¹ Ku ganemot mea pung Mikhael, wengkabui kangok ko yangga nemot lo yau mea suing mogo yakna denok tiat gano piam go ku mea pung kumeli-meli ganemot maning sini lemoi yangga saula-saula maning ku ganemot nogo, no kuganemot mogo tang susuoi so mea pung yang ga nando nemogo sui mokilik ko sam ga nemot bano. ² No mataso sikabung mo sedek ko nan mu baso mea bong ga senang waly mea tugu, temung dali senang sadui sip koi baso mea sui suing waly so iseng baso. ³ Gano kunala-kunala sudue bulong baso mea suisuing ut top kalik so gano sudue miam ey nemot lo mo wawigo tap suey gano nemot top kalik mea bolong ku yagui no. ⁴ No mot Daniel waly nembut genemot gabano sekok gano setebok meterai lo sam ge nemot ey yansi go kuno sepung sudue mataso mea wet, gano kunala sunong kangokso mea pung dali. ⁵ Ganemot sikso genam, Daniel gemang ikum sudue namon duo gemang pung meno duo bu ketang ge idino gano menaduo buk ketang ga idino. ⁶ Gano meno duo lo gemang usi ga ambele keba lenan ey gemang ib bu ketang ga idi no ''Kaning so kunala-kunala tasam-tasam bu meno ganemot ya kua ya yun?'' ⁷ Gano genam mea tup sudue ambele keba lenan ey go, yangga bubuloso golo, walong gemang luik woi waly iram gosui no, ta semela bolo sono itigono gano ta kalik ut sono sera, ''Kuda kela, ku danamon, gano ku nesip temoi tong gano yamso piam semugono sikabung suey go saula ganemot gano tasam ganemot mea lemoi!'' ⁸ Ganemot no genam, siniso genam mo tup nembut pen ga no genam suey so kua sunuong nebut pen ga, gano gemang usi aya kaning so yakua tasam genemot?'' ⁹ Gano nemot gemang wa, '' Gano gemang kelang, Daniel siniso nembut ge gabano kok ko segigit se tebok meterai lo e ku yam no sepung. ¹⁰ Sudue mataso bu mea lu gano kon kua suep ko gano kebali ya terang mea semu, no sudue-sudue kunala piam ey go, piam baso mea suisuing kelaya duo kua sudue kunala piam ey go nemot ya sunuong no kunala-kunala sudue mea sunong. ¹¹ Ku ganemot nogo kuno-kuno menai tong dewi pupugo, gano gemang ib duo sana-sana suk kua ga luguat nang sogo ganemot seribu dua ratus gano ku sembilan pulu yamso. ¹² Suey gemang sudue kuno-kuno bubung go gano ku seribu tiga Ratus tiga puluh lima yamso. ¹³ No gia suigo mot kelong go ku yam sogono meapung gano nim mea loh gano mea bong ga yam sogono no mogo taiti iti nang sogo,''