Pasal 10
Sidi bano Daniel Lo Ikum Go Bu Tigris Ketang No
1
Yagui nang glik tetno pemelintaan Koresh, duguena Persia, gano gano waly nembut bolong ga sini, yangga ku meli-meli siniso ganemot sogoso suey so se sunong wali nembut pen ganemot nemu se bubung sidi bano taling go ikum go ganemot.
2
Ku ganemot nogo, genam, Daniel ku minggu nangglik yamso u nebu baso suinggo.
3
Ten suey go genam kua dam, menai suey go gano anggur lomsuk kua menok kuadam gano melaiku kua ut ey ku minggu nangglik yamno pung.
4
Gano ku dua puluh empat no pupung yangga banu ta kuden no ku ganemot nogo genam bu kangok ko ketang so yangga bu tigris.
5
Genam susu tuiguik ko gano gemang ikum sudue kelaya duo nemogo ambele keba kain lenan gano kubey emas ufas siksogo.
6
Nemogo saisuk ido-idop ey ga Tarsis sik sogo kalik gano nemogo nebuem nemu bulong ey ngap nemu koi puit ko kalik tebadali bu bulon susudon gano nemogo masi tembaga kalik idop nakelai koa kua tebok gano nemogo nemnut pepen go kuluim sudue mata sogo kalik.
7
Yangga genam, Daniel ganemot so ikum go gano sikabung genam ey go kua ikum, no nemot nang suali kangok so dugut gabano kuek ko son lak.
8
Ganemot kalik so genam ya banon itak genam tasam kangok ko sidi bano talinggo ikum gona, genam go saisuk don ey kua nebuem nemu ey nakelai sini idi lo iwot gano saisuk don nakelai sini yamso kua.
9
Gano genam nembut pepen go gemang tup ga genam nebut pepen go ganemot tup ko nemu guom go nan bolo sono nemu kati sono ku guluok.
10
No genam lo terago sudue go ta genam no tuing go kalik, genam ey kaiso ip go ta ey isya ga buem ey man no golok.
11
Gano nembut gemang pen genam no, '' Daniel mot nogo kulum katu ey suey so se sunuong ki waly nembut taling go mot no, gano masi se ip seniso genam taling goso mot mit sono wenggo'' yangga nebut datoge nemot pen go so genam no, gano genam gemang ip bobong ey.
12
Gano gemang pu genam no'' Sualy kua tera, Daniel siniso amot lo nebut usi ga kuno sidi mot no taling go sini sunong sogoso, gano mot kunala suguai so lemoi go waly aya go nubuem ku no genam mot la nebut usi ganemot sogo so weng go gabe.
13
Weng kabui yakua sudue Persia go pele sagui mea semu dua puluh satu ku yamso genam no ganemot no gabelo idilo Mikael wengkabui banim go wenggo genam no mea tebok gano genam nemot me itak gano pele wai-wai tui genang weng kabui weng kabui suidue Persia ey.
14
Ga nemot sogoso genam wenggo mot kunala sunung nang sogoso sogo kalik so yalemoi mogo sudue tang nekali nogo yansigo ku ku ga santugun go nogo sini so sidiso taling ikum go ga mot sunung naup sogo ku ku ganemot.''
15
Gano ge kalik so gemang pengenam no gano genam wengkabui duok nan sono gano kunala walong duing.
16
Gano sudue kalik pung go genam go lomsuk no gabe kilingi gano genam lomput gabe tunuing gano nembut gabe pen, gano gabe pu ga sudue genam mit no ibgo nganemot no '' o aya suop mogo sidi taling go sik so genam saisak iseng teterago genam don kuagose.
17
Nagoso mogo genam nogo tamot aya mot ey nembut pen sogo! no don yakua iti genam nogo, gano genam nebuem bit mokua!
18
Gano nemot sudue go nebuem nemu kalik nemot lo genam kabe kiling dali gano genam don kabe kok.
19
Gano gabe pu'' ay mot nogo genam go kulum katu ey, suali ku tera mot waly, sai suk don tandali kok'' nemot maning nebut so pepen genam ey, ga ey genam go saisuk don tandali gabe kok gano gabe pu, ''Pen ya mogo nembut aya sap sini so mot lo genam don tandali mokok.''
20
Gano ge kalik so gemang pu mot mosunong sogoso genam weng mot mit nogo? gia sui tandali genam sagui mea pung wengkabui wengkabui sudue Persia ey, gano genam nemot dey go yamso kua go, gano wengkabui Yunani go mea weng.
21
Nemot ganemot kalik genam mea pen mot nogo, sogo kalik waly sam kelaut banogo meno duo kua ib genam idi sono kelasok genang sogo nemot nang ey, no kelaya Mikahel, mogo weng kabui nemot gemang.