¹ Omo, Festus na kovelele mu mbongi, keho kunima ya matangua atatu, ua ile ku Kasaliya noho ku Yerusalema. ² Keho mukuluntu ua va sasendote na vamo vaka vukama vava Yundeya vanehele vitanga via na pangele Paulu, ³ na kuhula Festus vuino linga ava lingile cimo ha li Paulu nakumu thana ku Yelusalema, muonu avo valiuvuahethelele kumudhengeleka na kumu thsiha mungila yavo. ⁴ Festus ua kuanieneko nguendi Paulu ali mukashitiku kuli Kasaliya, endi luhwa kukeko kua ya mualolo. ⁵ Ngoco vene vaje vatha, nguendi Festu vana pande kuya netu. Keho nga kuli mulonga ku mumala uje, muna pande kumu kundika. ⁶ Festus uakele matangua a mengi aku pua ngue atanu na atatu muinthi lia matangua likumi keho ngeci ua shelelele kuli Sezale, keho mu litangua liaku shuamako ua tumamene mu mpamgulo naku shika Paulu vamu nehe kuli yendi. ⁷ Omo ua hetele, va Yundeya vaku Yelusalema vakele hamuhiehi, vakevo vanehele dhi nkanda dhiakama dhyakumu vangeya vije kuvia kele na vukaleho. ⁸ Keho Paulu ua liohielele endi vaveni naku handeka nguendi, "Ange kunja vihithile ku medhi a lishiko ava Yundeya nambe ku tembele nambe muku vihithila Sezale." ⁹ Vunoni Festus ua yonguele amu hane ku mavoko a vaYundeya, ngeci ua kuaniene Paulu nguendi, "Utonda kuya ku Yelusalema linga kuje nji kaku hithe ku viuma evi kuje?" ¹⁰ Vunoni Paulu nguendi, "Ange nji nemana ku cipundi ca ku thompela ca Sezale kuje ku vana pande kunji thompetha. Kuva Yundeya kunja vihithile mulonga nove una vidhiva. ¹¹ Ngoco nga nja panga mulonga, nambe nga nja vihitha mulonga u na pu mu kuthsa, kunja vianene kuthsa. Vunoni nga viva na nji tumbuila via ngoco, uahi uje atha ku nji hana kuli yavo. Nji neja kuli Sezale. ¹² Kunima Festus ua handekeele na na ndzhango ya ciuano ca vakuluntu,ua kuanieneko nguendi, "Una lombo kuya kuli Sezale. Kuli Sezale naua una pande kuya!" ¹³ Keho kunima ya matangua, Muene Agria na Mbenisi va hetele kuli Sezale mu vungendhi vua kushungama vua kumeneka Festus. ¹⁴ Keho kunima ya matangua a mengi a ku kala kuje, keho Festus ua hetethele mulonga ua Paulu kuli Muene; na ku kuania nguendi "Kuali mala umo vanamuthi kuno mukamenga kuli Feliksi ua mutha muku kala mukua kamenga. ¹⁵ Omo nja kele mu Yelusalema, mukuluntu ua va Sasendote uakama na vakuluntu vava Yundeya vanehele milonga ya pangele kuli yange , ngeci va yonguele nji mu thompethe nakumu uana mulonga. ¹⁶ Nja kuaniene kuli yavo nguange keti cilika ca va Loma mu ku hana muntu nkala ou muku mu thompetha, kuvanga vana muhana nthimbu ya ku lioheiela yendi vavenia ku mulonga uje. . . ¹⁷ Keho, va kungulukile kuno, kunja kele nthimbu, vunoni litangua lia kushuamako nja tumamene ku cipundi ca ku thompela na ku shika mumala uje va mu nehe. ¹⁸ Keho vakua kumuhana mulonga va shueneneko. Vunoni kuva uanene mulonga ua vucili ngue munja thinganiekele. ¹⁹ Vunoni va kele na vimpata nendi ku kulemetha cavo nevi viaku pandama kuli Yesu ou uathsa, uje Paulu yakele kutumbula nguendi ali na muono. ²⁰ Ange via nji tangele na vimo muku sikula evi viaco, mukemo njehuile Paulu nga a yongola kuya ku Yelusalema linga va kamu thompele viuma evi kuje. ²¹ Vunoni omo Paulu ua yonguele va muniunge kuje ngecije muene Sezale amu thompele. Ange ngeci nja shikile vamu niunge noho njimu tuma kuli muene Sezale." ²² Mukemo Angilipa ua lekele Festu nguendi, "Nange nji yongola nji mu tolilile ou mumala imene." Endi nguendi, u ka mutolilila. ²³ Keho litangua lia kusuamako, Angilipa uedhile na Mbenisi na cilika cakama, va kovelele muhondo ije na masualale na vakuluntu va nganda. Keho ku lishiko lia Festu Paulu va mu nehele kuli yavo. ²⁴ Keho Festu ua handekele nguendi, "Muene Angilipa, na vamala voshe muli kuno hamo netu, muna mumono ou mumala; i va tumbuile mbunga yoshe ya va Yunda mu Yundeya na kuno lalo, na ku tambakana kuli yange nguavo keti alo akale na muono. ²⁵ Vunoni ange kunja mu uanene mulonga uaku mu thsihila, vunovi muomu endi vavenia nali kundika kuli muene ngeci nange nja mu tumine. ²⁶ Vunoni viahi vi njili navio vinji mu thonekela kuli muene uange. Ngeci njina muneha kumesho eni, mukama ho kuli Muene Angilipa, linga omo muna konko hamo nji uamo vimo viaku vuedhako mukumuthonekela ku mulong ou. ²⁷ Muomu kutuma muntu mu kamenga kuvanga kumu uana mulonga uendi, kuvuaha kuahi ku kamushoka na mulonga uahi.