¹ Omo litangua lia Pentekosta liahetele , voshe vakele hamo hamuhela ujevene. ² Vuathi vuathi kuilu kuatundile nthindo ngue ku huhua kua mpunthi ya kama, keho yashulithile munjivo yoshe muje movatumamene. ³ Kua vajombolokele vindaka ngue tuhia via lia vethelele, atumamene kuli voshe umo na umo. ⁴ Keho voshe vashulile na mpunthi ya kujela keho vashangumukile kuhandeka mu vindaka viavio ngue omo mpunthi ya vahandekethele. ⁵ Kuakele va Yunda vakele mu Jelusalema, Vamala vaka kulemetha Kalunga, Vaje va tundile kuvifuti vioshe hano hanthi. ⁶ Omo vovuile nthindo eyi, mbunga yoshe ya likunguluile hamo lika via va (komokethele) mukonda nkala uoshe ua vovuile mova handekele nkala ou mundaka yendi. ⁷ Vashamene na kukmoka, vakuanyene nguavo,'' nkuma ava vahandeka ngechi keti va Ngalileya ndi? ⁸ Keho vaticho tuatha kuvovua, yetu voshe umo na umo ku vihandeka vietu viva tuthema navio? ⁹ Vaka Palitiya na vaka Mende na vaka Elame, nava vakele ku Mesopotaniya, mu Yundeya naka Pondosiya, mu Pontu na Asia, ¹⁰ Filisiya na Pamefiliya, ku Ingito na mitambela ya Lindiya hamuhiehi na Silene, na vangendthi vaka Loma, ¹¹ Vayunda na vaje keti vaYunda vaje veku shuamangeya futithi ya vaYunda, Vaka Kaleta na vaka Alambiya, tuli naku vovua mova handeka muvindaka vietu. ¹² Keho voshe vakomokele, vakele na citanga, va lihandekethele umo namukuavo, nguavo, '' echi cinalumbuluka vika? ¹³ keho vakuavo vava thembuluile na kuhandeka nguavo,'' vana kolua vuala vua vuha. ¹⁴ Keho Petulu uemanene navaje likumi na umo, ua kuanyene na lijui liakama kumbunga ije, nguendi, eni vakuetu vaYunda neni voshe muakala muYelusalema, maneni njimi languilile chuma eci, njitolilileni vuino vio njikuanya. ¹⁵ Vantu ava kova koluele, ngue mumuna vathinganyekela, muomu inapu lika nthimbu yamu chitatu kulitangua. ¹⁶ Vunoni evi vikevio viva kuanyene hali kapolofeto Yowele. ¹⁷ Vika kala kumatangua aku kotokela, Kalunga nguendi, njika shuwila mpunthi yange ku vantu voshe. Vana veni va vakentu vakambulula vupolofeto, va vakuluntu veni vaka mono vimona, na vakuluntu veni vaka lota thindjothi. ¹⁸ Tjili ha vangamba vange va vamala nava va vakentu kumatangua aje. ¹⁹ Nja ka mwetha vikomowetho mwilu na vithivukutho hanthi, maninga, tuhia, na mwinthi wakama. ²⁰ Litangwa ua lika thivala na ngonde ngue maninga nthimbu kanda litangwa lia kama na vumpau lia kalunga lije. ²¹ Tjika kala kuli nkala muntu uje aka thala lithina lia kalunga ikeye a kovoka. ²² Vantu vaka isaleli, tolilileni kumeji ano, yesu waku nazareta. ²³ Muomu kuvuthsiki vuno kuemanene kangelo ua Kalunga hamo nange uje unje kupangela, nange nji uendi, ²⁴ nguendi, keti uvue liova, Paulu. Una pande kuimana ku mexo a Sezale, na kutala, Kalunga na kufungila vaje voxe venda nove mu vuato. ²⁵ Ngoco honi vuaheleleni, mukonda njathelela Kalunga nguange cikapua ngue omu muvana njileke. ²⁶ Vononi tuxatukileni ku nkundu yimo. ²⁷ Omo matangua likumi na auana ahetele, mutua hungumukile mu mema aKalunga Andeliya, hakati-kati kavuthsiki vaka vuato vovuile ngue vovaheta kucifuti cimo. ²⁸ Ngoco valingile muyoyo na kutala kulova kua ndonga va uanene dhintambo makumi avali; keho na nthimbu ya indende inahiti, valingile muyoyo uakama na kuuana likumi na vitanu ya dhintambo tha kulova kuakulaha kua ndonga. ²⁹ Vakele na liova nguavo halumo tuli ndula mu mavue, ngoco vethelele vikuatetho viua kunthina keho valombele litangua likie vuathi. ³⁰ Ngoco vaka vuato vathetelele ngila ya kutuhuka mu vuato na kuvutula vithala viavo mu mema aKalunga, ngue va yonguele kuethelela vikuatetho kunciongo ya vuato. ³¹ Vunoni Paulu ua kuaniene na kapitau na kumasualale, "Mpano kuvanga ava vakala mu vuato, komu kovoka." ³² Keho masualale va vatuile mikole ya vuato na kuvuethela vu hungumuke. ³³ Keho mu yatuile mixa muyatuile, Paulu uava vianene voxe kutambula via kulia. Ua kuaniene nguendi, "Litangua eli lia mulikumi na atanu likelio litangua liomu dhiliya kulia navimo viahi. ³⁴ Ngoco ange njina viana keti mulihane via kulia, mukonda evi vili na mulio kuli yeni linga mukovoke. Ngocco naumo uahi ueni aka dhimbaletha nkambu ya kumutue uendi." ³⁵ Ngoco mua kuaniene evi, ua tambuile mbolo na kushangalele Kalunga kumexo avo voxe. Keho ua vajuile mbolo na kutameka kulia. ³⁶ Ngoco voxe va likolethele na kutambula lalo viakulia. ³⁷ Tuakele 276 ya vantu mu vuato. ³⁸ Omo mova manene kulia, va lingithile vuato vuleluke mu vombilile tiliku mu mema aKalunga. ³⁹ Keho mu liakile litangua, kuva dhivukile cifuti cije, vunoni vamuene linema na muxeke-xeke, keho va thimutuiyile nguavo kuatha tuhite aha navuato tuka tutike. ⁴⁰ Keho va vatuile vikuatetho na kuvitha mu mema aKalunga. Hanthimbu ije vene vavutuile mikole ya vikathi na kujelula vintanga kulutue ku mpundthi keho va talekethele ha cavu. ⁴¹ Vononi lituthi lia vuato lia pathamenene mulindova. Vuato vua pathamenene haje vene ko vuathele kuenda, na lituthi lia tavokele kundthili ya mankimba. ⁴² Viyongola via masualale via kele vathsihe vaka kamenga linga uahi uavo atane athivuke. ⁴³ Vunoni kapitau uayonguele kuamena Paulu, ngoco ua vatanganethele viyongola viavo viova yonguele kupanga; na kuvaleka nguendi uoxe adthivuka kutana akale yikeye ua kulivanga kujombokelamo atane. ⁴⁴ Keho voxe vakuxuamako vamuxuame, vakuavo vendele ha mavaya, na vakuavo vendele ha vitavuithila via vuato. Mungila eyi tuvavoxe tuovokele nakuheta kuntunda.