¹ Keho Angilipa ia lekele Petulu nguendi, citava uhandeke yove vavenia. Hakeho Paul uoluele livoko liendi naku liohiela. ² "Njili niunga ange vavenia ngue mukua ku jolelea, muene Angilipa nji hana vukaleho vuange kulutue lueni ku litangua lia lelo ku vioshe viava nji vangeyele va Yundeya. ³ Muomu muakama ove umo udhivukitha ku kala cavo na cithemua cavo na vihula. Mukemuo, njina ku lambelela u njuvue na kuthimpa. ⁴ Muvucili, va Yundeya voshe va dhivuka vuyoye vuange kutunda vukuenje vuange mu cifuti cange mu Yelusalema. ⁵ Va nji dhivukile tunde ha katete, keho navakevo vana pande kuitava nguavo nja yoyele ngue kaFaliseo, vaka vukaleho vuavo. ⁶ njinemana hano muku nji pangula muomu kutselela cange mu litavathano lia hakeleho Njambi kuva shukuluetu. ⁷ Ku litavathano lije lia mishovo yetu likumi na ivali mu kutambula ngue omo va lemethele Kalunga nanthintha mathsiki na mutania, ha kuthselela eci vene, muene, vaYundeya vali nakunji vangeya. ⁸ Muomu vika mukela na vishoti eni vaka ku jeneka kutava nguavo Kalunga na shitula vakua kuthsa? ⁹ Nange vavenia nja thinganiekele ngecije nja pandele ku panga via vingi muku vindika lidhina lia Yesu ua ku Nazaleta. ¹⁰ Njavi pangele evi muYelusalema. Nja hakele mu kamenga vantu vavengi va Kalunga vakulela kundhili inja uanene ku vakuluntu va vasasendote, keho omo vava thsihile, nja va hithile na lidhi liange. ¹¹ Na mu kuva yandetha nthimbu ya yingi mu vithinangonga vioshe, njethekele kuva lingitha kushaula Kalunga. Keho omo nja va nienguelele muakama njava yandethele na kumembo ambala. ¹² Omo nja pangele evi, nja ile kuNdamasiku ha ndhili na ngolo ya ku tunda kuvva kuluntu vava sasendote. ¹³ Mungila yakuyako, muangana, nja muene ceke citunda muilu, oco ca ku tuvakana kutua ca litangua, ca nji tuililike kuoshe nava je vendele nange. ¹⁴ Omo tu voshe tua uile hanthi, njovuile lidhi lia handekele nange mu ndaka ya Cihevelu, "Saulu, Saulu, vika unji yandethela? Vina ku kalu uila kuli yove muku imana ulue." ¹⁵ Keho nja handekele nguange, "Yove iya, Muene?" Muene ua kuaniene ko nguendi "Yange Yesu uli nakuyandetha. ¹⁶ Hano vene, hinduka naku katuka imana ha mianja yove; muomi evi vikevio vi njina lijombuelela kuli yove, nakuku hangula upue ndungo yange nakupua lalo mukaleho uange ua viuma vioshe viudhivuka via kuli yange na viuma vinjika ku leka kulutue. ¹⁷ Njika kuohiela kuvantu naku vaka vifuti ovo va nji kaku tumina, ¹⁸ mukuishula mesho avo naku vatunditha mumuthithi kuvaneha mu ceke, naku vatunditha ku vundungo vua Satana kuva neha kuli Kalunga, keho linga navo vatambule kuecela ca milonga kuli Kalunga, na kuhinga vije vinja va hanene vaje vali muli yange ha kuthselela." ¹⁹ Ngoco vene, Muene Angilipa, kunja jombokele cimona c amuilu, ²⁰ vunoni ku vaje vali kuNdamasiku hakulivanga nava vali ku Yelusalema, na kuoshe mu cifuti ca Yundeya naku vakua vifuti lalo, njava hanene mudhimbu nguavo vna pande kulitengulula nakuya kuli Kalunga , kupanga vipanga via cili ngue kuku litavela. ²¹ Hali evi, va Yundeya va nji kuatele mutembele nakuetheka kunji thsiha. ²² Ngoco vene omo nja tambula vu kuathi vuje kutunda kuli Kalunga, nji nemana nakulitangua lia lelo naku ambuluila kuli ava vavandende nava va kama, via vapolofeto na Mosesa viva handekele nguavo vitholoka, ²³ nguavo Kilistu na pande kuyanda na ikeye lalo mukupua ua kulivanga kushituka ku kuthsa, aka ambulula via mutania kuvantu vetu naku vakua vifuti. ²⁴ Ngue omo Paulu ua lihakuilile ngecije, Festu ua handekele na lijui lia kama, "Paulu, una dhaluka; kuli longetha cove ca tuvakanena cinkunehela kudhaluka." ²⁵ Vunoni Paulu ua kuaniene nguendi, "Ange kunja dhalukile, Festu mukua vukama vua kutuvakana, vunoni aa medhi anji handeka avu cili aku shungama. ²⁶ Muomu muene adhivuka viuma viaco evi, nange lalo nji handeka nakuvutuka muomu muomu kuvia mu shuekelele, kuva vi pangelele mu mbango. ²⁷ Muene Angilipa munetava vapolofeto ni? Njina dhivuka ngecije mum=netava." ²⁸ Angilipa ua handekele na Paulu nguendi, "Mu nthimbu ya yihi une ku nji puitha mukua Kilistu?" ²⁹ Keho Paulu ua handekele nguendi , "Nji lomba kuli Kalunga, ha nthimbu ya yindende nambe yakama, kei kuli yove lika vunoni naku vaje va njuvua lelo, valfue ngeci muange, vunoni vajeneke malienge amukamenga." ³⁰ Keho muene ua katukile, na vanguvulu nava Mbenisi na voshe va tumamene navo. ³¹ Omo va tuhukile mu mbalaka, va handekele ku umo na mukuavo nguavo, "Liala ou viahi viakuviha viana panga viaku munehela kuthsa nambe vunkute. ³² Keho Anagilipa ua handekele na Festu nguendi, "Ou liala ci tava kumuecela nga kahitile kuli Sezale."