sudue buitigo kelonggo danamon tete kaiso pung pele tama mit no.
11
Ganemot sogoso dabui piam kangok so terago yakna sada siksogo gano gemang kelong pelepung so idam yakna dun sogo ey, kelasok ne newon pele sudue meaw ey buitigi kelong no pele sudue meam ey go ganemot mea kua pelesi ta belono.
12
Pele sudue miam ey go ganemot yamso mea luk sing nemogo dabui mea yakai i no nemodo mea tuk meam ey no nemot don kua.
13
Gano da nomon teteno idam yakna dun siksogo bu itigo pelesudue miam ey, meam dega siniso dega siniso banim go kua kerlam gano yagui nago yamso suinggono gano nemot pele kuluim gemang iti tandali pele sudue miam ey gano pele buituik meamey dok.
14
Ku ganemot nogo sudue mataso ib-ib kelasok sogo, idam yakna sada sogo ey, gano pele sagu sudue nemago tang sikso go yakna sudue saisuk belo sono mea iti gano imot ikum ganemot sini no mea lemoi no nemot nang yamso so luguot.
15
Gano idam yakna sada siksogo meweng tema kilik sogo budung tui go kebeleng kalik nemot bulosik so nemuluik kenang gano nemot mang dugut yakna yau basogo gano pelesudue talo kuoi go suey go don nalelai kua sini yau suing nang sogo.
16
Ganemot Sikso idam gabe suguluk mea lemoi nemotanggo duiduing no, gano kela duo, nemot ey tui nangsogo nemot lo mea iti ku kenan suey go, gano nak lai sug nong mea nemogo tabaso.
17
Gano nemot mea usuey dali duo menogo tap sip nemot lo guluik dali sogo nemot nebut kelai gano mea pen nemot dei gano nemogo duo kaguit mea itak nemot no tangga tap sipgane mot waluk ke piam nang sugo no nemogo no duuding ganemot mea kualemoi gano sini yakna ikum.
18
Gano nemot nebuem nemu mea iwot sip-sip kaso golok ya sukkono gano meam ey mea guluk no pelesudue weng kabui kelaya duo nemot lo mea pugo tabung soung sut ey no tandali mea iwot soong sut ganemot tandali nemot sono
19
Ganemot nemot tandali mebuem nemu mea iwot yakna-yakna tema yau basogo no nemogo yakna nemot taiggo, no nemot mea sisedak ko mea kunong no tandali go yakna tugu.
20
No nemodogo sip dali suing nang sogo mea pungdali yangga sudue ta wadong sogo pugo uenggo ta kebali sueygo tap sip ga banogo no kugo nemot bulo idilo nemot mea waluk kebong ganemot ga dabui piam sikso kua, gano pele pung golo kua.
21
ganemot go sip daliso gemang pungdali, ga sudue bunuew kua yangga sudue sui kua go idam kalik no yakot-yakot so nemot gabe idam go sip suing so yangga lakebali-takebali suey golo wamoi melue so sesumu.
22
Pele sudue naklai menggo giang suk nemot mit no, yamso luguot gano nemot ga iram walong so luik ko.
23
Yang ga ku nemot kelaya so lemoi go, nemot dey go, ga wamori mulue semugo,ga nemot banim bisigo nemot sui go so lemoi sogo negano nemogo sudue kabung nangglik dato ey go.
24
Ge ku walong kua, nemot degut ko sip-sip nan bu ey go, yakna ganemot no, gano ta kebali mea semu yangga maning motnang maning sini kua semugo mogo aya nang gano babu asinang lo yangga tega singgo guluik gano idok ko ulong nemogo si kabung mit no gano ga sip-sip yau so suing go gano ta kebali semu ge nang sogo nebut so pepen go no ku tebot dato wa.
25
Don gano nemogo asay ga nemot lo mea taling kelasok nang sogo idam yakna sada ey, yangga mea idok pele sudue meam ey neuya nagano idam yakna sada idi sogo ga saisak yau ey se ga pelepung so mo yangga pelelsudue miam ey go gano don kangok nemot sip galuk ko yakna suing siniso, nago kalik nembut ya pen nemot nogo.
26
Gano sudue-sudue yangga, ten nemo dogo sikso iti go dam go ganemot mea net ya nemogo pele sudue gano sudue matasobut ko mea luguot.
27
Gano idam namon ganemot go duduing piam, ganemot kelai gono suing go suong namon ya iwot ko wai-wai so mea melue no kunala ga kalik ko logo yakua lemoi yangga ku yam nogo siding semu nang so pugo maning kua pung.
28
Ganemot no nemot mea kelong nemot go sip noulung mataso mea tong go kelong, gano nemogo kunala dabui logo mo tenget tuguop nembut pen go, ganemot nemot lo semugo gaey nemot gemang kelong nemogo sip nogo.
29
Ku pugo ganemot no nemot mea pung tandali yakna sada nogo no da namon tite ge kua kelam ga banim go ey.
30
Yangga kapal-kapal kitim mea weng nemot ey kelasok go ganemot sikso nemogo don mo kua gano nemot tandali gemang kelong dabui piam ey nem but tuguop pugo nemot dabui piam mea pelokna yon nemogo sip no punggono nemot mea taling ga sudue-sudue nemogo tuguop nembut penggo kua kenggo nogo.
31
Pele sudue mea pung, nemot nang lo mogo tuguopsip polo-poloso lemoi sogo don sip ga, mea suep menai tong go pui puit ko kuno-kuno gano mea taleng piam piam luguot genang sogo.
32
Sudue-sudue piam so semugo tuguop nembut pen no mea mumulue piam bano kaisoguong ya mea itak, nembut wamoi mulue lo, no sikabung waly aya sunuong go don ey mea suisuing gano kebali mea pupulok.
33
Gano kunala-kunala sudue woi banu nemot nang basik sogolo mea taling sudue kabung matasogo mea sunuong no kuwalong nago yamso gano nemot nang nagot sing pelelo gano koilo ga keley go dok kosikso.
34
Maning kunong gono kedaso mea melak namboina no mataso mea puluep nemot nang mit no wamoi so mea.
35
Kunala sudue temung ganemat mea nogot, no ganemot kalik go no imat ya trang sunuong sogo, kuoy nang sogo gano suey so lemoi nang sogo nemot nang sik sogo e kuyam no mea pung siniso ku yam nago ga nemot maning kuapung ku pugo ganemot nogo.
Raja yang Memuji Diri Sendiri
36
Idam ganemot lo kebali tebadali nemot go dabui lo sesumu kelong nemot buloso no iti gano saisuk kangok koso pu aya kelaya, kelaya no gano nakelai waly aya senang aya no, gano nemot nembut pepen go suey so kua pen sini, gano nemot mea tera nemogo sini yangga ey yam no pung nat ko siniso sogo piam kalik nemot lo mo pugo ga nemot mea lemoi.
37
Gano aya naklai suguong nemogo babui asi ogo yakua keng yangga ta suey si kabnug gano aya nakelai meno-meno nogo nemot dali ganemot yakua keng dali ganemot sogoso nemot nekelai soguong nemot saisuk kangok koso mea pu.
38
No waiso sip dali suing nang sogo nakelai suguong ga nemot ta mea kong duo sana-sana ta gono duo sana-sana nemot go babu asilo sunuong go ne mot sono ta mea kong yangga emas perak gano demu idop-idop go ey mea idok ko weng gano uluong taut suey go sini ey go.
39
Gano nemot lo pelok kebali yangga yau-yau suing genang sogo don kok nang so meno duo sana-sana lo, nandalo duo sana ganemot suali mo tera mo duo sana ganemot no, nemot no ta mea kong nemot lo mea lemoi go sudue suigoso sudue duo kabung gano nemot no mea iti sudue mataso gano nan mea taling ga taiti kalik.
40
Gano ku yam sogo no idam yakna sada sik logo pele mea pung nemot ey, gano iram yakna dum sik sogo ey, ga pele pung genang sogo kereta ey gano sudue-sudue kuda ey go gano kapal miam ey mea, gano mea dugut yakna-yakna gano mea demoi gano mea guluik nakelai sagam bulogo kalik.
41
Gano nan tuguop kono nemot mea dugu, gano sudue metaso mea nogot no nemogo ta sikso mea itak nan edom, nan moab gano sip nakelai duingduing go ga amon go tang.
42
Nemot lo mea wet yakna-yakna gano yakna Mesir yakua kap mang.
43
Nemot lo mea guluik taut uluong ga emas gano perak gano uluong meno-meno Mesir siksogo, gano sudue Libia gano Etopia mea keng nemot no.
44
No nebut pen nubut pen woi kelak idi sik sogo gano dun idi siksogo dabui sudui bong ey mea piling ganemot sikso nemot mea pung dabui piam kangok so terago ga tang ey buin sogo sikbung mataso.
45
Nemodo mea kilik sing bala-bal sui ey go yang ga biap idi gano muduim idi tuguop kolo gano suey golo, gano nemot mea tugu nemogo kebong sudue meno duo logo yakua ikum nemot.