¹ Vuno mumala umo uakuluka Ananaia, namukentu uendi Safitavu valandethele mutambo ua vufuko. ² Ua lihakelele mutamba ua vimbongo viva landethele (mukentu uendi ua uavithivukile), va vihaka kumiandja yava Positolo. ³ Vuno Petulu nguendi, '' Anania, muomu vika Satana na shulitha mbunge yove mukukuitha mpundhi ya kulela mu kushueka mutambela ua ndando yalihia? ⁴ Mu nthsimbu kanda valilandethe,lia kele liove, vuno kunima ya kulilandetha ngoco kuli kele ku mpoko yove? iya uje nahaka vipanga evi mumuono uove? ove ku ua kuithile muntu vunoni, Kalunga.'' ⁵ Mukuvua meji ano, Anania ua uile muono uendi uahuile, vunoni liova lia kama liethile kuli voshe va viu viule. ⁶ Vakuendje vakatukile vamuthenaele, ngoco vamutualele handja va mushitikile. ⁷ Kunima ngue yavi nthsimbu vitatu, mukentu uendi uethile uakovelele kathzivukile vika via jombolokele. ⁸ Petulu nguendi mpuevo ndjileke cipue ua landetha lihia kucingahi endi nguendi, mukemuo njalandetha mucingandi. ⁹ Ngoco Petulu ua handekele nendi nguendi vati vinakala evi linga mulivue mumo mukuetheka mpunthi ya muene? tala miandja ya vamala vaje vana kashitika mumala uove vali kucikolo, mukemuo nove vaka kuambata nakuku tuhula.'' ¹⁰ Mukentu vuathi vuathi uauililile kumiandja yendi uamanethele kuhuima omuo vakuendje vethile vakovelele, vamu uanene nathsi, mukemuo vamuambatele nakumunuitha mukumushitika kukandera ya mumala uendi. ¹¹ Liova liakama liethile ku vimbunga naha kati kavoshe vovuile viuma evi. ¹² vimuetho viavingi navi komoketho via hetele ha kati ka vantu kuhitila mu mavoko ava Postolo, Voshe vakele mumo munthzango ya Solomon. ¹³ Vuno naumo uahi uakulithalako ua kanyamene, mukuliva ndamena navo omo vakele hakuheta helu lia cithzo cakuva thingimika. ¹⁴ Kathi vakakuthselela vava vuethzelele kuli muene. Vimbunga via vamala navakentu. ¹⁵ Linga vakevo vakambate mavethzi mukati kavingila naku va langeka ha mihela naha vituamo , linga omo Petulu eja chithithimbe chendi chitave kuvila hali vamo vavo. ¹⁶ Ku jelalo, kuethzile mumo nachivunga chakama chavantu chatundile kumembo aje, athzengelekele Yelusalema mukuneha mavetzi nava vapumuine mpundzi yayuvi ngocho voshe vakangukile . ¹⁷ Vuno Sasendote uakama uaka tukile navaje voshe vakele mumo vakevo ni vakambunga ya va Sanduseo, mukemuo vashulile n lifu ua. ¹⁸ Vahakele mavoko halivapostolo, vava hakele mu kamenga ¹⁹ Mukuheta thsimbu yavuthsiki kangelo ua muene uashokoluele viethzilo via kamenga nakuvatuhuitha, uahandekele nguendi, '' ²⁰ Yauye , ukemane mutembele ukandeke navantu meji oshe amuono ou. ²¹ Omu muvovuile evi vakovelele muinthsi lia tembele chimenemene kuku cha chalitangua valongethele .Vunoni Sasendote uakama uethile, navaje vakele nendi vathanene ndhango hamolika, na vakuluntuva Isaeli, vavatumine kukamenga mukuka neha vapostolole. ²² Vuno vakakunyunga vaje vahi kuvava uanene mukamenga ngoco vahilukile nakukambulula.'' ²³ Tuna uana kamenga thsimbu kapatela vakakunyunga vanemana ku chethilo, vuno omuo mutua shokoluele kutuauanene umo mukati.'' ²⁴ Ngeci omuo Kapitau uatembele; namukuluntu uava Sasendonte vovuile meji ano vakele na chitanga cishoti cavo nguavo vika nakamona. ²⁵ Mukemo umo uethile uavalekele nguendi ''vaje vamala vmu nahakele mukamenga vanemana mutembele, valongetha vantu.'' ²⁶ Vuno Kapitau uayile nava ka kunyungi, ngoco vavahiluthile vunoni kuakujeneka muyoyo. vovuile liova,nguavo mpano vava sha mavue. ²⁷ Omuo vava nehele, vava tumbikile kulutue lua ndhango. Sasendote ua kama uava konkele. ²⁸ Ua handekele nguendi tuami shikile nalishiko keti muhambulule muli thzina eli laja mumuna shulitha Yelusalema navi longetha vieni nakushungula kuneha maninga a muntu ouhakati ketu. ²⁹ Vuno Petulu navapositolo vava kumbuluile nguavo tunapande kuthingimika Kalunga kutu vakana muntu. ³⁰ Kalunga ka vatata uahinduile Yesu, uje yi mua thsihile nakumu pampala ha citi. ³¹ Kalunga ua mujunduile nakumuhaka kulivoko lyendi lya cilio akale muene na muovole, mukuhana kutenguluka kuli Isaleli nakuethela cavupi. ³² Netu tuvimbangi kuviuma evi namukemo lalo Mpundhi ya cili uje Kakunga uahanene kuliva ka kumuthingimika. ³³ Vuno vilio via ndhango muvaviviule, viavaatetele vayonguele ku thsihia vapositolo. ³⁴ Vuno Kafaliseo ualithzina Ngamaliyele, mulongishi uameji alishiko uje yiva thingimikile vantu uoshe, uakatukile mu ndzango na kushika vapositolo vavatuhuilemo ha kakandende. ³⁵ Mukemo uahandekele navo nguendi vamala va ka Isaleli, ndjitolileni vuino kuli evi vi vimuyongola kupanga nava vantu. ³⁶ Muomu kulutue luamatangua Teundesa uakatukile kuli fuitha ngue umo vuna kutanda vamo vamala vamo vakuheta kuvihita viuana valivanda kanene nendi vamuthsihile. navoshe vamuononokele vali shandokele. vathzimanganene. ³⁷ Kunima you mumala, Yundasa uaku ngalileyauakatukile kumatangua aku tanda vantu uatanguile vantu vamo kunima yendi nendi lalo uanongele vaje vamuononokele voshe vali shandokele. ³⁸ Vuno ndjimileka nguange, shondolokeni kuli vamala ava vechelele lika liavo, nga vutumbe ovu ndi vipanga via kuli vantu, vika likele. ³⁹ Vuno nga via kutunda kuli Kalunga kuvikatha kakalikela muka uana ngueni muli nakuliluitha, Kalunga, ngoco valitavele. ⁴⁰ Mukemo vathanene va positolo vakovelele vava pupile naku va vashika kati vakahandeke mulithzina lia Yesu, mukemuo vavecelelele vaye. ⁴¹ Ngoco vatundile kulutue lua ndhango vaile naku jolela muomu cina vapande kuyanda nakushauka muomu lia thzina olyo. ⁴² Ngoco kunima yalitangua lyoshe mutembele, nakundjivo kunjivo, uakele nakutua lelelaho kulongetha nakuthzimbula muthzimbu ua cili nguavo Yesu ikeye Kristu.