¹ Kunahu mu matangua aa, omo mbunga ya vandonge ya li vuedhelele. Vangelengu va va Yundeya va valekele kuningita nkole ya Vahevelu, mukonda lya vantuluue vavo kuva vatalele kuvahana kuaso ku nkala litangua. ² Kuvaye likumi na va vali vathanene mbunga ya vandonge veje kuli yavo na kuvaleka nguavo, "Kutya vuahele etu kutha liyui lya Kalunga linga tuhane vuakulya. ³ Kunahu muna pande kuhangula, vamuna-nana, vamala vatanu navavali hakati keni, vamala va lutsimo luacili, vakushula na Mpundhi na mangana, ovo vatuhana vipanga evi. ⁴ Ngue etu tu twalelela ntsimmbu yoshe na kuvudila mu vipanga vya medhi. ^{5 6} Vihandeka vyavo vyayile mbunga ku vimbunge ngetyi vahanguile Stefanu, mumala wa kushula na Mpundhi ya Kujela, na Filipu, na Polokulu, na Nikanole, na Timone, Palemanease na Nikolau mukua vidhilika uaku Antioka. ⁶ Vakua kuitava vanehele vamala ovo kumesho ava postolo vava vundilile naku va kambeka mavoko. ⁷ Liyui lya Kalunga lyayile kuoshe, na mbunga ya vandonge muYelusalema yali vuedhele-lele muakama, na mbunga yakama ya va sasendote vononokele ku kulutsilyelo. ⁸ Ngeci Setefanu mukushula na kavumbi na ndhili, wa pangele vipupu viakama na vimueso mukati ka vantu. ⁹ Vuno natundile vantu vamo ovo vatyamene musinangonga vava thanene sinangonga ya vamala vakuli kalela. Va Sileniya na vakua Alesandeliya, na vamo va Silisia na Asia. Vantu ava vakele na vimpata na Setefanu. ¹⁰ Vuno kuvathele kuimana kutuvakana muangana na Mpundhi ya handekele nayo Setefanu. ¹¹ Ngeci va fuetelele vamala vamo linga vahandeke nguavo, "Tunovu Setefanu ahandeka meyi aku shaula Mosesa na Kalunga. ¹² Kunahu va shangumuine vantu, vakuluntu na kakua kusoneka, ngeci vayile kuli Setefanu vaka mukuate na kumuneha ku ndhango. ¹³ Vanehele vimbangi via mahuku ovo vahandekele nguavo, lyala ou ka likelele ku handeka meyi aku shaula muhela uno wakulela na meyi alishiko. ¹⁴ Ngue omo tua muvuile a handeka nguendi ou Yesu uaku Nazaleta avitha muhela uno nakualulula vilika viye vya tuthililile Mosesa. ¹⁵ Nkala ou ua tumamene mundhango uatalele mesho hali yendi naku mona cihanga cendi cafuile ngue cihanga ca kangelu.